Artigos
Seccións - Sub Categories
Sorte, Gustavo!
16/01/2013
Gustavo Faraldo (o fantástico profesional do vídeo que nos axudou a facer realidade o noso lipdub) está nominado para os próximos premios Goya de fotografía e vídeo (diferentes e anteriores aos de cine), no apartado de vídeo social (polo seu traballo "A solas con Betty"). Coñeceremos o gañador o próximo sábado 26 de xaneiro.
Desexámoslle sorte a Gustavo, porque deixou moi bo recordo polo Feal; e oxalá haxa novas colaboracións con el no futuro.
Tres "pelis" diferentes
Marisa Agulló, 12/01/2013
Os que me coñecen saben que me gusta moito o cine, e aproveitando estas pasadas vacacións visionei tres "pelis" de contido completamente diferente, pero que creo que merece a pena ver.
Convidada especial no último concerto de Budiño en Narón
Uxía Muíño (a primeira zanfona pola esquerda) acompañando a Budiño
29/11/2012
No concerto do gaiteiro Xosé Manuel Budiño que tivo lugar en Narón o pasado 22 de novembro, houbo unha convidada especial: a nosa alumna de 4º de ESO Uxía Muíño, que subiu ao escenario representando á aula de zanfona do Padroado de Cultura.
Unha semana máis tarde, a nosa alumna foi convidada de novo para tocar no Pazo da Cultura, neste caso convidada polo grupo local de folk "Os cempés". Desexamos que a zanfona lle dea moitas máis satisfaccións á Uxía!
Intocable
Marisa Agulló, 13/11/2012
Retomo os meus humildes comentarios sobre o cine, animada -para non perder a costume- polo alma mater dos "maquinetos" no Feal.
Como de momento non vin nada novo que mereza a pena recomendar, atrévome cunha una peli que vin a primavera pasada e que me pareceu unha valiosa lección sobre a amizade e a fortaleza ante a adversidade.
Trátase de INTOCABLE, de factura francesa, baseada nunha novela de Philippe Pozzo di Borgo, e creo ademais, en feitos reais.
- Directores: Olivier Nakane e Eric Toledano
- Actores principais: Francois Cluzet e Omar Sy
- Año: 2011
Conta con numerosos premios ás súas costas: César, Donosti, Tokyo, Donatello, Premio do cine europeo 2012...
Non quero desentrañar o argumento; merece a pena vela (temos o DVD na Biblioteca de Secundaria) e incluso ler o libro. Máis de 30 millóns de espectadores quedaron cativados pola maxia desta historia, entre eles eu mesma.
Só un adianto da trama, divertida e ao mesmo tempo emotiva e chea de vivacidade e lirismo: dous homes que xamais se coñecerían noutras circunstancias -un aristócrata tetrapléxico e un inmigrante magrebí- chegan a ser aliados inseparables.
Espero que vos guste, xa comentaredes.
Que misto máis falso!
05/10/2012
Pouco antes de relanzar a nosa web (aproveitando a estrea do lipdub "40 Aniversario"), publicamos un singular vídeo protagonizado polos nosos alumnos (agora en 4º de ESO B) Lucía Fontal e Francisco Mourente. A minimetraxe "O misto" estivo na páxina principal da nosa web durante todo o verán, e agoran chegan... AS TOMAS FALSAS (a continuación da boa). Lucía e Fran: un millón de grazas!
Pirámide marciana
20/09/2012
Os primeiros días deste curso, estivemos falando do robot Curiosity nas clases de Tecnoloxía de 3º e 4º de ESO. Moi poucos alumnos/as coñecían a súa aventura polo planeta Marte. Agora, Curiosity sorpréndenos con esta inquietante imaxe dunha roca de 25 cm de altura e forma piramidal. Será obra do vento?, dunha rotura casual?, dunha cristalización?...
Premio Planeta 2010
O máis famoso dos Premios Literarios que se conceden no noso país, recaeu este ano no escritor catalán, Eduardo Mendoza. As súas obras marcadas pola intriga e a ironía, sempre teñen boa acollida entre os lectores. Sin noticias de Gurb, El misterio de la cripta embrujada o La verdad sobre el caso Savolta son habituais lecturas entre os alumnos de Secundaria e Bacharelato. A obra pola que gaña o Planeta 2010 titúlase Riña de gatos. Madrid, 1936. Trátase dunha novela de espionaxe e aventuras, ambientada en Madrid nos días previos ao inicio da Guerra Civil.
Finalista deste recoñecido galardón temos á periodista valenciana Carmen Amoraga, coa obra El tiempo mientras tanto que narra o cambio que sofre a fría relación existente entre unha nai e unha filla cando ésta entra en coma. Ao longo da novela van entrando variadas personaxes que ofrecen unha mostra da súa historia e crean unha novela coral.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com