Bibliotecas escolares

O Portal educativo publica a resolución de 29 de outubro de 2020, da Dirección Xeral de Centros e Recursos Humanos, relativa á convocatoria do II Concurso de Podcasts - Radio na biblio en colaboración coa CRTVG (Radio Galega). A convocatoria estaba destinada a centros públicos non universitarios de titularidade da Consellería de Cultura, Educación e Universidade que traballan a radio como ferramenta pedagóxica, integrados ou non no programa Radio na biblio. Esta proposta está vinculada á celebración do Día das Letras Galegas, dedicado este ano ao filólogo, mestre e escritor Ricardo Carvalho Calero.

Os podcasts seleccionados serán difundidos pola Radio Galega a través da  páxina do Diario Cultural; así mesmo, serán difundidos a través dos medios web da Consellería de Cultura, Educación e Universidade.

• PUBLICACIÓN NO PORTAL EDUCATIVO
• TEXTO DA RESOLUCIÓN

A UNESCO propón a celebración da semana AMI baixo o lema: Resistir a Desinfodemia: Alfabetización mediática e informacional para todos e por todos. Destácase a necesidade de recoñecer o noso interese común por mellorara as competencias de todos para actuar criticamente coa información, os medios de comunicación e a tecnoloxía, mentras participan do desenvolvemento social.

A desinformación xa existía antes da COVID-19, mais esta pandemia incrementou a difusión de noticias falsas e estafas cibernéticas que se nutren do medo e da desesperación da poboación, polo que a UNESCO acuñou un novo termo para este fenómeno: desinfodemia. Ademais, a desinformación na área científica resulta especialmente dañina polas súas consecuencias na poboación.

As bibliotecas escolares deben , máis que nunca,  reforzar o traballo cos medios de comunicación e identificación das noticias falsas e as competencias ALFIN e AMI.

• PROPOSTA PARA AS BIBLIOTECAS ESCOLARES QUE QUEIRAN PARTICIPAR DESTA SEMANA 

Actividades nas bibliotecas escolares galegas:

• CEIP da Igrexa-Candeán (Vigo-Pontevedra): Semana AMI: comezamos o noso taller de radio! 
• CEIP Nicolás del Río (Cedeira-A Coruña): AMI: Rutinas de pensamento
• CEIP Vistahermosa (Ourense): Fagamos un uso seguro e responsable da tecnoloxía
• IES Universidade Laboral (Culleredo-A Coruña): Semana da Alfabetización Mediática e Informacional (Montando un programa de televisión)

O Día das Escritoras é unha iniciativa promovida pola Biblioteca Nacional de España en colaboración coa  Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.

Como en edicións anteriores, a data elexida é o luns máis cercano á festividade de Teresa de Jesús, o 15 de outubro. A V Edición celébrase este ano 2020  o 19 de outubro baixo o lema "O esforzo cotián das mulleres". "Ben se podería dicir que a literatura escrita por mulleres está a miúdo esporeada por unha conciencia esencial do esforzo." , explica Elvira Lindo, comisaria desta V Edición do Día das Escritoras 2020.

Desde as bibliotecas escolares propomos que se visibilice a obra das escritoras galegas, ben a través dunha exposición, ben lendo fragmentos nunha maratón literaria ou mesmo nos clubs de lectura ou a través de actividades de investigación, exploración ou creación...

Animamos a toda acomunidade educativa a participar nesta actividade que visbilizaremos a través desta páxina e nas redes sociais. #bescolaresgal #bescolaresgalabertas #DíaDasEscritoras 

"Tócanos facer as cousas ás agachadas, que non se note que estamos, porque somos invisbles como o ar. O que non saben, ou non pensan, é que o ar se coa en todos os recantos precisamente poque non se ve. Así facemos nosoutras."

