Chegou ao cole a segunda colaboración por parte das familias para o "Contacontos"
Desta volta, foi Vanesa, a mamá de Tania ( que contou coa súa colaboración) da clase de 5 anos a que se animou a contarnos un conto . E deunos permiso para poder publicalo na conta de "youtube" da biblioteca.
O conto seleccionado foi " A tartaruga que quería durmir" (premede para ver a ficha do libro) escrito por Roberto Aliaga e publicado por OQO editora.
Aquí vos queda esta fantástica historia contada magníficamente por Vanesa, coa colaboración de Tania.
MOITÍSIMAS GRAZAS ÁS DÚAS!!!!!!!!!
E aquí tedes unha foto das dúas protagonistas: Vanesa recibindo un diploma de agradecemento
Dende o cole, e especialmente dende o equipo de BIBLIOTECA queríamos agradecer a Rocío, tía de Xermán da clase de 4 anos a doazón que nos fixo en xuño, a finais de curso.
Polo cese do seu negocio de videoclube , doóunos unha chea de películas para aumentar a nosa colección, con películas:
-"Para todos os públicos"
-"Non recomendadas a menores de 7 anos"
Quixemos ter un pequeno e simbólico detalle con ela, e pensamos que non había mellor momento , que nas datas máis próximas ó día das bibliotecas escolares (24 de Outubro).
Aquí vos deixamos unhas poucas fotos do momento da entrega do agasallo
Como sabedes o próximo día 24 é o día das BIBLIOTECAS, o venres 23 celebrarémolo no cole, esta semana iniciamos parte das actividades da nosa BIBLIOTECA ESCOLAR: préstamo individual e mochilas viaxeiras.
Deixámosvos as normas para o uso das mochilas.
Adxuntamos tamén o arquivo en PDF (que ten mellor calidade ) esta nota irá incluída en cada mochila, ademais das normas de uso xeral da biblioteca por mor do PROTOCOLO COVID-19 e o diario da mochila.
Agardamos que desfrutedes do contido das mochilas. BOA LECTURA EN FAMILIA.
Para celebrar este ano o día do libro, 23 de abril, dende a distancia, lanzamos unha proposta:
CAL É O VOSO LIBRO FAVORITO?
A participación voluntaria, para toda a comunidade educativa. Moitas grazas a todas as familias que se implicaron e participaron, e tamén ó profesorado que compartiu con nós a súa escolla.
Aquí tedes o resultado: Un pequeno vídeo con todas as aportacións:
E se o queredes ver, tranquila e pausadamente creamos un documento en ISSUU ,
para que o vexades en formato "libro" con máis calma.
Con motivo da celebración do día do LIBRO o próximo día 23 de ABRIL , dende o equipo de Biblioteca do cole, queremos propoñervos unha actividade para que participedes
todos e todas: profesorado, alumnado e familias.
Podedes ser creativos/as e botarlle imaxinación e utilizar o formato que queirades, ou se preferides, adxuntamos dous modelos en formato PDF para que poidades imprimir :
MODELO para ED. INFANTIL e 1º e 2º de Primaria: premede AQUÍ!