O 21 de marzo é un día demasiado importante no calendario como para deixalo pasar; así que, decidimos que había que facer algo para festexalo con todxs vós e non podiamos celebrar mellor a chegada da PRIMAVERA e o DÍA DA POESÍA que cun recital radiofónico na VOZ DA PEDRA en homenaxe a ROSALÍA DE CASTRO e a ANTONIO GARCÍA TEIJEIRO, quen, ademais, pronto visitará o noso BIBLIOCASTELO!

Para preparalo, fixemos unha pequena escolma de poemas da NOSA DAMA DA LINGUA, A NOSA POETA UNIVERSAL, en conmemoración do seu nacemento, o día 23 de febreiro.

Xunto cos de Rosalía, seleccionamos outros de ANTONIO GARCÍA TEIJEIRO. Algúns deles, pertencen a un libro seu que lemos este curso: VENTO, VENTIÑO, VENTEIRO e o resto, doutros libros seus que temos na nosa biblio. Ah! E tamén un que atopamos no noso libro de lecturas de Lingua Galega e que a Aldán se lle ocorreu recitar rapeando!

Para todo isto foi imprescindible a axuda da profe Lina, que se encargou de gravarnos e subir os podcast á plataforma IVOOX.

Velaí van as gravacións! Desexamos que vos gusten!!!

MOITÍSIMAS GRAZAS, LINA!!! SEN TI NON O CONSEGUIRIAMOS!!!

O XOVES, 16 DE MARZO, VISITAMOS NATURNOVA E O CASTRO DE VIGO

Este xoves fomos a Vigo para facer en NATRUNOVA unha actividade chulísima relacionada con algúns contidos que traballamos na clase de ciencias, como os estados da auga, a biodiversidadedas nosas costas, a contaminacióndos ríos e os mares; así como  a importancia de separar e reciclar o lixo para evitar esa contaminación.

Primeiro, mergullámonos nas augas da ría de Vigo a bordo dun batiscafo moi especial no que, coa axuda duns lentes de visión 3D,  puidemos observar diferentes especies animais e vexetais que habitan os fondos mariños do litoral vigués. Foi alucinante!!

Noutra sala do museo, amosáronnos as consecuencias dos diferentes tipos de contaminación que existen e, na cara oposta, uns experimentos que demostraban como funcionan as enerxías renovables; concretamente, a solar e a eólica.

Ademais, tamén tivemos oportunidade de acceder a outra sala na que descubrir curiosidades sobre os planetas do Sistema Solar.

Ao saír do museo, o autobús levounos ata o Parque do Castro. Por certo, ao subir, vimos moi de preto a ESTATUA DOS CABALOS da PRAZA DE ESPAÑA que aparecía no LIBRO DAS GATIÑAS VIAXEIRAS!!!

Unha vez no Castro, entramos na zona fortificada e desde un dos seus miradoiros, ademais das ILLAS CÍES, albiscamos, na parte baixa do parque, os restos do castro celta que construíron os antigos castrexos e  sobre o cal se asenta a cidade de VIGO.

Logo de merendar, a chuvia deixounos un anaquiño de respiro para gozar dos bambáns que había  dentro do recinto!! Non nos deu tempo a moito, pero pasámolo XENIAL!!!

A maiores das nosas titoras, Clara e Macu, tamén nos acompañou a profe Goretti!! Encántanos a súa compañía!!! Foi unha mañá estupenda!!!

PREMEDE NA IMAXE PARA VER O VÍDEO

APRENDEMOS MÁIS CURIOSIDADES

DO PARQUE NACIONAL DAS ILLAS ATLÁNTICAS

Onte recibimos unha vista moi interesante e agradable. Viñeron ao cole Ana e Suso, biólogos e guías do PARQUE NACIONAL DAS ILLAS ATLÁNTICAS.