Eva Mejuto "Memoria do silencio" (Editorial Xerais) 

• RECOMPILACIÓN DE FRAGMENTOS DE ESCRITORAS GALEGAS 

O Portal Educativo publica a Resolución da Dirección Xeral de Centros e Recursos Humanos, de 14 de outubro de 2020, pola que se resolve a convocatoria do programa BIBLIOTECA CREATIVA correspondente ao curso 2020/21. Incorpóranse 25 novos centros e  publícanse as asignacións que recibirán os 77 centros que presentaron a súa solicitude de continuidade neste proxecto. En total, son 102 centros PLAMBE os que participan nesta iniciativa destinada a apoiar a cultura da experimentación, a creación e a investigación en espazos creativos e cooperativos no seo da biblioteca escolar.

Os espazos creativos ou espazos maker creados nestas bibliotecas son bos exemplos da evolución que pode vivir unha biblioteca escolar que acolle os multialfabetismos e atende as necesidades da comunidade escolar, ofertando oportunidades para as aprendizaxes a modo de laboratorio de creación e experimentación. 

Profesorado integrante dos equipos de biblioteca destes centros participarán nunhas xornadas mixtas (modo presencial/telemático) que se celebrarán os vindeiros 26 e 27 de outubro na Cidade da Cultura e do que xa se pode adiantar un programa.

• PUBLICACIÓN DA RESOLUCIÓN NO PORTAL EDUCATIVO
  
• PROGRAMA DAS XORNADAS "BIBLIOTECA CREATIVA 2020"

A experiencia dun bo número de bibliotecas vinculadas ao programa "Radio na biblio" durante o período de cese da actividade presencial nos centros durante a primavera de 2020, por mor da COVID-19, puxo de manifesto as posibilidades desta ferramenta para desenvolver actividades educativas a distancia, con capacidade para vincular ao alumnado ao ámbito educativo e para conectar á comunidade escolar arredor dunha proposta temática. A radio foi unha ferramenta pedagóxica de gran alcance capaz de xerar unha importante dinámica de comunicación, de apoio aos proxectos, de difusión de produtos culturais e das investigacións elaboradas polo alumnado. A situación vivida facilitou, a través do programa, a educación para a competencia en información e medios tanto para o alumnado como para as súas familias.

A Radio na biblio transformouse no espazo de encontro da comunidade educativa, o lugar no que escoitarse, no que poñer en común o traballo feito na casa, no que falar ...

De entre todas as marabillosas experiencias deste periodo, seleccionamos oito que ofrecen unha variedade de recursos e propostas do que se pode facer en tempos complexos, mesmo poñer en marcha a emisora.

•   DÍPTICO RADIO NA BIBLIO EMITE... DENDE A CASA 

O prazo de presentación de solicitudes remata o 9 de outubro de 2020. 

• TEXTO DA CONVOCATORIA 
• ANEXO I. SOLICITUDE
• ENDEREZO DE PRESENTACIÓN DA SOLICITUDE

A Consellería de Cultura, Educación e Universidade publica o lema e o cartel para as bibliotecas escolares de Galicia de cara a este curso 2020/2021. O lema elixido, XEOGRAFÍAS LECTORAS NA BIBLIOTECA ESCOLAR, quere  poñer o foco nas posibilidades que ofrece a biblioteca escolar para a construción da persoa lectora a través das distintas actividades que programa e dos recursos que pon a disposición da comunidade educativa. 

Cada libro que o alumnado ten a oportunidade de ler é unha ocasión para ampliar a súa imaxinación e aumentar os seus coñecementos, de aí a importancia da selección de lecturas que se pon ao seu alcance. A ilustradora encargada este ano de interpretar o lema elixido foi Bea Lema, quen nos ofrece unha imaxe evocadora deses mundos imaxinarios que a lectura pode axudar a visitar e construír.

