3º Curso

O venres 19 de maio de 2023, o alumnado de 3º e 4º de Educación Primaria do CEIP Plurilingüe Manuel Sueiro realizou o obradoiro “Iniciación ao Golf” nas instalacións do Real Montealegre Club de Golf no concello de Pereiro de Aguiar en Ourense. Esta actividade está encadrada dentro do programa PVDA e dentro dela dentro do programa XOGADE.

A actividade estivo dividida en dúas sesións. A primeira delas consistiu nunha pequena charla na que explicaron cales son os conceptos básicos e as normas de seguridade. E comezamos  a xogar co golpeo longo. Unha vez que xa coñecemos como facelo subimos nos carriños de golf e fomos vendo os 18 buracos dos que está composto o Real Montealegre Club de Golf. Para rematar estivemos practicando o golpeo corto ou pich&putt.

A actividade rematou merendando na cafetería do Real Montealegre Club de Golf.

A experiencia é  inesquecible, as instalacións magníficas e a atención impresionante... xa estamos agardando regresar para xogar nestas marabillosas instalacións.  

Galicia é Europa!!!

O Día de Europa ten lugar cada 9 de maio. Neste día celebramos os logros e a unidade en Europa.

Dendo o noso centro animamos ao noso alumnado a coñecer Europa e a investigar sobre a presenza de Galicia nas institucións da Unión Europea. Tendo como referencia a Fundación Galicia Europa (FGE), entidade que ten como fin de promover todas as accións que propicien o achegamento entre Galicia e Europa.

O 4 de maio realizamos un obradoiro de nutrición na aula de psicomotricidade en colaboración coa área sanitaria de Ourense do Servizo Galego de Saúde destinado ao alumnado de 1º, 2º e 3º de Ed. Primaria.

Dun xeito lúdico, aprendemos a recoñecer os diferentes tipos de nutrientes que necesitamos na nosa dieta diaria para posteriormente ser quen de elaborar un prato saudable que contivese todos eses nutrientes.

Para rematar, realizamos un xogo no patio do cole que nos axudou a repasar o nome dos diferentes alimentos saudables que debemos incluír na nosa dieta.

O martes 25 de abril de 2023 o alumnado de Educación Primaria do CEIP Plurilingüe Manuel Sueiro realizou este obradoiro, de saúde bucodental,  no que se traballaron os hábitos de saúde e alimentación axeitados como son o comer verduras, carne, peixe e reducir o consumo de lambetadas e bebidas con azucre.

Ao final, fixémolo tan ben que nos obsequiaron cun diploma e cun estoxo.

No curso escolar 2022-2023, despois do éxito de cultivar a horta no CIFP Portovello e intentando que todo o alumnado do colexio poida plantar os seus produtos, decidimos facer 4 pequenas hortas.

Nas seguintes imaxes teredes acceso ao traballo desenvolvido neste curso:

EDUCACIÓN INFANTIL	1º CICLO
2º CICLO	3º CICLO
CIFP PORTOVELLO

Aquí deixamos como deseñamos e construímos a nosa horta con 4 parcelas para que todo o alumnado poida cultivar diversos produtos dentro dunha economía sostible.

Os pasos que demos foron os seguintes:

DESEÑO

• Buscamos o lugar máis soleado e máis resgardado para que o cultivo sexa o máis produtivo posible.
• Pensamos e deseñamos o tamaño e cantidade de bancais. Neste caso 4 bancais: 1 para o alumnado de Educación Infantil, 1 para o alumando de 1º e 2º de Educación Primaria, 1 para o alumando de 3º e 4º de Educación Primaria e 1 para o alumando de 5º e 6º de Educación Primaria. O tamaño é de 1 metro de ancho por 4 metros de longo e 0.25 metros de alto cun volume de 1 metro cúbico por bancal.  
• Marcar o lugar con cordeis.

CONSTRUCIÓN

• Retirada de herbas e facer rego para atopar o firme e así poder asentar o bloque.
• Colocación do bloque.
• Cubrir de terra para o cultivo.

Nas últimas semanas de abril o alumnado das diferentes aulas comezou a plantar na súa horta produtos como: leitugas, coles, cabazas, framboesas, pepinos, cenorias, tomates,...

Os nenos e nenas de 6º de Educación Primaria, ademais de cultivar a nosa horta escolar, seguimos colaborando co mantemento da horta situado no CIFP Portovello.

 DEGUSTACIÓN DOS PRODUTOS DA NOSA HORTA

As tormentas do mes de maio e xuño fixeron estragos na nosa colleita.