Igual que nos sucedera cando estabamos en 1º, encantounos a actividade. Explicáronnos que illas forman o Parque Nacional Das Illas Atlánticas; exactamente, o arquipélagos das Illas Cíes, o arquipélago das Illas Ons, a Illa de Sálvora e a de Cortegada todas elas moi diferentes entre si.

Tamén nos falaron dalgunhas das especies animais e vexetais que teñen alí o seu hábitat.

Martiño, o corvo mariño, constrúe o seu niño nos cantís; mentres que as cobras e outros réptiles prefiren camuflarse nas matogueiras de toxos e os caracois de duna prefiren facelo na area da praia.

Aqueles que viven todo tempo no mar, como as algas; os peixes como o rodaballo, o linguado e a raia; os crustáceos como as centolas e os caranguexos; os equinodermos como os ourizos... escollen zonas distintas para acubillarse. Uns prefiren a area e outros, as rochas.

Despois da charla explicativa, fixemos un xogo moi divertido para comprobar o que aprenderamos. Tiñamos que pescar algunhas destas especies e colocalas na parte do mural correspondente ao seu fogar.

Para rematar, lembráronnos que debemos ser moi coidadosxs e poñer moita atención cando camiñemos por entornas naturais. Se nos fixamos ben, poderemos descubrir o “rastro de animais” que habitan o lugar. Para demostrárnolo, trouxeron algúns que atoparon nas illas. Resultou do máis sorprendente!!! Amosáronnos plumas de gaivota, os restos dun ovo de raia, o dente dun ourizo de mar e, o máis alucinante, a “camisa” dunha cobra!!!

Lembráronnos tamén o importante que é coidar a Natureza porque é o noso fogar e mais o de todos estes seres vivos. DEBEMOS GARDALA COMO UN TESOURO, CON TODO O MIMO POSIBLE!!!

REMATAMOS A SESIÓN CUN APLAUSO ENTUSIASTA!!!

MOITAS GRAZAS, ANA E SUSO!!!

ENCÁNTANOS TODO O QUE NOS ENSINADES!!

AGARDÁMOSVOS O CURSO VINDEIRO!!

PREMEDE NA IMAXE PARA VER O VÍDEO.

MENUDO ENTROIDO!!!

Este venres puxemos o peche a un Entroido como había ben de tempo que non podiamos celebrar!!!

Unha semaniña enteira de “MANDADIÑOS” nos que cada mañá nos erguiamos ansiosxs por chegar ao cole para escachar coa risa ao ver as pintas que levabamos!!! ( con algo na cabeza, cun zapato de cada clase, en pixama... UNHA RISOTADA CADA DÍA!!!!)

Logo, o venres, saímos desde o patio do cole grande nunha ringleira multicolor na que cada clase ocupaba o seu posto. Iamos disfrazadxs de xogos do máis diverso!! De Tres en Raia, de Parchís,  de Pokémon, de Comecocos, de Mario karts, de Xadrez...

Cando chegamos ao cole de Infantil, agardábanos xa preparadiñxs as profes e xs compism vestidos de PEZAS de Dominó; estban chulísimxs!!! As profes do cole de INFANTIL organizárannos unha superfesta no patio onde tanto temos xogado anos atrás!! Estaba precioso!!! Con imaxes dos disfraces que levabamos en cada curso, con música a tope e mesmo cunha máquina de facer pompas!!!! FOI FANTÁSTICO!!! MOITÍSIMAS GRAZAS, PROFES DO NOSO COLE DE INFANTIL!!! Alí desfilamos, bailamos e cantamos diante da mirada espectante das nosas familias.

Para rematar, a comparsa OS MULOS, composta por algún que outro dos nosos avós, cantáronnos algunhas das súas coplas máis famosas. Con eles compartimos  “FALEMOS GALEGO”, que nós aprenderamos na clase uns días antes; ENCANTOUNOS!!!

Ao rematar, volvemos ás aulas para gozar dunha riquísima merenda a base de larpeiradas de Entroido!!!

