SABELA GAGO: CONTADA CO ALUMNADO DE 3º E 4º

Mér, 05/31/2023 - 06:59

Onte 30 de xaneiro houbo contada

Con Sabela Gago desfrutamos, imaxinamos e vivimos os contos.

unha sesión na que desfrutamos a tope con esta grande atriz e pedagoga, xa coñecida no centro e que nunca defrauda.

Grazas Sabela!!!

blogue de sol

ENCONTRO CON: María Canosa, A cazadora de estrelas

Xov, 05/18/2023 - 05:24

Durante o mes de abril o alumnado de 5º de primaria le o libro de María Canosa, A cazadora de estrelas.

Lectura conxunta, en voz alta, realizada na Hora de Ler. Práctica habitual no día a dia do noso centro, que merece unha mención especial porque nesta ocasión, grazas á implicación dos seus titores (Tomás, impulsor da proposta, e Luís e Lara, colaboradores e executores, dada a baixa do noso compañeiro Tomas) acollemos na biblioteca unha lectura conxunta realizada en dous grupos do mesmo nivel, na que os lectores son as FAMILIAS do alumnado.

Fermosa practica de animación lectora familiar:

14 de abril: nai de Xiana

19 de abril: nai de Anxela

21 de abril: nai de Antón

24 de abril: nai de Martín

26 abril: nai de Pablo

2 maio: nai de Lucas

Moitas GRAZAS familias!!!

A vosa implicación e colaboración é un dos piares fundamentais sobre os que se asenta o Proxecto Lector de Centro.

Ademais da lectura traballouse a ilustración, parte fundamental tamén dun libro.

Este foi o resultado

Tras tan meritorio traballo, o 15 de maio, recibimos a María Canosa, con moita ilusión na nosa biblioteca.

e ao remate deste encontro, agardado con tanta ilusión, María Canosa asinou, un a un, todos os nosos libros.

Grazas María por visitarnos e valorar tan positivamente as nosas particulares ilustracións da Cazadora de estrelas.

Agardamos con ilusión a publicación de novos libros teus.

Ata a próxima!!!

blogue de sol

OS VENRES... UN CONTO: A cebra Camila polo Grupo de Teatro de 4ªB-R.

Mar, 05/16/2023 - 10:29

Amaia contaxia a súa ilusión de representar unha obra de teatro na biblioteca o venres, na hora do conto. Elixido o conto a representar os seus compañeiros (Óscar, Manuel, Montserrat, Julia, Fabio, Lucía e Andrea) non dudaron en sumarse ao proxecto, ainda que os ensaios eran no recreo.

Con moita ilusión e case sen axuda o resultado foi excelente.

Unha fermosa representación da Cebra Camila, para alumnado de primaria e infantil.

Tanto gustou que, por petición de profesorado e alumnado a nosa directora, foi preciso facer unha terceira representación para alumnado de primaria.

Parabéns!!!!!!!!!!

Grazas

blogue de sol

OS VENRES... UN CONTO: coa mamá de Martín Rello

Mar, 05/02/2023 - 06:20

O derradeiro venres do mes de abril tivemos a sorte de ter entre nos unha lectora moi especial e solidaria, a mamá de Martin, que nos leu un dos contos do seu fillo, A vaca que puxo un ovo.

Primeiro, durante o recreo, ao alumnado de primaria na biblioteca

E logo no parque de infantil durante a hora de ler:

MOITAS GRAZAS POR COMPARTIR UN MOMENTO DE LECTURA CON NOS

XENIAL!!!

blogue de sol

DÍA DA POESÍA E DA ÁRBORE 2023

Ven, 03/31/2023 - 05:16

PRIMAVERA DE POETAS

Un ano máis contamos coa colaboración do noso profe-poeta LUÍS AHIJADO GÓMEZ quen, na semana previa a celebración do día da poesía, realizou na biblioteca, durante a hora de ler, un obradoiro de poesía co alumnado de 5ºde primaria.

Nesta ocasión trabállase a creación de tercetos coa temática da árbore.

Realizadas as correccións necesarias, toca escribir os tercetos en forma de caligrama nas árbores.

Organizándose para pegar as árbores cos poemas no corredor da biblioteca.

O resultado é espectacular, una verdadeira Primavera de Poetas, rexurde nas árbores con caligramas que decoran o corredor xunto a biblioteca, xunto a un poema do profe Luís, escrito para esta ocasión.

Ademais das creación literaria e artística os nosos poetas acompañaron ,lendo os seus poemas ,ao alumnado de 6º na tradicional plantación dunha ou varias árbores no DÍA DA ÁRBORE.

Como remate a ilustradora Julia, de 6º, le o poema do profe Luis.

Desexamos que este acto conxunto de poesía e plantación de árbores sexa o comezo de grandes poetas e persoas comprometidas coa natureza.

Agradecemos ao alumnado de 6º e ao equipo de Voz Natura a súa invitación. Fermoso momento!

blogue de sol

Encontro formativo con Antía e Sonia de Radio Voz

Mar, 03/14/2023 - 07:42

A nosa biblioteca foi seleccionada para recibir a visita formativa e dinamizadora de Radio Voz.

Agradecementos:

Agradecidos porque a nosa biblioteca, a través da súa radio, reciba un impulso máis para converterse nun verdadeiro centro de recursos de información e lectura, nun espazo de aprendizaxe inclusivo, creativo, de comunicación, educación en medios e información e lecturas, integrado no noso día a día e aberto a toda a comunidade educativa e ao mundo.

RadioForte, grazas ao apoio formativo e económico de Bibliotecas Escolares, día a día está medrando fiel aos seus piares orixinais; formación, dinamización, información e participación e converténdose nunha ferramenta de grande utilidade a nivel pedagóxico, grazas a colaboración de toda a comunidade educativa e a gran labor dinamizadora da profe Cristina

Grazas a todos ,

Visita formativa Radio Voz

O día 9 de marzo Antía e Sonia de Radio Voz visitan a nosa biblioteca, onde o alumnado de 4º e 5º recibe unha breve charla formativa

e posteriormente, no locutorio de RadioForte, colaboran e asesoran a gravación dun programa de investigación sobre o tren en Monforte, realizado por alumnado de 4º, 5º e 6º.