Blogues

Este ano no centro temos un grupo de traballo para traballar o tema do modernismo a través da metodoloxía SEM, que serve para traballar  o talento dos nenos/as baseándose amplamente nos intereses, se cliqueades no enlace podedes ver en que consiste (Enlace á metodoloxía). En educación infantil, ademais de levalo a cabo co modernismo, decidimos extrapolar este tipo de metodoloxía a outros ámbitos, e para iso, creamos unha actividade chamada “Clusters”. Para iso preguntamos a cada neno/a individualmente que é o que máis lle gusta facer e o que lle gustaría facer  no cole, e en base a todas as respostas, sacamos 6 ideas clave: pintura, cociña, xogos tradicionais, deportes, coches  e cantar e bailar. Así pois, en base a unha enquisa de intereses posterior dividimos aos nenos nos 6 ámbitos, quedando 6 grupos con 13 nenos/as aproximadamente nos que están mesturados nenos/as das 3 idades.

Educación Infantil está inmerso nun proxecto que permite a pequenos e maiores achegarse á cultura andaluza, solventando varios interrogantes sobre o noso patio cuberto de Infantil, xa que é coñecido polo patio andaluz. 

 Coñecemos onde se atopa Andalucía, en que medios de transporte podemos chegar até alí, cal é o máis típico de alí, así como descubrir a súa gastronomía, tradicións, vestimenta típica, música... e mesmo indagar sobre o significado dos azulexos do patio andaluz. Traballando o proxecto  coincidía coa Feira de Abril de Sevilla, polo que puxémonos máns á obra e traballámola á vez que a recreamos, formando as nosas propias casetas, cada unha cunha comida diferente: xamón, queixo, aceitunas, churros, garrapiñadas... e mesmo o manxar estrela para eles: algodón de azúcar.

De acordo co artigo 30 da Orde do 12 de Marzo de 2013 "3. As listaxes provisionais de persoas admitidas e non admitidas deberán publicarse antes do día 25 de abril de cada ano, indicando expresamente que se poderá formular reclamación no prazo de 5 días hábiles contados a partir do seguinte ao da súa publica‑ción, ante o consello escolar no caso de centros públicos, e ante a titularidade no caso de centros privados concertados."

Adxúntase as listaxes provisionais de alumnado admitido e non admitido para o vindeiro curso. Contra esta lista provisional hai un prazo de 5 días hábiles para reclamar, finalizando este o martes 25 de Abril. Dado que a data de hoxe, 18 de abril celebrouse o consello escolar.

Os nenos e nenas de educación infantil despediron o segundo trimestre cociñando ricos manxares que compartiron con todos os compis de infantil ao son da música, festexando a I Festa da Primavera do cole

Durante este curso 2016/2017 estase a desenvolver un programa educativo posto en marcha polo Consorcio das Mariñas co apoio do CEIDA ( Centro de Extensión Universitaria e Divulgación Ambiental de Galicia), que pretende achegar aos escolares de Educación Primaria os conceptos de consumo responsable orientados a profundizar na redución dos residuos. O noso alumnado de 5º participou nas actividades impartidas polo CEIDA, realizándose dúas sesións didácticas, nas que se traballou a sensibilización e conciencia dos escolares para que os cambios sexan perdurables. A campaña está deseñada para o coñecemento e dispersión da mesma ás familias e ao resto da cidadanía, para o que se creou unha páxina de Facebook na que se amosan as actividades https://www.facebook.com/etiquefaspolomundo/?fref=ts. Aquí tedes  os carteis que fixeron os rapaces e rapazas do noso centro. Grazas a Sergio París por facer o obradoiro atractivo e motivador para todos/as.