O pasado 21 de marzo celebramos o Día da Poesía, aínda que dedicamos máis dun día a coñecer e traballar este interesante xénero literario.

Velaquí tedes aos grandes poetas e poetisas do Sello!

Manuel María Fernández Teixeiro é o autor homenaxeado este ano o Día das Letras Galegas. Aquí tedes algunhas actividades que vos poden resultar de interese para coñecer un pouco mais a vida e a obra de este escritor.

Os alumnos de 5º puxeron moita ilusión en aprender todo o relacionado coa época dos celtas para compartilo cos peques de E. Infantil. Despois de ilustrarnos con moita e interesante información agasalláronnos un bonito símbolo celta para colorear.

                                    Grazas compis!!!

Nesta ocasión o alumnado de E. Infantil gozou dunha actividade musical grazas, unha vez máis, ao Servizo de Normalización Lingüística do Concello de Vigo.

A historia da pita amareliña captou a atención dos nosos cativos empregando diferentes instrumentos, monicreques e outros elementos que fixeron que os rapaces  acompañasen as cancións e narracións cun sinxelo e sonoro vocabulario en galego.

A Concellería de NL, a través do Servizo de Normalización Lingüística do Concello de Vigo, ofreceunos o luns día 14 unha actividade dinamizadora do galego dirixida á 3º e 4º de E. Primaria que incluí probas lingüísticas, culturais e xogos diversos onde o vínculo foi a lingua galega.

Un taboleiro simulaba o coñecido xogo da oca pero tematizado con diferentes monumentos e lugares emblemáticos da cidade de Vigo.

Os participantes tiveron que superar unha serie de retos lingüísticos e culturais para acadar o tan prezado “tesouro de Rande”.

E a sesión rematou cun obradoiro onde se comprobou a destreza manual dos participantes cun políptico de Camiño da Lingua onde escribiron a palabra “lingua” en diferentes linguas e linguaxes (náutica, braille, hebreo, árabe, chinés, castelán...).