![](https://lh3.googleusercontent.com/pw/AJFCJaWoOK1lUeEAU9Hz8j_0jJwoax01X9vc3HteFW4wE0ID7xAqSGkVci4J6OecqUgbeE97VwnV9KAMJ_YdbYGeHpsM7PWex4LAyGgNtwVqclGKwIF2acCzNFmWxYjRjBrfqXjQj8Lq9ueXxr7A2lO_fTT0=w1000-h332-s-no?authuser=1)
O curso escolar 2021/2022, a hora de ler, realizouse todos os días en horario de 12:00 a 12:30 horas, tendo como obxectivo prioritario contribuír ao fomento do gusto pola lectura e incluídos dentro do programa Clube de Lectura.
A configuración da hora de ler estivo deseñada polo titor D. José Manuel Rego García e por Dna. Dolores Hervella Navarro, centrándose nos seguintes obxectivos.
Obxectivos:
- Mellorar a lectura (comprensión e expresión lectora).
- Afianzar valores (amizade, verdade, respecto, empatía,...).
- Favorecer a expresión plástica.
- Coñecer algo sobre a cultura de Dinamarca.
- Coñecer e aceptar a propia identidade.
- Valorar a amizade e o compañeirismo.
- Ampliar o vocabulario a través dos contos.
- Actuar con autonomía na vida cotiá e nas relación de grupo.
Actividades.
- Ler o conto en distintas versións (lectura en voz alta e en voz baixa)
- Dramatizar algún episodio do conto.
- Colorear debuxos do conto.
- Escoitar o conto.
- Traballaremos coa prensa analizando noticias. Miraremos, asemade, como a mesma noticia pode ser interpretada de diferentes xeitos dependendo da persoa que a lea.
Temporalización.
Na hora de ler, que se realizou todos os días utilizáronse os seguintes libros:
1º trimestre:
LIBRO 1º: Charlie y la fábrica de chocolate de Roald Dahl da editorial Alfaguara Juvenil.
O libro foi traballado ao longo do 1º trimestre do curso escolar 2021/2022 e conta a historia de Charlie Bucket.![](https://lh3.googleusercontent.com/pw/AM-JKLUDWQ8zQFg58DM-O2LEiDD-9BjHIsJzRSFbj0e1Jsrw7lRppk5__CEmKgCRTDMzRKplskId-sFfWogQErfVoei8TPKK6z0-0mNrUJQ81v8qbwQu_ougO-hhcgVroBkwB914c3qa4nLW7bb_xNH9N19Nrw=w1000-h332-no?authuser=0)
LIBRO 2º: A folla azul de Andrea Maceiras da editorial Xerais.
O libro foi traballado nos meses decembro, xaneiro e febreiro do curso escolar 2021/2022 e conta a historia da Amazonia que é un mundo verde e único.
Husu Aké salvou a súa xente, pero algo nela cambiou para sempre. A nena acabará deixando a aldea para vivir coa familia branca. Alí converterase en avogada e nunha activista polos dereitos dos pobos indíxenas.![](https://lh3.googleusercontent.com/pw/AM-JKLXMtSeyW8UUsTnd6s8baa3dD-NBKhPMElpJ7NFDotbzmA4q3TmvTeqS-0dTOpnTd7SrvIszWJAwi_Cr5QyDTdmdHOWl1_T_iPyqlhnVhmSxayev-N9oDqEIu8PnMzji_D5BZ6ht2G2KIyf_bCitMVSwkQ=w1000-h332-no?authuser=0)
2º trimestre:
LIBRO 3º: Formigas. Misión Rosalía da editorial Xerais.
O libro foi traballado nos meses febreiro e marzo do curso escolar 2021/2022 e conta a historia da FORMOS4, FORX4N, FORNEL4 e FORM4IL que son os catro integrantes dos FORMIG4S, unha brigada especial que vai ata calquera recuncho do mundo para esclarecer os casos máis enigmáticos e complicados.![](https://lh3.googleusercontent.com/pw/AM-JKLWRI-YWeTGV1rj27BpI8dm0mJ9d-SAiehCJBnWSq_qkSGlHuI-RxdlCuI4Jf6ZzGKPk0VD0KBaN4g35pX5nZ4_EXlvvFWlPVUywbZCWDwYkNJ0_Bpik0DKsfGS-0dLGqxQSxfUQ_zqosgFfyscd4ERhbQ=w1000-h332-no?authuser=0)
LIBRO 4º: Alguén roubou o inverno editado pola Deputación de Ourense.
O libro foi traballado na última semana do mes de marzo e nas dúas primeiras do mes de abril. Alguén roubou o inverno conta a historia da Ecopanda, un grupo formado por cinco adolescentes e un robot, que traballa pola conservación da natureza.![](https://lh3.googleusercontent.com/pw/AM-JKLV99ZOagx0eqbpfS9V0OJ0P46qsYlS9acpyi72Vqr5gqG3RmK1KdElw9iIL7YPmbmqIU470ZtC7pjN2l46qm6mDy4ZoIw3fwUxH-HmFWKk9t_D4St-iRq67Byjyim9fo-RvffaxhimVreO8tZZwTvQ-UQ=w1000-h332-no?authuser=0)
3º trimestre:
LIBRO 5º: El asesinato de la profesora de lengua da editorial Anaya.
Este libro conta a historia dunha profesora de lingua chamada Soledad, ela amaba ensinar e un dos seus propósitos como educadora era inculcar nos seus alumnos o amor pola lectura.![](https://lh3.googleusercontent.com/pw/AM-JKLX2CSST11w37E8M4gLS6rVI3DOxxv9OdVk2qOKhROztIEzpUeEIwHT6IkvCiqM0niGmGMs3YswlCrEA7aTJQO6BNqkMU3nkhDhQNTLOHGCHw92v7nukhlEMj5HTTAHuJZvcrdZIOoAnQIvoGGAiPPiyGw=w1000-h332-no?authuser=0)
LIBRO 6º: La vuelta al mundo en 80 días. da editorial Almadraba.
O libro foi traballado ao longo do 3º trimestre do curso escolar 2021/2022 e conta a historia do cabaleiro inglés Phileas Fogg, que, acompañado do seu criado Picaporte, quere demostrar á sociedade da súa época que é posible percorrer a superficie da Terra en só 80 días.
![](https://lh3.googleusercontent.com/pw/AM-JKLUP4DGm61rgNJJ47IEAvtraYKTcQcPhfdaS4fnYFY1Dh1hdMMDOMHgd9A0rWY4WWXO7I5ZKMl1oy6PFJL4WXKMUQA_h2eDrrt1lZFnRQpI7W5P_MtJGroo6Ea4enTlqplsh4uLJDjikyZG7n2mdqjPS7Q=w1200-h900-no?authuser=0)