3.1.3 - Avaliación do proxecto final

Apuntamos máis arriba que os proxectos finais analizaranse cotexándoos cunha lista de control que recolla todas as especificacións, para comprobar que a cumpre. Ademáis  pódense coavaliar nun taller, cada participante autoavaliará o seu ademais doutros proxectos das súas compañeriras ou compañeiros de acordo cunha rúbrica, para centrar a avaliación. A titoría tamén deberá revisar e cualificar os proxectos. 

Si o proxecto final consiste no deseño e creación dun curso, avaliarase ese curso tendo presentes estes aspectos:

• Definición de obxectivos, competencias, contidos e actividades para desenvolver ao longo do proxecto:
  
  • Hai unha clara correlación entre todos estes elementos do deseño do proxecto?
    
  • Conseguiranse os obxectivos previstos?
    
  • Estarán dispoñibles e serán suficientes os recursos previstos?
• Análise do desenvolvemento do proxecto
  
  • É previsible a realización de todas as fases do proxecto?
    
  • É plausible que se cubran os puntos críticos do proxecto?
  • É realista que se poda acadar o produto final esperado?
    
• Análise do impacto e a satisfacción dos participantes
  
  • Observarase algún cambio nos estudantes entre o inicio e o final do proxecto?
  • Quedarán satisfeitas as expectativas dos participantes directos no proxecto.

Unha vez posto en produción poderán avaliar o curso os participantes nel, despois de realizalo. Habitualmente esta avaliación faise mediante unha enquisa para recoller o feedback do alumnado.