En tempos confusos como os que estamos a vivir cómpre volver ás orixes, ao fundamental: a lectura e toda a súa potencialidade, sen esquecer outras oportunidades da biblioteca escolar para unha formación integral do alumnado. Atravesar o mapa da lectura pode facerse desde distintas ópticas, comezar a viaxe desde distintos portos:

- Pescudar nas lecturas que convidan a viaxar, a explorar, a investigar. Lecturas que nos permiten chegar lonxe sen movernos da escola (ou da casa). Lecturas que axudan a incentivar o inconformismo, a necesidade de coñecer outros mundos, de ampliar a nosa visión, de "ler o mundo". 

- Configurar o itinerario  lector como punto de partida da nosa xeografía lectora.

- Debuxar o mapa das nosas curiosidades, exploracións e descubrimentos a través das lecturas.  Descubrir as relacións entre identidade e lectura.

- Observar o modo en que cambiou a nosa xeografía lectora durante o período de confinamento (os nosos hábitos, as nosas lecturas...).

- Saber que somos os nosos propios cartógrafos, os que organizamos o noso espazo lector (e o noso "liberespazo", o sistema de lecturas que imos creando ao longo da vida).

- Observar o noso corpo como un mapa de coñecemento, achegarnos á práctica da lectura a través do propio corpo. Descubir a capacidade reparadora da lectura. 

- Deixarse levar polas relacións entre cartografía e literatura,  que convidan á aventura (debuxar espazos peritextuais, con mapas e planos que crean expectativas e acompañan na aventura lectora, debuxar mapas que representan mundos coñecidos e mundos imaxinarios, relacionar as nosas lecturas a través de "constelacións literarias", en función da temática, os personaxes...).

XEOGRAFÍAS LECTORAS NA BIBLIOTECA ESCOLAR convida a explorar todas as posibilidades da lectura: en calquera soporte, en calquera formato, con calquera finalidade; lecturas textuais e icónicas; imaxes fixas e en movemento; lectura de gráficos, planos, mapas ou infografías; lecturas individuais e lecturas compartidas, en silencio ou en voz alta; lectura de ficción e de información; lectura libre e guiada; lectura que nos axude a comprender mellor o noso mundo e lectura que nos axude a entender o mundo dos outros...

O Portal Educativo publica as Instrucións da Dirección Xeral de Centros e Recursos Humanos, de 1 de setembro de 2020, en relación coa organización e funcionamento da biblioteca escolar, destinadas aos centros públicos de niveis non universitarios, de titularidade da Consellería de Educación, Universidade e Formación Profesional.

Estas instrucións inclúen unha cláusula específica relativa á situación xerada pola COVID-19, e actuacións que se consideran necesarias na biblioteca escolar, coordinadas e supeditadas ás instrucións xerais das autoridades sanitarias e educativas para os centros no seu conxunto.

• INSTRUCIÓNS PARA A ORGANIZACIÓN E O FUNCIONAMENTO DA BIBLIOTECA ESCOLAR. Curso 2020/21 (texto principal)
• Anexo I (Anotacións ás instrucións)
• Anexo II(Disposición adicional convocatoria PLAMBE 2020/21)
  

E que non sexa por dicilo unha vez máis ...

Reflexións de Cristina Novoa no monográfico Notas para a biblioteca escolar do Programa biblioteca escolar "puntedu" do Departament d´Educació da Generalitat de Catalunya.

"A biblioteca escolar é unha oportunidade para un sitema educativo en busca de respostas a necesidades  antigas e emerxentes, que demostrou a súa capacidade de resiliencia e a súa contribución á mellora das aprendizaxes e das prácticas pedagóxicas nos centros."

"Para que unha biblioteca escolar poida exercer de axente transformador no centro ten que cumprir unha serie de requisitos:

1.  Atención ao espazo como facilitador de experiencias.
2. Renovación dos equipos de acceso e tratamento da información.
3. Actualización constante da colección.
4. Biblioteca física e biblioteca virtual.
5. É imprescindible un equipo de apoio, interdisciplinar.
6. Ha de contar cun orzamento propio.
7. Toda a súa actuación ha de estar vinculada á adquisición dos contidos e competencias curriculares.
8. A alfabetización informacional e mediática ha de ser un dos seu sprincipais obxectivos."

