Skip to Content

2º Curso

Desfile de Entroido 2023

Lun, 20/02/2023 - 12:43 — admin

 O venres, 17 de febreiro, participamos no desfile de Entroido que organizamos polas rúas do centro de Ourense, xunto aos colexios do Mestre Vide e Curros Enríquez e contando coa colaboración do Concello de Ourense.

Cada colexio ía de unha temática diferente. A do noso estaba relacionada co PDI que estamos a desenvolver este curso: “Coidemos o noso mar”.

O alumnado de 1º, 2º e 6º de EP disfrazáronse de estreliñas de mar, os nenos e nenas de 3º, 4º e 5º de EP ían de buzos e o alumnado de Infantil engalanouse con escamas de peixes de cores para crear tres bancos de peixes diferentes.

O desfile foi todo un éxito debido a gran participación das familias ao longo de todo percorrido.

Comezamos coa rodaxe da curta de Ravioli.

Sáb, 18/02/2023 - 02:03 — admin

No mes de febreiro comezamos coa gravación das primeiras escenas da curta de Ravioli.

As primeiras en realizar foron aquelas nas que o mar e as ondas son os verdadeiros protagonistas.

Imos deixar para o final as escenas que teñen lugar en terra firme, onde a casa de Ravioli que estamos a construír, xogará un papel moi importante.

Xoves de comadres 2023

Xov, 16/02/2023 - 18:46 — admin

O xoves, 16 de febreiro, o alumnado de 1º, 2º, 3º e 4º de Ed. Primaria participou na celebración do xoves de comadres que organizou a Concellería de Educación. Nas semanas previas, realizamos un obradoiro de elaboración de comadres e compadres que se desenvolveu na biblioteca do centro.

Foi unha mañá moi especial xa que a maioría dos asistentes do noso centro era a 1ª vez que participaban nesta festa que abre a semana máxica do Entroido en Ourense.

Pasámolo xenial, xa que moitos de nós conseguimos salvar a comadre... todas acabaron escachizadas nas no solo da Praza Maior de Ourense.

Para o próximo ano volveremos!!!

Xogando ao atletismo

Ven, 10/02/2023 - 18:10 — admin

O 9 de febreiro participamos na xornada de Xogando ao atletismo da categoría benxamín que tivo lugar na pista de atletismo de Expourense. O alumnado de 4º de Ed, Primaria tamén participou como equipo invitado debido á súa boa traxectoria nestas xornadas de atletismo organizadas pola Secretaría xeral para o deporte.

Como en anteriores ocasións, disfrutamos dunha xornada de deporte da que destacamos fundamentalmente a convivecia e o espírito deportivo mostrado cos nenos e nenas da nosa cidade.

 

Creación de decorados e personaxes

Ven, 10/02/2023 - 01:41 — admin

Una vez que xa tivemos claro que Ravioli ía a ser o libro do que iamos a realizar a nosa curta e que co guión da mesma xa case rematado, comezamos a realizar os decorados das diferentes escenas e os personaxes e obxectos que aparecerán nas mesmas.

Pasámolo xenial traballando en equipo!

Realización do guión e Storyboard para a curta de Ravioli

Xov, 09/02/2023 - 01:56 — admin

Unha vez que xa decidido cal vai a ser o libro do conto do que imos realizar a curta, a responsable da elaboración do guión púxose mans á obra.

Unha vez realizado o guión, entre todos os membros do proxecto fomos elaborando o Storyboard de Ravioli. De momento o Stoyboard que temos elaborado podemos dicir que non é definitivo e de seguro que segundo comece a rodaxe da curta lle iremos introducindo as modificacións que vexamos oportunas.

 

Coidando o noso mar

Sáb, 04/02/2023 - 18:19 — admin

Por uns días o CEIP Plurilingüe Manuel Sueiro achegouse ao mar da man da Biblioteca Escolar do centro, guiados pola exposición itinerante “Coidando o noso mar”, prestada polo CEIDA (Centro de Extensión Universitaria e Divulgación Ambiental de Galicia).

Desde as Rías Baixas chegaron as redes e as nasas que os/as nosos mariñeiros/as usan a cotío no seu labor.

Esta exposición enmárcase no PDI do centro, adicado aos ODS axenda 2030. En concreto, o obxectivo 14:  Conservar e utilizar de xeito sostible os océanos, mares e os recursos mariños.

Protexer os nosos océanos debe ser unha prioridade. A biodiversidade mariña é vital para a saúde das persoas e do planeta. As áreas mariñas protexidas deben ser xestionadas de forma efectiva, tamén os seus recursos, e poñer en marcha regulamentos que reduzan a sobrepesca e a contaminación mariña dos océanos.

MERGÚLLATE NO MAR MÁIS AZUL!

Obradoiro de compadres e comadres

Sáb, 04/02/2023 - 17:55 — admin

O xoves 2 de febreiro de 2023, o alumnado de 1º, 2º, 3º e 4º de Educación Primaria do CEIP Plurilingüe Manuel Sueiro participou no obradoiro “Compadres e comadres” que se realizou na nosa biblioteca escolar coa colaboración do Concello de Ourense.

Con esta actividade damos comezo á celebración do Entroido no noso cole, que terá o seu colofón na semana do 13 ao 17 de febreiro.

O xoves de compadres, 9 de febreiro, e o xoves de comadres, 16 de febreiro, acudiremos á Praza Maior de Ourense para correr cos nosos compadres e as nosas comadres...

Benvido sexa o Entroido 2023!!

Ravioli. Contacontos e obradoiro

Ven, 03/02/2023 - 01:16 — admin

De todos os contos facilitados polas persoas responsables do programa de Nós tamén creamos! decidimos escoller o libro en galego titulado Ravioli de David Hernández e publicado pola editorial OQO.

No mes de decembro, unha alumna do grupo fixo un contacontos para todas as persoas participantes sobre o libro de Ravioli.

Posteriormente, traballamos realizamos un obradoiro no qe traballamos sobre os distintos escenarios e personaxes que apareceron no contacontos.

Para rematar, cada un dos participantes ilustrou a escena que máis lle gustou do libro.

PEACE THROUGH ART AND CHOCOLATE!

Mér, 01/02/2023 - 03:07 — admin

Para conmemorar o día da paz e non violencia, os compañeiros/as de 6º E. Primaria decidiron facer de Jackson Pollock. Non pintaron un cadro abstracto, senón que coa técnica do “dripping”, deseñaron unha pomba da paz.

E por que usar pinturas tendo chocolate? Nunca unhas pombas da paz resultaron tan saborosas. Cada un deles/as fixo a súa, e compartimos algunhas máis cos demais compañeiros/as da escola.

Desfrutade das nosas pombas da paz e coñecede un pouco máis a Pollock, tamén nomeado como Jack the Dripper, que non “the Ripper”.

Distribuir contido


by Dr. Radut