Skip to Content

Audio by genre blues

Programa de animación á lectura en radio Tui

Mar, 05/07/2011 - 10:38 — admin

Presentamos o programa de radio elaborado polos alumnos e alumnas  de 5º de primaria. Carlos, Nadia e Cándido fálannos do libro Palabras de Caramelo. Bo traballo!!


12:52 minutes (8 MB)

4º Programa de Radio Tui 2013-14

Xov, 03/04/2014 - 15:49 — admin

Programa emitido en Radio Tui o xoves 3 de abril. Un programa no que participaron @s alumn@s de 4º de Primaria recomendando a lectura de Zimbo  de Arturo Abad & Joanna Concejo.

Zimbo é un boneco que está atado aos fíos que manexa o monicrequeiro, polo que está tristeiro. A idea que quere transmitir o autor é que o fundamental na vida, aínda que se sexa unha marioneta é a liberdade.


4:35 minutes (4.21 MB)

5º PROGRAMA RADIO TUI 2013-14

Mar, 27/05/2014 - 07:43 — admin
  

AS ÁS DE XENOVEVA, de Uxía Casal

As nenas e nenos de 3º de Primaria recoméndannos este libro que conta a historia dunha galiña que está farta de vivir na granxa.

Xenoveva está farta de vivir na granxa.

É unha galiña moi especial, porque ela quere ver o mundo. Un día, cando as súas ás xa están fortes, emprende o voo e comeza a correr aventuras.

O mundo exterior está cheo de emocións e desafíos que esta galiña viaxeira saborea a fondo.     

             

                            

12:10 minutes (11.15 MB)

2º PROGRAMA RADIO TUI CURSO 2014-2015

Xov, 09/04/2015 - 11:56 — admin
                            

Que pasaría se espertaras na pel doutra persoa? Ricardo odia a Malal, ó mellor porque é negro. Un día, xogando ó fútbol, Ricardo golpea a Malal. En ningún momento imaxinara o efecto que tería porse no seu lugar, na súa vida, na súa pel. Debería telo pensado antes. Agora, xa non hai elección... Este relato de Emmanuel Bourdier ten un fondo moi simple pero necesario: con el aprendemos que porse no lugar do outro é o mellor xeito de evitar prexuicios tan dañinos coma o racismo.

  Esta é a recomendación que nos fan as nenas e nenos de 4º de Primaria.     

5:07 minutes (4.68 MB)

1º PROGRAMA RADIO TUI CURSO 2015-2016

Sáb, 21/11/2015 - 16:21 — admin
                     

Velaquí a recomendación de lectura que nos aportan os alumn@s de 6º de Primaria: O asasinato do profesor de Matemáticas do escritor Jordi Sierra i Fabra.

Este libro conta a historia de tres rapaces que tiñan problemas coas matemáticas. Ata aquí nada fóra do normal, pero o seu profesor decidiu darlles unha segunda oportunidade: consistiría nunha gymkhana matemática con oito problemas e sete probas de enxeño ou acertixos encadeados. O obxectivo das probas era descubrir ao autor do asasinato do profesor á vez que puñan en funcionamento as súas aptitudes matemáticas. E o máis sorprendente é que o asasinato ocorreu de verdade...

 

O autor Jordi Sierra i Fabra naceu en Barcelona en 1947 e adicou gran parte da súa vida á escritura de libros de xénero narrativo xa que publicou o seu primeiro libro con tan so 12 anos.                     

4:51 minutes (4.44 MB)


logo
by Dr. Radut