A semana do 7 ao 11 de marzo celebramos a Semana da Prensa e que mellor xeito de facelo que asistindo a unha actividade do Faro na Escola na que participamos na entrevista de 3 emblemáticos deportistas: Chus Lago, Vlado Gudelj e Óscar Pereiro.

Ao longo da semana traballamos tamén sobre distintas noticias relacionadas co noso proxecto anual "Costumes e tradicións galegas" e durante o recreo radiámolas para todo o centro.

Ademais tivemos a oportunidade de consultar diferentes xornais das catro provincias da nosa Comunidade e establecer comparacións entre eles.

Nesta ocasión a Concellería de Normalización Lingüística ofreceunos aos alumnos de 5º de E.P. unha trepidante e interesante actividade que consistiu na recuperación de xogos populares, a disposición de xogos novos e diferentes, e tamén lingüísticos fomentando o uso do galego dun xeito lúdico. As distintas probas transcorreron de maneira rotatoria e cooperativa ao mesmo tempo.

O luns 7 de Marzo asistimos a unha clase práctica de periodismo organizada polo Faro de Vigo que tivo lugar no Auditorio Mar de Vigo. O obxectivo era que os nenos compartiran á forma de traballar dun periodista. Nos seguintes enlaces podedes ver o resultado do traballo:

FARO apadrina el bautizo periodístico de 700 escolares

Vídeo resumen

Galería

Outra das actividades realizadas o propio Día de Rosalía foi escoitar algúns datos sobre a vida e a obra da escritora a cargo dos alumnos de 4º de E. Primaria. A continuación todos xuntos recitamos a estrofa do poema "Alborada" e dous representantes de cada curso,  acompañados polos seus respectivos grupos, recitaron tamén o "Adiós ríos, adiós fontes". Con cada unha das estrofas de este poema que elaboramos con anterioridade nas aulas, compuxemos un bonito mural.

Para rematar, o Equipo de Dinamización de Lingua Galega e de Biblioteca agasallounos, tanto ao alumnado coma o profesorado, unha flor.

Este ano comezamos a preparar a celebración do 24 de febreiro, Día de Rosalía de Castro, realizando diferentes actividades e unha delas foi elaborar unha postal cunha estrofa de "Alborda" de Cantares Gallegos e enviala ás casa de todo o alumnado como agasallo rosaliano. Aquí tedes a mostra da súa elaboración e resultado.