Tras varios días de vacacións, este venres, despois do recreo, fixemos outra festa no patio do maiores do cole de Primaria no que cadaquén levaba  o disfrace que lle petaba.

Xuntxs bailamos, corremos e saltamos a pracer!!

FOI UNENTROIDO DETRACA!!!

PREME NA IMAXE PARA VER O VÍDEO.

CELEBRAMOS O DÍA DA PAZ

Esta mañá, xuntámonos no patio dxs maiores para celebrar todxs xuntxs (tamén viñeron xs compis de Infantil!!) para celebrar o DÍA MUNDIAL DA PAZ!!

Levabamos dúas semanas traballando e investigando nas aulas para coñecer o significado desta celebración, saber por que se festexa este día; para coñecer outras persoas importantes, como GANDHI, que se esforzaron por defender os dereitos das persoas e das nacións a través da PAZ...

Aprendemos dúas cancións (ALL YOU NEED IS LOVE, dos BEATLES, e CONVIVINDO, de MARÍA FUMAÇA). A primeira fala da necesidade de amor e a segunda, da aventura de convivir compartindo cada día novas experiencias.

Rosa Louro ensinounos a signar o retrouso desta!! PREMEDE NA IMAXE PARA VER O VÍDEO!!

Tras moito reflexionar, escribimos as mensaxes de Paz que queriamos compartir con todxs. Velaí van!!

  "Cando traballamos en equipo

aprendemos a confiar,

 construímos amizades

  que nos axudan a medrar,

 a superar os noso medos,

 a esforzarnos por avanzar,

 a afrontar con enerxía

os novos retos que han chegar."

    "Nenos e, nenas e maiores

    debemos respectar

    as regras dos xogos

    e así desfrutar

    xuntos na PAZ!!"

Ademais, Poñémosvos un vídeo da canción de MARÍA FUMAÇA que as mestras do cole de Infantil ABELLIÑAS subiron a YOU TUBE e que nos encantou porque está interpretado en lingua de signos. PREMEDE NA IMAXE PARA VELO:

 CONSTRUAMOS ENTRE TODXS

UNHA CONVIVENCIA EN PAZ!!

Hai xa dúas semanas que retomamos as clases despois do Nadal e non podemos reiniciar a nosa actividade no blog sen dar as grazas as persoas que nos axudaron a pechar o primeiro trimestre e a despedir 2022 cunha DIVERTIDA XORNADA DE OBRADOIROS DE NADAL!!!

Querémoslles dar as grazas a Thomas, papá de Álex, de 1º A; a Romina, mamá de Miguel, de 1º B; a Myriam, mamá de Diego, de 2º A e a Miguel, Papá de Hugo, de 2º B que nos axudaron un montón no OBRADOIRO DE PLASTI no que elaboramos unha preciosa PAISAXE DE NADAL.

Moitas grazas tamén a Rosa Louro, profe de Lingua de Signos, que tantas cancións nos ensina e nos recibe cada mañá cun delicioso saúdo, que organizou un obradoiro para aprendermos a signar mensaxes nas que contabamos a que xogamos coas nosas familias. Coas fotos que nos fixo, as profes Clara, Rosa Blanco, Marta e mais ela, montaron un mural chulísimo na escaleira que conduce ás nosas aulas!

Non nos esquecemos tampouco da profe Marina, que argallou un obradoiro en inglés no que tiñamos que ir averiguando as respostas ás diferentes probas que nos poñía. Cada vez que acertabamos, gañabamos un stick para decorar o noso “Christmas Tree”!!

E que dicir do obradoiro que nos preparou a profe Marta sobre a LOTARÍA DE NADAL?!!! Ademais de ensinarnos curiosidades interesantísimas sobre a historia deste SORTEO EXTRAORDINARIO, xogamos con ela ao bingo!!!! PASÁMOLO PIPA...!!!

