5º e 6º Primaria

Hoxe foi o día de coñecer o colexio GBS de Bosmier e así poder reencontrarnos cos nosos amigos belgas.

O primeiro que fixemos foi comezar cun pequeno baile e despois dividímonos en dous grupos para visitar o "Xardín dos sentidos" e tamén as aulas de todo o centro. Ademais fixemos un pequeno mural para deixar a nosa pegada aquí.

Despois de comer, participamos en diferentes xogos cooperativos nos que o pasamos moi ben.

E como recompensa un xeado riquísimo antes de marchar coas nosas familias belgas.

Queridas familias, 

Estes días están sendo moi especiais para nós, estámolo pasando moi ben.

O martes chegamos a Santiago e comimos, despois facturamos as maletas e pasamos o control para coller o avión. A maioría estabamos moi nerviosos, para algúns era a nosa primeira vez montando en avión. Todo foi moi ben.

Chegamos a Bruselas, e comezou a chover moito moito. Pero como había moito tráfico para chegar ao centro, cando o dimos conseguido xa parara. Deunos tempo para ver o bonita que era a Grand Place e o pequeno que era o Manneken Pis. Tamén comimos un gofre delicioso!

Ao chegar ao albergue, cenamos unha sopa que nos tiñan preparada e organizamos as habitacións, duchámonos e tratamos de durmir...