Radio Mende

O pasado venres, 18 de marzo, emitiuse unha nova emisión con máis novas sobre Florencio Delgado Gurriarán, que un grupo do alumnado de 6º E. Primaria continúa a investigar, ademais da lectura do 3º Poema elixido da súa primeira obra, Bebedeiras, co título "Festa: Folión de Vran".

Para volver escoitar premer no documento adxunto.

Hoxe comezamos a primeira emisión dunha serie diaria ata o día das Letras Galegas, onde un grupo do alumnado de 6º de E. Primaria, irá lendo un poema do autor das Letras Galegas deste ano, Florencio Delgado Gurriarán, cada día.

Nesta primeira emisión comezan cun poema da súa obra Galiza Infinda, "Resposta a Rosalía".

Presten atención, ademais pódese atopar máis información e actividades do autor na seguinte web: http://seminariogalan.org/

Hoxe, 23 de febreiro, co gallo da celebración do nacemento da máis grande heroína galega, Rosalía de Castro, temos unha emisión especial da nosa Radio, con dúas entrevistas, unha, a nosa Rosalía e outra, a un equipo de Formigas salvadoras da súa obra.

Moitas grazas á alumna de 1º da ESO, Ainara e o seu profe de galego, Xulio. E por suposto, tamén, ao noso equipo de Formigas salvadoras de 1º de E. Primaria. Parabéns!! Gran traballo.

Escoitade con moita atención, contan cousiñas moi interesantes.

Hoxe, día 11 de febreiro, como Homenaxe a Muller e a Nena na Ciencia o Equipo de Radio Mende realizou un pequeno podcast, en colaboración co alumnado de 5º de E.Primaria e 1º de E. Primaria.

Para escoitar premer no documento adxunto

Nos últimos días do 1º trimestre dúas alumnas de 6º de E. Primaria, Eva Ucha e Nerea García, estiveron investigando sobre a mascota da Biblioteca, e para resolver o enigma decidiron entrevistar á coordinadora da Biblioteca, Clara Martín. 

Esta entrevista foi emitida este martes en Radio Mende. E por se alguén non puido escoitala ou quere repetir queda no seguinte arquivo.

Haberá máis sorpresas dende Radio Mende, a Biblioteca e o retorno da súa mascota, Trosky.