Despois de tanto trafegar, gozamos dunha riquísima merenda a base de larpeiradas de Nadal que trouxemos da casa e... para rematar... A MÁIS ESPECIAL DAS VISITAS, A DAS SÚAS MAXESTADES OS RESI MAGOS DE ORIENTE!!!!!

FOI UNHA MAÑÁ IGUAL DE EXTRAORDINARIA QUE A LOTARÍA!!

ENCANTOUNOS!!

MOITAS GRAZAS A TODXS POLO VOSO ESFORZO!!

PREMEDE NA IMAXE PARA VER O VÍDEO!!

Cada ano, o 23 de setembro CHEGA O OUTONO e como di o poema:

“Os paxaros marchan ,

buscando a calor.

As follas caen

e cambian de cor.

O día é máis curto,

quenta pouco o sol.”

...

E coa nova estación, ao noso cole chega tamén un vendaval de actividades e acontecementos que celebrar!!

Decoramos as aulas e os corredores

Vestimos de outono a árbore da estacións

Organizamos unha exposición de follas que recollemos da natureza

Aprendemos poemas...

Logo, xa avanzado o mes de outubro, o día 17, celebramos o DÍA DAS ESCRITORAS:

Aprendemos poemas compostos por grandes poetas que viviron hai moitos anos, coma Rosalía de Castro e Gloria Fuertes e doutras máis novas, coma Ana Mª Fernández e Violeta Monreal...

Baixamos ao BIBLIOCASTELO e investigamos en equipos para descubrir libros escritos por algunhas destas e doutras coma Fina Casalderrey, Eva Mejuto, Paula Carballeira, Ana Alonso...

O día 24 dese mes celebramos, nada menos, que O ANIVERSARIO DE PAPIRUS!!!! e para festexalo:

Cantamos a CANCIÓN DE PAPIRUS!! Sabiades que ten unha canción ?!!! É chulísima!! Sabedes quen  a canta no disco?!! A PROFE MARTA!!! Dá gusto oíla!! Que voz tan fermosa...!!!

Xogamos no BIBLIOCASTELO a interpretar os códigos de letras e números que traen as etiquetas dos libros que alí garda PAPIRUS!!!

Na última semana do mes andamos revolucionadxs!!!!!  Todo se torna escuro, é tempo de espíritos, feitizos, bruxas e curuxas porque CHEGA O SAMAÍN!!!

Investigamos sobre a ORIXE CELTA desta festa que os migrantes irlandeses levaron aos Estados Unidos e que desde alí fixeron famosa no mundo enteiro co nome de HALLOWEEN.

Compuxemos unhas “sortes” e decorámolas para formar parte do mural de Samaín do recibidor do cole.

Decoramos CABAZAS para participar na EXPOSICIÓN que todos os anos se organiza no cole. ESTABAN IMPRESIONANTES...!!!

Fomos difrazadxs a clase !!!! Estabamos ghuapísimxsssss!!!

E co mes de NOVEMBRO, chegou outra celebración, O MAGOSTO!!!!

Que ricas as castañas que trouxemos picadiñas da casa e que Ramón e mais Martín asaron para nós!!!!!

Ademais, puidemos baixar a divertirnos cos XOGOS TRADICIONAIS que a ASOCIACIÓN CORREDOIRASnos presta cada ano!!! Non hai nada mellor que pasalo ben cxs amigxs!!!

O martes, 22 de novembro viñéronnos visitar uns representantes da CONSELLERÍA DE PESCA E ALIMENTACIÓN para organizaren un obradoiro sobre ALIMENTACIÓN SAUDABLE.

Entre vídeos e xogos explicáronnos a importancia de incluír o peixe e o marisco na nosa dieta.

Tamén aprendemos que ademais do seu exquisito sabor, estes produtos do mar proporcionan ao noso corpo uns nutrientes de extraordinario valor.

Amosáronnos unha forma diferente e novidosa de consumilos: en latas de conserva e no medio do pan!!! Por iso, o obradoiro se titulaba:

“FAI CLIC AO TEU BOCATA!!!”

