Secretaría

De acordo coa Orde do 28 de outubro de 2021, o centro educativo distribuirá máscaras para o alumnado de educación primaria que fose beneficiario de axuda para adquirir material escolar, sen que para elo deba presentar ningún tipo de solicitude.

Ademais, o alumnado de educación primaria do centro que non teña recibido a axuda para material escolar tamén poderá solicitar a distribución de máscaras, sempre e cando cumpra algún dos seguintes criterios:

• Pertencer a familias cunha renda per cápita igual ou inferior a 6.000 €.
• Estar suxeito a tutela ou garda da Xunta de Galicia.
• Ter unha discapacidade igual ou superior ao 65 %, con independencia da renda da unidade familiar.

O prazo para a presentación de solicitudes vai do 15 ao 26 de novembro. As solicitudes deben presentarse na secretaría do centro ou na sede electrónica da Xunta de Galicia.

Pódese consultar toda a información ou descargar os formularios de solicitude nos arquivos adxuntos.

O 9 de setembro, xoves, darán comezo as clases do curso 2021-2022.

Dende o primeiro día desenvolveranse en horario normal, agás nos grupos de 3 anos (4º de educación infantil) que seguirán o periodo de adaptación.

As entradas ao centro realizaranse de acordo coa información que aparece no seguinte gráfico e na seguinte táboa:

As saídas realizaranse tamén polas mesmas portas polas que entrou cada un dos cursos e en dous horarios diferentes:

• 13:50: alumnado de EI e de 1º, 3º e 4º de educación primaria
• 14:00: alumnado de 2º, 5º e 6º de educación primaria 

O TRANSPORTE ESCOLAR FUNCIONARÁ CON NORMALIDADE

Convócase a pais e nais de alumnos e alumnas de cuarto de educación infantil (3 anos) a unha reunión que se celebrará o próximo día 3 de setembro, ás 12:30 horas, na sala multiusos do centro, para tratar asuntos de interese de cara á escolarización dos nenos e das nenas.