A NOSA ASOCIACIÓN

Coa denominación  ASOCIACIÓN DE PAIS E NAIS "AS OLIVAS" constitúese unha asociación ao amparo da Lei Orgánica 1/2002 de 22 de Marzo con capacidade xurídica e plena capacidade de obrar carecendo de ánimo de lucro.

Son fins da asociacións:

1. Desenvolver e defender os dereitos do colectivo pais-nais e alumnos/as.
2. Promocionar e apoiar actividadees extraescolares, educativas e formativas.
3. Sensibilizar sobre a importancia de dita Asociación á comunidade escolar.
4. Promover a relación e intercambio entre asociados así como tamén promover a igualdade de todos os alumnos sen ningún tipo de discriminación.
5. Desenvolver actividades de todo tipo encamiñadas a cubrir as necesidades dos asociados/as e outros colectivos, así como ás dirixidas a achegar recursos para cumprir cos fins fundacionais.

Para o cumprimento destes fins realizaranse as seguintes actividades:

1. Dinamización dun espazo de encontro.
2. Organización de actividades socioculturais, deportivas, lúdicas...
3. Organización de cursos, seminarios, conferencias e actos similares.
4. Elaboración e edición de materiais formativos, revistas, folletos ou calquer outro tipo de publicación para a difusión das ideas da asociación.
5. Deseño e execución de cantas accións ou actividades sexan precisas para conseguir a participación de asociados/as.
6. Fomento das relacións de colaboración coas institucións públicas, empresas privadas e organizacións non lucrativas que permitan un mellor cumprimento dos fin fundacionais.