Dependencias, Secretaría, centro

A Dirección do C.R.A. de Coristanco - Santa Comba, informa que o novo alumnado admitido neste centro no vindeiro curso 2020/21 debe formalizar matrícula do día 1 ao 10 de xullo.
De seguido relaciónanse os documentos necesarios para a matrícula do/a voso/a fillo/a.

•   Impreso de formalización de matrícula (Anexo III-1).
•   Fotocopia do libro de familia.
•   DNI do pai e da nai do/a alumno/a.
•   Fotocopia da Tarxeta Sanitaria.
•   Certificado médico.
•   2 fotos tamaño carné.
•   Autorización de publicación de imaxe do menor.
•   Autorización saídas didácticas.
•   Autorización recollida alumn@.
•   Enquisa lingua contorno familiar.

A dirección deste centro atenderavos en horario de 9:30 a 14:30 h a partir do mércores 1 de xullo na sede do CRA de Coristanco - Santa Comba no lugar da Esfarrapa, 52 - Coristanco. Tamén podedes entregar a documentación de matrícula na sede de Santa Comba ou na Escola de Lañas (A Baña), concertando cita previa nos teléfonos do centro: 881 88 05 52 / 687 76 96 35 .

Todos os formularios serán facilitados ou ben físicamente na propia sede do CRA, ou ben por correo electrónico. Pódese descargar aquí o formulario de matrícula.

Tal e como se recolle nas Instrucións da Consellaría de Educación do 27 de abril de 2020, relativas ao desenvolvemento do 3º trimestre do curso 2019-20, o CRA de Coristanco - Santa Comba publica na páxina web do centro as adaptacións realizadas nas programacións didácticas para o seu coñecemento por parte da comunidade educativa.

Preme aquí para accederes ao documento completo.

Estimadas familias,

A Consellaría de Educación vén de publicar as Instrucións para o desenvolvemento do 3º trimestre no contexto actual da pandemia do COVID-19. Estas instrucións que están dispoñibles na seguinte ligazón https://www.edu.xunta.gal/portal/node/30936 especifican as directrices polas que nos debemos guiar os centros educativos para os diferentes aspectos do proceso educativo, nomeadamente, a adaptación das programacións didácticas e polo tanto, dos criterios de avaliación, promoción e titulación do alumnado. Isto supón que sobre todo se reforzarán competencias e contidos do primeiro e segundo trimestre, e os imprescindibles do terceiro. A avaliación centrarase no realizado nos dous primeiros trimestres.  

Unha vez feitas estas adaptacións serán enviadas á Inspección e publicadas na páxina web do centro para o coñecemento da comunidade educativa.

Aproveitamos o comunicado para avisarvos de que por seren o venres 1 de maio festivo e o luns 4 de maio non lectivo, estes días non se facilitarán as propostas de actividades diarias. Retomámolas o martes 5 de maio. Poderedes atopalas no espazo habitual de Actividades nesta mesma páxina web.

Agardando que vos atopedes ben, recibide un cordial saúdo

O equipo docente do CRA de Coristanco - Santa Comba

Estimadas familias,

En comunicación enviada pola Consellaría de Educación ás direccións dos centro educativos recibida esta tarde, en relación ao 3º trimestre, indícase que:

• A actividade lectiva non presencial continuarase, con carácter xeral, mediante repaso, reforzo e recuperación do traballo desenvolvido, centrándose na adquisición das competencias clave. Os centros avaliarán as medidas a adoptar para atender ao alumnado con maiores dificultades de acceso á educación no actual contexto.
• Despois da reunión do vindeiro mércores 15 de abril do Ministerio de Educación coas Comunidades Autónomas para coordinar medidas concretas a adoptar, ditaranse instrucións para o desenvolvemento do 3º trimestre e final de curso 2019/20.

Aproveito para comentarvos que xa está colgada no apartado Actividades desta web a proposta de mañán que o equipo docente do CRA fai para cada día lectivo.

Recibide un cordial saúdo de todo o equipo docente!

Prazo de admisión: do 1 ao 21 de marzo.

