Tendo en conta a ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería, así como en centros privados concertados, no curso 2021/22 (código de procedemento ED330E).

infórmase que o alumnado beneficiario é o seguinte:

Alumnado matriculado en educación primaria, educación secundaria obrigatoria e educación especial:

a) Non ten que presentar solicitude: O alumnado beneficiario da axuda de material escolar no curso 2021-2022.

b) Ten que presentar solicitude:O alumnado que non foi beneficiario da axuda de material escolar no curso 2021-2022 que cumpra algunha das seguintes condicións:

• Que pertenza a unha familia cunha renda per cápita igual ou inferior a 6.000 €.

• Alumnado matriculado en educación especial.

• Alumnado suxeito a tutela ou garda da Xunta de Galicia.

• Alumnado cun grao de discapacidade igual ou superior ao 65%.

Achégase a ORDE, PERO SÓ É NECESARIO IMPRIMIR E CUBRIR os ANEXOS I e ANEXOS II (aqueles que estean no caso (b) de ter que presentar solicitude). Ver o PDF adxunto.

O Venres 12 de novembro celebramos o tradicional magosto con castañas aportadas grazas a algunhas familias, e un churrasco delicioso preparado por Maica. Non faltou a música, e como cada ano, a desinteresada colaboración de Gelo Álvarez (avó de María e Manuel R.) que sempre está disposto e atento a botar unha man ou aportando leña. Grazas tamén a Manolo Díez e Gela (pai e nai de Iria e Manuel D.) por prepararnos o novo asadoiro. As castañas asaron estupendamente. Todo o alumnado e profesorado desfrutou dunha tarde enxebre.

As nenas e nenos prepararon previamente os seus cucuruchos de periódico e engalanamos o noso patio coas castañas xigantes de cartón aproveitando recursos de cursos anteriores. #aprendizaxerespectuosa #reciclaxedidáctica

VELAQUÍ UN GENIALLY NO QUE PODEREDES ACCEDER ÁS DIFERENTES GALERIAS DE FOTOS E VÍDEOS, DESPOIS DE PREMER CORRECTAMENTE AS CUESTIÓNS PLANTEXADAS. SE PARTICIPACHE NA HALLOWEEN'S WEEK DE SEGURO QUE ACERTARÁS TODAS AS RESPOSTAS.

O pasado mércores 27 de outubro, levouse a cabo unha actividade complementaria. Consistiu nunha breve saída á contorna próxima para levar a cabo un obradoiro de ornitoloxía, impartido por Alberto e Goyo. Experto na ciencia das aves e garda forestal acompañaron e ensinaron a todo o alumnado do noso centro, a importancia da conservación da natureza neste enclave tan especial como é o Parque Natural da Serra da Enciña da Lastra.

Deste xeito, despois dunha charla sobre os diversos tipos de aves que podemos atopar segundo en que hábitats nos atopemos, así como a súa clasificación, o obxectivo centrouse en entender a razón do rexistro das aves. Para iso, é fundamental poder capturar algunhas especies con sumo coidado, e esta acción só pode ser levada a cabo por persoal autorizado, competente e experto na materia. A observación fundamental basearase na medición de patas, ás e tamén na súa plumaxe. Sen esquecer a comprobación pertinente do estado de saúde do animai. Despois procédese o anelamento da ave. Para isto e todo o anterior, deberanse empregar ferramentas e estratexias axeitadas.

Os paxaros, como todo ser vivo, debe ser tratado con todo o respecto que merece, pois todos forman parte dun ecosistema que debemos procurar manter evitando accións lesivas para o mesmo. Todo o alumnado puido asistir in situ, na realización completa deste proceso de captura, observación, identificación, medición, rexistro dos datos e anelamento de dúas especias moi comúns na nosa zona: un paporrubio e un merlo. Gozando así moito desta experiencia.

 Máis info e fotos nos blogs das aulas

Xa está dispoñible o menú do mes de novembro para o comedor escolar. Podedes descargar o PDF no arquivo adxunto.

Ver fotos no blog da aula vermella

O vindeiro luns 8 de novembro impartirase un obradoiro sobre dúas mulleres científicas relevantes na historia do noso país: Ánxeles Alvariño (1916-2005), precursora na investigación oceanográfica mundial. E Isabel Zendal (s. XIX), considerada pola OMS como a primeira enfermeira en misión internacional. Ambas con raíces galegas, contribuíron notablemente á investigación e á ciencia.

