4º

O alumnado de 3º e de 4º, pasou unha mañá coñecendo o mundo das abellas. Puxemos o traxe de apicultor para entrar protexidos no apiario. Visitamos o pavillón con paneis explicativos sobre a vida das abellas e puidemos ver entre outros aspectos, unha colmea natural e a abella raíña. Participamos en dous obradoiros, un de cociña, no que fixemos galletas con mel e outro obradoiro de artesanía, no que fixemos candeas coa cera das abellas. Pasamos unha mañá moi divertida e aprendemos moito sobre as abellas.

Para ver diferentes momentos desta actividade, premer na imaxe.

A semana de Entroido, foi unha semana moi diferente a outras. Realizamos moitas actividades divertidas, con sesión de circo incluída!!

- Confeccionamos os complementos do disfrace.

- Decoramos unha máscara para o mural colaborativo da entrada.

- Achegámonos ao Entroido da Ulla, a través de lecturas, imaxes e a charla de sexto.

- Cumprimos coas comandas de Don Carnal e Dona Coresma.

- Celebramos a festa de Entroido: desfile, larpeiradas e para rematar...a queima do meco.

Para ver o ben que o pasamos nesta semana de Entroido, premer na imaxe.

Preme na imaxe para asistir ao desfile d@s Os@s Pandas de 4º B!!

MENSAXES QUE ENCHEN O CORAZÓN

Este 14 de Febreiro, na aula de 4º B, celebramos o día de San Valentín enchendo corazóns con mensaxes  de amor, dedicadas aos nosos seres queridos. Tamén participamos no concurso da Biblioteca escribindo preciosas cartas de amor e amizade, converténdoas despois en lixeiros avións con voo directo ao corazón da familia e d@s amig@s.

Agardamos encher de ledicia moitos corazóns!

En 4ºA, estamos convencid@s de que os desexos se cumpren, só hai que ter confianza. Nós desexamos que os Reis Magos viñeran ao cole e nos trouxeran un agasallo, e así foi. Cando entramos na clase á volta das vacacións de Nadal, sorpresa!! Truoxeran cadanseu agasallo!!

Moitas grazas, Reis Magos!! 

Premer na imaxe para ver algúns dos mellores momentos da nosa bonita historia.