O recuncho de 6º EP

Sabedes o que fixemos o día 26 de abril?

Fomos de excursión ao Museo do Humor de Fene e tamén fixemos unha visita ao centro de Educación Viaria... Asistimos a esa visita os nenos e nenas de 4º e de 6º. (Anteriormente xa a fixeran os de 5º).

Sandra, Yoli e máis Vicente dixeron que a visita fora do máis agradable no centro de Educación Vial.

No Museo do Humor merendamos e o primeiro que vimos foi ao "Galego Das Escaleiras". Despois vimos uns espellos no que nos reflectiamos de diferentes maneiras: Había un no que nos viamos moi altos e moi delgados, outro no que viamos os nosos pés enormes...

Pero o que máis nos chamou a atención (polo menos a nós) foi a sala do "humor negro" e a dos "Premios Curuxa".

"O humor negro" era unha sala onde había caricaturas e tamén unhas lámpadas de raios ultravioletas que facían que a roupa branca e a fosforita brillaran esaxeradamente.

"Os premios curuxa" son uns premios que se entregan unha vez ao ano ao gañador dun concurso de debuxo no museo do humor...

Nós pasámolo moi ben, foi unha experiencia moi divertida!!!

                                                     Noemi e Daniela, 6ºA

     O sábado 16 de febreiro fomos á First Lego League. Quedamos no posto 19 de 24 equipos.

     Foi moi emocionante cando estabamos co robot no escenario. Escoitabamos ao resto do equipo animarnos e viamos a todo o público. Habia moitos nervios e case non tivemos tempo de entrenar!

   Cando terminou a entrega de premios fomos á universidade de Esteiro a comer, e invitáronnos a ver a universidade. Foi súper divertido!

   Pasámolo moi ben e estamos desexando chegar ao instituto para repetir a experencia!

-Volvería todas as semanas -din algúns.

-Pasámolo xenial! -din outros.

 Lía, Rita, Daniel (6ºA) 

   Na parte do proxecto científico e valores cremos que a nosa presentación saiunos moi ben. O que nós propuxemos foi un váter normal cun  cinturón e un botón a altura do pé para que cando o presionen succione as feces dos astronautas. 

Hugo H., Arianna, 6ºB

Sabedes o que faremos o 16 de febreiro?

Iremos á FIRST LEGO League... E se vos preguntades que é... é un concurso de robótica no que participa xente de todo o mundo. Aínda que nós participaremos no concurso galego, que será no Auditorio de Ferrol. Os de 6ºB farán o proxecto científico e de valores, e os de 6ºA faremos a parte de robótica que trata de resolver misións.

Estamos moi nerviosos! Se queredes podedes achegarvos ao Auditorio o 16 de febreiro para ver os nosos proxectos e os dos demais participantes.

   Rita, Lía e Daniela (6ºA)

O día 11 de outubro fomos á ESENGRA.

Participamos nun obradoiro de repostería e fixemos pastas e "cupcakes". Tamén fomos a un simulador dun barco, que parecía moi real. Algúns nenos/as mareáronse porque cremos que é real e que se move a sala.

Daniela, Lía, Rita (6º A)

O sábado 17 de febreiro fomos ao Auditorio de Ferrol a participar no concurso de FLL (First Lego League).

Pasámolo xenial!

Primeiro leváronnos a un sitio apartado, déronnos un agasallo da Universidade da Coruña e a acreditación. Despois déronnos unha charla de benvida.

Deseguido, os nosos compañeiros subiron ao escenario para facer a primeira proba dos robots. Estabamos moi nerviosos/as véndoos. Non conseguimos puntos pero tiñamos dúas oportunidades máis.

Eramos 16 equipos e quedamos... de SEXTOS!

A presentación foinos moi ben e o mural de valores tamén. O xurado fíxonos unha proba de equipo: andar cuns folios baixo os pés sen levantalos. NON O CONSEGUIMOS!

Chegou a segunda oportunidade: tampouco conseguimos puntos, pero na terceira...CONSEGUIMOS 4 E MÁIS UN, QUE NOS DEU O OUTRO EQUIPO (CasanovaSquad)!!

Despois fomos á Universidade de Ferrol a comer. A continuación fixéronnos unha visita guiada. Aprendemos moito!!

Estivemos nun túnel do vento: o máximo que tivemos foi de 140 km/hora.

E MOITAS COUSAS MÁIS!!!

Vimos experimentos, robots...

Foi unha experiencia inolvidable!!!

Na seguinte foto podedes ver a unha compañeira nosa lucindo a camiseta de Recibótica e acompañada do autor do debuxo do robot, un neno de 4ºB.

Equipo Recibótica!!!!