Skip to Content

3º e 4º de Educación Primaria

Carreira Solidaria "Save the Children"

Mér, 02/05/2020 - 23:45 — Anónimo

O noso colexio leva 12 anos colaborando coa ONG “Save the Children” a través dunha carreira solidaria na que participan os nosos alumnos e alumnas e que financian as familias. Dita carreira foi o pasado venres 31 de xaneiro, e formou parte das actividades programadas para conmemorar o Día da Paz. Grazas as familias pola súa colaboración, tanto neste evento como en todos os que organizamos con fines solidarios.

Xeoparque Montañas de Courel. Capítulo II

Mar, 12/10/2019 - 00:14 — Anónimo

Xeoparque Montañas de Courel. Capítulo II. Nesta ocasión son os alumnos e alumnas de terceiro xunto coa súa mestra, María José, os que nos presentan este marabilloso vídeo.

VISITA AO CASTRO DA TORRE, SECEDA E FERVENZA DA PEDREIRA

Mér, 12/04/2019 - 23:35 — Anónimo

As alumnas e alumnos de terceiro e cuarto de primaria visitaron hoxe o Xeoparque Montañas de Courel, acompañados das profes María José, Belén e Lucía e de Guillermo Díaz Aira. Visitaron: o Castro da Torre, Seceda, aprenderon sobre as minas de Torubio e A Toca e por último visitaron a Fervenza da Pedreira. Sen dúbida unha xornada para non esquecer.

As nenas só falan de unicornios

Lun, 12/02/2019 - 19:01 — Anónimo

Como colofón as actividades de igualdade e prevención da violencia de xénero que organizou a ANPA do colexio durante este primeiro trimestre, os alumnos e alumnas de teatro representaron a obra “As nenas só falan de unicornios”” escrita e dirigida por Eva F. Ferreira.

PREVENCIÓN DA VIOLENCIA DE XÉNERO CON VELAÍSCA

Ven, 11/29/2019 - 00:09 — Anónimo

Durante o mes de novembro a empresa de animación Velaísca de Chantada realizou varias dinámicas sobre igualdade e prevención da violencia de xénero co alumnado de infantil e primaria do colexio. Estas actividades estiveron organizadas pola ANPA do CEIP.

Podedes premer na imaxe para acceder á galería.

"MANCIÑAS"

Ven, 11/29/2019 - 00:00 — Anónimo

A Organización de Xordos de Galicia, Xoga , estivo hoxe no colexio dando a coñecer ao alumnado a lingua de signos a través da actividade "Manciñas" que consistiu nunha charla sobre a lingua de signos e as vantaxes que conleva a súa aprendizaxe e uso. Moitas grazas a Pili e David polo ben que trasmitiron aos nenos e nenas e o gran interese que despertaron neles/as.

Podedes premer na seguinte fotografía para acceder á galería de imaxes.

EDUCACIÓN SEXUAL

Mar, 11/26/2019 - 23:01 — Anónimo

Durante este mes de novembro o alumnado de infantil e primaria do CEIP recibiu varias charlas sobre educación sexual por parte de Estefanía e Miguel, médicos sexólogos do gabinete Otero Piñán de Lugo. As charlas, interesantísimas, trataron os seguintes temas: Promoción do respecto á diversidade sexual, prevención en violencia de xénero, dereitos sexuais, habilidades sociosexuais.

Distribuir contido


by Dr. Radut