Co obxectivo de mellorar as entradas e saídas do ALUMNADO DE PRIMARIA ACOMPAÑADO DAS FAMILIAS, a partir do luns, día 14 de setembro, despois da entrada e saída do alumnado transportado nos autobuses:
A entrada e saída do alumnado de 1º realizarase polo portal máis próximo ao edificio de 1º (ao lado do instituto).
A entrada e saída do alumnado de 2º e 3º realizarase polo portal máis próximo á panadaría.
A entrada e saída do alumnado de 4º, 5º e 6º realizarase polo portal de secretaría.

Adxuntamos unha imaxe das entradas e outra das saídas.

As entradas son a partir das 08:55, pero deben acceder ao recinto con tranquilidade. Temos flexibilidade para comezar o período lectivo.

Se hai varios irmáns/ás, poderán realizar a entrada, se o desexan, polo portal polo que ten que acceder o/a máis pequeno/a e unha vez dentro do recinto, o/a maior poderá dirixirse á porta do edificio que lle corresponda.

No caso da saída, se o desexan, o/a maior pode saír polo portal que lle corresponde e, unha vez na beirarrúa (de uso exclusivo para alumnado), desprazarse con tranquilidade ata a porta pola que sae o/a seu/súa irmán/á máis pequeno/a.