Este obradoiro, dirixido neste caso ao alumnado de 5º e de 6º de primaria do noso centro, levarase a cabo por cortesía da Secretaría Xeral de Política Lingüística da Consellería de Cultura, Educación e Universidade.

Do 25 ao 29 de outubro levaremos a cabo a semana do Samaín (Halloween’s Week), combinando diferentes actividades especiais coas actividades ordinarias do horario lectivo. A programación será a seguinte:

• Luns 25. Decoración de espazos do centro.
• Martes 26. Sesión de photocall e recepción de cabazas, que poden traer feitas e decoradas da casa para expoñelas no colexio. Prégase que se acompañen dunha etiqueta identificando o nome do ou dos alumnos/as. No caso de irmáns, pode ser unha conxunta si así se desexa.
• Mércores 27. Obradoiro de contacontos e obradoiro de experimentos caseiros.
• Xoves 28. Xogos populares do Samaín/Halloween.
• Venres 29. “Comida terrorífica”, baile de disfraces (este é o día que poden vir disfrazados de casa) e cine.

O HORARIO DE XORNADA PARTIDA É O SEGUINTE:

• ENTRADA ÁS 10:00H. DA MAÑÁ. (AS PORTAS ABRIRANSE 10 OU 15 MINUTOS ANTES)
• SAÍDA ÁS 16:30H. DA TARDE.

ACHÉGASE O MENÚ DO COMEDOR ESCOLAR CORRESPONDENTE AO MES DE OUTUBRO.

PODEDES DESCARGALO EN PDF NO FICHEIRO ADXUNTO.

LEMBRADE QUE A PARTIR DE OUTUBRO COMEZAMOS COA XORNADA PARTIDA ATA O MES DE MAIO 2022. O HORARIO DO COMEDOR NESTE CASO É DE 13:30 ÁS 15:00H. O ALUMNADO QUE VAI A COMER A CASA DEBE ENTRAR 5 MINUTOS ANTES DAS 15:00H.

NO ARQUIVO ADXUNTO TEDES TODA A INFORMACIÓN PROPORCIONADA NA REUNIÓN DE INICIO DE CURSO.

AQUELAS FAMILIAS QUE NON PUIDERON ASISTIR, LEMBRADE CUBRIR E ASINAR AS DOCUMENTACIÓNS QUE SE ENVIARÁN A TRAVÉS DO ALUMNADO NA MAIOR BREVIDADE POSIBLE.

OS HORARIOS E AS LISTAXES DE MATERIAL ESCOLAR ESTÁN ADEMAIS PUBLICADAS TANTO NESTA PÁXINA WEB COMO EN CADA BLOG DE AULA

PARA CALQUERA DÚBIDA PODEDES POÑERVOS EN CONTACTO A TRAVÉS DAS CANLES OFICIAIS (TELÉFONO, ABALAR, CORREO ELECTRÓNICO).

MAÑÁ DÍA 9 DE SETEMBRO COMEZAN AS CLASES LECTIVAS PARA O ALUMNADO DAS ETAPAS DE INFANTIL E PRIMARIA ÁS 9:30 H.

O SERVIZO DE COMEDOR DE 14:30 H. ÁS 15:15H.

MOITAS GRAZAS, E BO COMEZO DE CURSO!

A CONTINUACIÓN PODEDES CONSULTAR OS HORARIOS SEMANAIS DAS CLASES PRESENCIAS PARA O CURSO 2021/2022.

LEMBRADE QUE OS MESES DE SETEMBRO E DE XUÑO, O HORARIO É DE XORNADA CONTINUA DE 9:30 A 14:30. SENDO O SERVIZO DE COMEDOR DE 14:30 A 15:15.

LIGAZÓNS AOS BLOGS DE CADA AULA.

• HORARIO SEMANAL DA AULA VERDE (EDUCACIÓN INFANTIL)
• HORARIO SEMANAL DA AULA AMARELA (1º E 2º DE E. PRIMARIA)
• HORARIO SEMANAL DA AULA AZUL (3º E 4º DE E. PRIMARIA)
• HORARIO SEMANAL DA AULA VERMELLA (5º E 6º DE E. PRIMARIA)

TAMÉN PODEDES DESCARGAR OS HORARIOS NOS PDF QUE SE ACHEGAN ADXUNTOS.