Nos arquivos adxuntos está toda a información relativa á solicitude do servizo complementario de comedor escolar para o vindeiro curso escolar 2024/25.

* As autodeclaracións entregaranse na secretaría do centro entre o 2 e o 5 de xullo en horario de 9:30 a 13:00h.

ANUNCIO DE APERTURA DO PRAZO DE ADMISIÓN DE MEMBROS DA COMUNIDADE EDUCATIVA DO CEIP RAMÓN DE VALENZUELA, COMO COLABORADORES VOLUNTARIOS NAS TAREFAS DE ATENCIÓN E APOIO AO ALUMNADO USUARIO DO COMEDOR ESCOLAR DURANTE O CURSO 2024-2025.

As nais, os pais, os/as titores/a legais e os/as acolledores/as familiares do alumnado deste centro de ensino, que desexen, ao longo do curso 2024/2025, colaborar de xeito altruísta nas tarefas de atención e apoio aos escolares usuarios do comedor escolar, poderán apuntarse nas listas de admisión, que, habilitadas para este fin, se atopan na Dirección.

O prazo para presentar solicitudes permanecerá aberto ata o día 8 setembro de 2024, podéndose reabrir un novo prazo, de ser o caso, ata o 22 de decembro de 2024.

Durante o curso escolar 2024-2025  só se contará coa colaboración das persoas que figuren anotadas nestas listas.

O director do centro.

Bandeira, 30 de xuño de 2024.

Lembramos ás familias que o vindeiro LUNS día 3 de xuño cambiará o horario de entrada e saída do colexio.

HORARIO MES DE XUÑO

XORNADA LECTIVA DE 9:40h A 14:30h

Apertura de portas para acceso ao colexio 9:30h

COMEDOR DE 14:30h A 15:40h

15:40 SAÍDA ALUMNADO DO CENTRO

Prégase puntualidade ás familias do alumnado non transportado.

Segundo a ORDE do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B).

• FONDO SOLIDARIO  de libros de texto do alumnado matriculado en 3º, 4º, 5º  e 6º de Educación Primaria. Para acceder ao fondo solidario deberán devolver antes do 21 de xuño os libros recibidos do fondo solidario no curso 2023/24 en perfecto estado, quedando excluído desta devolución o alumnado de 1º e 2º de Educación Primaria.
• AXUDAS PARA ADQUIRIR LIBROS de texto para o alumnado matriculado en 1º, 2º de Educación Primaria e en EE, tamén aquel alumnado de NEAE que a xuizo do centro docente non poida empregar o material didáctico existente no colexio.
• AXUDAS PARA MATERIAL ESCOLAR destinadas ao alumnado de EP e EE.  

PRESENTACIÓN DE SOLICITUDES:   os modelos de solicitude obteranse por vía electrónica na aplicación Fondolibros (https://www.edu.xunta.gal/fondolibros) e unha vez cubertos todos os datos deberán gardala, obtendo así o número de solicitude e posteriormente optarán por dúas formas de  presentación:

• Presentación no centro: imprimir solicitude e o anexo II, asinala e entregala coa documentación acreditativa.
• Presentación na Sede Electrónica da Xunta de Galicia (https://www.sede.xunta.gal)  

OBRIGAS:

• Ter devolto os libros de texto e o material reutilizable adquirido coas axudas para libros de texto ou recibido do fondo solidario no curso 2023/2024 en bo estado.
• Conservar en bo estado os libros de texto e material reutilizable.
• Destinar o importe do vale a adquirir os libros de texto que indique o centro en que estea matriculado o alumnado.
• Destinar o importe do vale para material a adquirir o material escolar que necesite.

O alumnado de Educación Infantil non ten que solicitala.

O alumnado de 6º de Ed. Primaria ten que solicitala no IES que lle corresponde.

A solicitude será única para todos os fillos/as.

Post de Instagram Nota de Aviso Doodle Blanco y Amarillo de toni ensa

Deixámosvos un pequeno resumo do homenaxe que fixeron o alumnado do noso Centro para conmemorar o día das letras galegas 2024.

Achégase o día grande das Letras Galegas e o CEIP Ramón de Valenzuela, neste ano 2024, incorporá a LUISA VILLALTA aos seus recursos co traballo en prol da nosa lingua. Figura da intelectual, escritora, activista política, cultural e medioambiental, articulista, tradutora, profesora, filóloga e violinista 

O noso Centro está a traballar un sin fín de actividades así que estade atentos a nosa Web! 

Amosámosvos o nova pintada na parede do Centro na honra de Luisa Villalta.

Nova pintada

Este pasado luns celebrouse, no Polideportivo de Silleda, unha nova xornada de deporte escolar onde os protagonistas desta nova convivencia foron os nenos e nenas de 5º e 6º. Ao longo de toda mañá disputáronse varias probas de atletismo (Carreiras de relevos, velocidade, salto...), reinando a deportividade e o bo ambiente nas gradas.