Modelo de solicitude:

Solicitude segundo o Anexo II, (procedemento ED550B), aprobado pola Orde de 25 de xaneiro de 2017, poderá cumprimentarse dos seguintes xeitos:

• De xeito manual recollendo o Anexo II no centro educativo: na sede ou nas escolas.

• Desde a a aplicación https://www.edu.xunta.es/admisionalumnado do portal educativo da Consellaría.

• Desde a Sede Electrónica da Xunta de Galicia: https://sede.xunta.gal/detalle-procedemento?codtram=ED550B

 Documentación a entregar coa solicitude:

• Fotocopia do libro de familia ou fotocopia do DNI do neno/a.

• Convenio regulador ou resolución xudicial de separación ou divorcio, se é o caso. 

Lugar de presentación:

Na Secretaría da sede do CRA de Coristanco – Santa Comba, sita en Lugar da Esfarrapa,52 (Coristanco) en horario de atención do equipo directivo: luns de 09:15 a 14:15 (sede Coristanco), mércores de 09:00 a 11:30 (sede Santa Comba). As solicitudes tamén poderán ser entregadas ás titoras nas respectivas escolas que llas farán chegar ao equipo directivo.

Normativa que regula o proceso: 

• DECRETO 13/2022, do 3 de febreiro,polo que se regula a admisión de alumnado en centros docentes sostidos con fondos públicos. 

• ORDE do 12 de marzo de 2013 pola que se desenvolve o procedemento para admisión de alumnado en centros docentes sostidos con fondos públicos. 

• ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado.

Principais puntos a ter en conta

• Cada solicitante presentará unha única solicitude no colexio que solicita en 1º lugar.

• En cada solicitude pódense pór ata 6 colexios por orde de preferencia.

• No caso de presentar máis dunha solicitude en distintos centros o solicitante perderá o dereito de prioridade.

• O alumnado que ten presentada solicitude de reserva nun centro se presenta solicitude de admisión noutro distinto deberá comunicar a renuncia á reserva no primeiro centro. (Só para alumnado xa escolarizado nun centro)

• O alumnado que ten garantía de permanencia nun centro, se presenta solicitude de admisión noutro centro, deberá comunicalo ao mesmo tempo no centro de orixe. (Só para alumnado xa escolarizado nun centro).

• As solicitudes fóra de prazo mandaranse á comisión de escolarización.

• Se o alumno/a non obtivese praza no centro solicitado en 1º lugar, remitirase a solicitude á comisión de escolarización.

PRESENTACIÓN DA DOCUMENTACIÓN XUSTIFICATIVA DOS CRITERIOS BAREMADOS

Só será precisa, e será requirida, no caso de que o número de solicitudes sexa maior que o de prazas vacantes.

• Fotocopia completa do libro de familia.

• Certificado de empadroamento municipal no que figuren todos os membros da unidade familiar que conviven no domicilio.

• Fotocopia da última declaración da renda dos pais. Necesaria só se non autorizan a comprobación de datos.

• Fotocopia do carné de familia numerosa de ser o caso.

• Fotocopia dos DNI dos pais ou titores legais. Necesaria só se non autorizan a comprobación de datos.

• Certificado de minusvalía de ser o caso. Necesaria só se non autorizan a comprobación de datos.

• Anexo II cuberto e coa puntuación cuberta.

CALENDARIO DO PROCESO DE ADMISIÓN DE ALUMNADO

Reserva de praza no centro de orixe: 1-15 de febreiro.

Data do sorteo público a efectos de desempate: última semana de febreiro e, en todo caso, antes do 1 de marzo.

Publicación de postos escolares vacantes: antes do 1 de marzo.

Presentación da solicitude de admisión: 1-20 de marzo.

Presentación documentación xustificativa dos criterios alegados (cando o número de solicitudes sexa maior ao das prazas ofertadas): 10 días hábiles contados a partir dos 2 días seguintes ao remate do prazo para presentar as solicitudes de admisión.

Listaxe provisional de admitidos e non-admitidos: Antes do 25 de abril

Listaxe definitiva de admitidos e non-admitidos: Antes do 15 de maio

Formalización da matrícula: do 20-30 de xuño (anexo III)