Rematamos o mes vestindo o corredor de violeta e celebrando

O 25 DE NOVEMBRO, O DÍA DA NON VIOLENCIA CONTRA AS MULLERES.

Falamos nas aulas e reflexionamos sobre o feito de que

as persoas, independentemente do sexo, nacemos libres e iguais en dereitos e responsabilidades; de modo que debemos ser tratadas por igual.

NINGUÉN TEN DEREITO A DICIRLLE QUE A NINGUNHA NENA

 QUE, POLO FEITO DE SELO, NON É LIBRE DE TOMAR AS SÚAS PROPIAS DECISIÓNS E PERSEGUIR OS SEUS SOÑOS, DE SER QUEN ELA QUEIRA SER!!!!

Días despois veu Uxía a facernos unha dramatización de dous contos MARUXA e DANIELA PIRATA. Que fantástica actriz é Uxía!! Pasámolo xenial!!

FOI UNHA EXPERIENCIA IGUAL DE CONCIENCIADORA QUE DE DIVERTIDA!!!

Durante o mes de decembro, decoramos as aulas, o corredor  e o recibidor do cole para

CELEBRAR A CHEGADA DO NADAL!!!!

PREME NA IMAXE PARA VER O VÍDEO:

ESTA MAÑÁ FOMOS AO FIC!!

E como nos encantan o cine e a cultura, non podiamos deixar de aceptar o convite que, cada ano, nos envían desde o FIC BUEU para gozar da selección de curtametraxes que preparan especialmente para a rapazada da vila!!

Onte fixemos na clase algunhas das actividades que nos propuxeron desde a organización deste MINIFIC; como , por exemplo, observando uns fotogramas, tratar de adiviñar que historia nos contaría cada “peli”.

Así que, alá fomos, esta mañá moi dispostxs a gozar do FESTIVAL INTERNACIONAL DE CINEMA DE BUEU!!

Mirade que ghuapiñxs estamos no photocall!!!

Por certo, de regreso á escola, votamos e gañou por maioría a do osiño polar!!!

URSA, THE SONG OF THE NORTHEMN LIGTHS

MOITÍSIMAS GRAZAS Á ORGANIZACIÓN DO FIC BUEU!!!

ENCÁNTANOS !!!

O ANO QUE VÉN NON FALTAREMOS Á CITA!!

XA ESTAMOS EN 2º!!!

Benqueridas familias:

Xa estamos de volta e desta vez, xa non somos os cativxs do cole grande!!!! XA ESTAMOS EN 2º!!!

As profes déixanvos aquí a presentación de diapositivas que vos amosaron na reunión de familias deste pasado martes, na que falastes de como vai ser este curso, cales van ser os noso horarios...

PREMEDE NA IMAXE PARA VER A PRESENTACIÓN:

Ademais, ao pé desta entrada, a carón do clip, atoparedes un pdf coas instrucións da Editorial Anaya para que poidades acceder aos libros dixitais de matemáticas de 2º e ao de Lecturas de Lingua Castelá (EL LOBO LUPAS 2).

E COMO IMOS DE FESTA EN FESTA...

HOXE TOCOU ENTREGA DE PREMIOS!!!

Hoxe, antes do recreo, xs profes xuntáronnos a todxs no patio cuberto dxs maiores para facer entrega de premios dxs gañadores do

 CONCURSO DAS LETRAS GALEGAS:

“QUE SABES DE FLORENCIO MANUEL DELGADO GURRIARÁN?

E como nós participamos na presentación de respostas de todas as preguntas, tivemos a fortuna de que catro compañeiras de 1º resultaron premiadas!!!

Iria e Lucía, de 1º A

e Laura e Claudia, de 1º B!!

PARABÉNS, RAPAZAS!!!!

O ANO QUE VÉN, VOLVEREMOS PARTICIPAR!!!