Secretaría

VACACIÓNS DE VERÁN

Mar, 26/07/2022 - 07:14 — admin

O CEIP Plurilingüe Amadeo Rodríguez Barroso permanecerá pechado ao público entre o 27 de xullo e o 31 de agosto, ámbolos dous días incluídos.

Feliz verán a toda a comunidade educativa.

FONDO SOLIDARIO LIBROS DE TEXTO: LISTAXES DE ALUMNADO BENEFICIARIO

Lun, 11/07/2022 - 18:10 — admin

Dende o 11 de xullo están expostas, no taboleiro de anuncios do Colexio, as listaxes do alumnado beneficiario de axudas para libros de texto e material escolar, correspondentes ao Fondo Solidario de Libros de Texto para o curso 2022-2023.

Poderanse presentar reclamacións no centro educativo entre o 12 e o 13 de xullo.

O próximo venres, 15 de xullo, publicaranse no taboleiro de anuncios as listaxes definitivas.

MATRICULACIÓN DE ALUMNADO ADMITIDO PARA O CURSO 2022-2023

Xov, 16/06/2022 - 09:16 — admin

O alumnado admitido para o próximo curso no CEIP Plurilingüe Amadeo Rodríguez Barroso deberá formalizar a matrícula na Secretaría do Centro. O prazo de matrícula vai do 20 ao 30 de xuño. A documentación a presentar no momento de matricularse será a seguinte:

Impreso de matrícula debidamente cuberto e asinado. Poderá recollerse na secretaría do centro ou descargarlo na páxina web.
Fotocopia da tarxeta ou carnet de asistencia sanitaria. Ambas caras da tarxeta deberán ir na mesma cara da fotocopia.
Catro fotografías tamaño carnet, con nome e apelidos pola parte posterior.
Certificación académica (XADE) do centro de procedencia do alumno/a, na que se especifique se promociona ou non (excepto para o alumnado de 4º de Educación Infantil).
Fotocopia da cartilla de vacinas.

Como documentos adxuntos poden atopar o impreso de matrícula e outra documentación de interese relacioanada coa nova incorporación ao centro.

Convócase aos proxenitores do alumnado que vai cursar 4º de educación infantil (3 anos) a unha reunión para o 28 de xuño ás 12:30, debendo acudir a ela sen os nenos ou nenas.

5 adxuntos

LIBROS DE TEXTO PARA O CURSO 2022-2023

Mar, 14/06/2022 - 02:32 — admin

Picando na imaxe pódense visualizar os libros de texto do próximo curso 2022-2023 para tódolos cursos de Infantil e Primaria

1 adxunto

CONVOCATORIA DE BECAS PARA ALUMNADO CON NECESIDADES ESPECÍFICAS DE APOIO EDUCATIVO

Dom, 22/05/2022 - 12:15 — admin

Entre o 19 de maio e o 30 de setembro está aberrto o prazo para solicitar beca para alumnado con necesidades específicas de apoio educativo, convocadas polo Ministerio de Educación e Formación Profesional.

Poden consultar toda a información no seguinte enlace: BECAS DE APOIO EDUCATIVO

Dende esta outra ligazón poderán acceder ao sitio da Sede Electrónica onde cumprimentar e presentar a solicitude de beca: ACCESO AO TRÁMITE PARA SOLICITUDE DE BECA PARA NEAE.

No Departamento de Orientación do Centro poden solicitar máis información e/ou a axuda necesaria para realizar os trámites da beca.