Hoxe, día 22 de xuño de 2021, é o último día do curso. Un curso especial marcado polas restricións, no que todo o alumnado tivo un comportamento exemplar adaptándose á nova situación que tiveron que vivir. Parabéns polo ben que cumpristes as normas! E agora a disfrutar das merecidas vacacións!

E para celebrar o fin de curso continuamos coa diversión, agradecéndolle á ANPA e ao concello de Oroso a súa colaboración. Depois da festa de onte para Infantil e 1º e 2º, no día de hoxe tocoulle ao resto dos niveis. O alumnado de 3º, 4º, 5º e 6º disfrutaron do teatro científico con Ciencia Divertida e do espectáculo de Jorge de Jaujarana. E por último os nenos e nenas de 4º A asombráronnos cun fantástico e inesperado baile. Día perfecto!!!

Álbum: Curso 2020 - 2021 -> Despedida 6º

Pasiño a pasiño chegamos á última semana deste particular curso 2020-2021. E coma durante todo o curso, tamén o final está condicionado pola pandemia que nos tocou vivir. Non podemos facer festival e festa todos xuntos, non poden entrar as familias e compartir a última xornada con nós... Pero sen algo especial non podiamos quedar! Hoxe, luns 21, o tempo non acompañou e impediu levar a cabo algunha das actividades que tiñamos proxectadas, coma a andaina por un tramo do Camiño Inglés que ía facer o alumnado de 5º e 6º ou a saída ao Carboeiro de 3º e 4º. Pero bueno, quen si puideron divertirse foron os nenos e nenas de Infantil e 1º e 2º de Primaria. Pasárono en grande cantando e bailando con Javier Solla. Que diversión!

Álbum: Curso 2020 - 2021 -> Fin de curso

Anda que anda, case sen darnos conta chegamos á penúltima semana do curso, semana que imos dedicar aos xogos populares. Grazas a Cándido Mascato e ao Concello de O Grove podemos contar cunha colección de 25 xogos durante toda a semana. O alumnado poderá divertirse con xogos como: mourón das ras, solitario celta, taboleiro do gato, xogo dos castelos, laberinto cooperativo, mourón da cruz, argolas no tallo, colgadoiro de ferraduras... A pasalo ben nenos e nenas que o curso remata!!! 

Álbum: Curso 2020 - 2021 -> Xogos Populares

Hoxe acompañounos no colexio David Navarro ex xogador do Obradoiro. Presentounos o seu libro "O Soño de Liam" e firmou os exemplares que tiñamos. Aprendemos que os soños se os perseguimos pódense cumprir. Grazas David

O alumnado de 3º e 4º celebramos o Día do medio ambiente con Rosco, co que aprendemos un montón de boas prácticas para protexer a natureza, grazas á Casa Grande de Xanceda.

Deunos consellos tan bos coma: levar unha bolsa de tea á compra, recoller o lixo cando saiamos de paseo pola natureza, apagar as luces cando non son precisas, pechar a billa mentres lavamos os dentes, plantar unha árbore, reciclar... Ah! e ensináronnos un precioso robot feito con material de refugallo, basicamente con latas de conservas. E ademais, agasalláronnos cun lapis moi especial que... Contiña sementes!!!

Na semana das Letras, seguimos a aprender máis cousas sobre Xela Arias. Hoxe fomos os nenos e nenas de 5º e 6º os participantes dun obradoiro que levou a cabo Xandobela por proposta do Concello. A través do xogo Quen dis que é? puidemos descubrir algo novo de Xela. Como nos divertimos!

A nosa lingua está de festa e no colexio levamos a cabo un montón de actividades durante todo o mes de maio. Amais das que nos ofreceron o Concello, a ANPA e a Asociación de Escritores en Lingua Galega, ou o videoclip que realizamos da canción de Paco Nogueiras "Meu o mundo é"; fixemos un concurso de caricaturas de Xela Arias e decoramos marcapáxinas sobre a homenaxeada. A gañadora da caricatura foi Adriana de 6º C, e con ela elaboramos unha chapa que repartimos a todo o persoal do colexio. Parabéns Adriana!

Hoxe tocoulle a Infantil participar dunha das actividades que nos ofreceu o concello. Estivo no colexio Pedro Brandariz con "Senlleiras" achegándonos ás mulleres que foron homenaxeadas no día das Letras Galegas ao longo da súa historia. Tan só catro foron as escollidas ata Xela; Rosalía de Castro, Francisca Herrera, María Mariño e Mª Victoria Moreno. Fenomenal coma sempre!

ESTAMOS DE FESTA!  O luns, 17 de maio, homenaxeamos o noso idioma. 

Para conmemor o DÍA DAS LETRAS GALEGAS, no CEIP Plurilingüe de Sigüeiro representamos a canción "Meu o mundo é" de Paco Nogueiras.

Esperamos que vos guste!

Ademais o alumnado de primaria coa profesora Daisy, decidiu interpretar a peza "Muñeira de Pontesampaio" con palillos. Aquí o resultado: 

Hoxe tivo lugar outra das actividades para conmemorar a figura de Xela Arias. Esta vez foi o alumnado de 4º o partícipe dun obradoiro sobre Xela, que nos ofreceu a Asociación de escritores en Lingua Galega con Andrea como guía. Achegámonos á Xela Nai a través do seu libro "Dario a diario" e soubemos que a súa poesía se caracteriza polo verso libre. Nada mellor que levalo á práctica para descubrir de que se trata, e en nada, convertímonos en poetas. Tivemos que traer ao colexio unha fotografía con alguén da nosa familia a quen lle escribimos un poema. Fixemos unhas composicións xeniais!!!