blogue deadmin

No número 65 da revista galega de educación, EDUGA, sae publicado un artigo elaborado polo Equipo de biblioteca do centro. Pincha na imaxe para ver o artigo.

No artigo ponse de manisfesto a importancia que ten a coordinación de todos os sectores implicados no proceso educativo para que a biblioteca xogue un papel importante na vida do centro.

"A coordinación, entendida como unha conexión de medios, esforzos, equipos, estamentos… para alcanzar un fin, é indispensable para que a biblioteca chegue a funcionar como un centro de recursos de aprendizaxe dentro dos centros educativos, que, en definitiva, é a finalidade principal pola que estamos a traballar desde as bibliotecas escolares.

Desde o ENDL e a biblioteca do centro convócase un concurso para elixir á mascota da biblioteca e que tamén dará nome ao xornal escolar que estamos a realizar entre todos e todas. 

Pode participar no mesmo toda a comunidade educativa e se o desexades podedes presentar a concurso máis dun traballo. 

As bases do concurso serán as que seguintes:

• Os traballos deberán ser feitos nunha folla tamaño a4.
• Poderán ser realizados en calquera técnica de plástica.
• O debuxo da mascota deberá ser orixinal.
• As mascotas, tamén, deberán ter un nome orixinal.

A mascota gañadora será a elixida para dinamizar o funcionamento da biblioteca e, asemade, ambientará moitos dos recunchos do cole.