"Unha biblioteca escolar viva, activada, é un organismo resiliente que é capaz de adaptarse ás situacións máis confusas, repensar e saír adiante. Así o estamos vendo neste ano 2020, en múltiples experiencias de bibliotecas escolares galegas..."

• La biblioteca escolar y el cuento del hombre que tenía mala suerte.  Cristina Novoa Fernández.
• BE 21. Apunts per a la biblioteca escolar. Programa biblioteca escolar "puntedu".
  

O Portal Educativo vén de publicar a Resolución de 16 de xullo de 2020, da Dirección Xeral de Centros e Recursos Humanos, pola que se resolven dúas das iniciativas integradas no programa "Bibliotecas Escolares Solidarias"do curso 2019/2020.

Concédense os Selos "Biblioteca Escolar Solidaria" aos 10 centros educativos que se detallan, unha vez valoradas as candidaturas presentadas.

Así mesmo, selecciónanse 10 experiencias de un total de 88 memorias presentadas polos centros adheridos á iniciativa "Voluntariado de lectura-A", destinada ao alumnado de 5º e 6º de primaria, no curso 2019/2020.

• PUBLICACIÓN NO PORTAL EDUCATIVO
• TEXTO DA RESOLUCIÓN

O Portal Educativo publica hoxe, 14 de xullo, a relación provisional de centros que se incorporan ao Plan de mellora de bibliotecas escolares para o curso 2020/21, co detalle das contías asignadas inicialmente, segundo o previsto na Orde de 25 de maio de 2020 (DOG de 03/06/2020).  Intégranse, segundo esta resolución, 25 novos centros. Este número poderá incrementarse na resolución definitiva en función das baixas ou renuncias ocasionadas. Esta resolución final, que se publicará no DOG, previsiblemente no mes de setembro, recollerá a totalidade dos centros públicos integrados no PLAMBE para o curso 2020/2021 (705), así como as asignacións destinadas ás intervencións de mellora e actualización das bibliotecas escolares. 

Ábrese un prazo de 5 días naturais a contar a partir de mañá 15 de xullo, para a presentación das alegacións que se considere conveniente. 

• RELACIÓN PROVISIONAL DE CENTROS SELECCIONADOS - NOVA INCORPORACIÓN
•  PUBLICACIÓN NO PORTAL EDUCATIVO

Como en anos anteriores, publícase un breve informe sobre as actuacións dos Clubs de lectura que participaron na convocatoria de 208/2019. Esta é unha actividade integrada no programa Hora de Ler que promove a participación de grupos de lectores e lectoras para compartir as asúas experiencias coa lectura coa mediación dunha persoa adulta. Estos clubs considéranse unha das fórmulas de maior interese para o fomento da lectura, en xeral, e entre os adolecentes en particular. O informe foi elaborado a partir dos datos obtidos da valoración das 242 memorias presentadas polos Clubs de lectura que se acolleron á convocatoria anual do curso 2018/2019.

•  TEXTO DO INFORME

Lembramos, tamén, o estudo realizado por José Antonio Millán sobre os impactos desta iniciativa transcorridos dez anos da primeira convocatoria, no que se inclúe o informe do curso 2017/2018.

• ESTUDO: CLUBS, LECTORAS E LECTORES NO ENSINO SECUNDARIO EN GALICIA.
  

Ás nosa xanelas asoma un verán diferente, que todavía non sabemos como afrontar. É posible que unha boa selección de lecturas axude neste trance e niso andan as bibliotecas escolares galegas.

"... merecemos recursos enriquecedores, que entreteñan e aporten a un tempo." (Biblioteca CEIP de Leirado) 

• CEIP A Cristina (Carballo-A Coruña): Mergúllate nos libros!
• CEIP A Paz (Vigo-Pontevedra): Recomendación de lectura para este verán!!!
• CEIP P. A Pedra (Bueu-Pontevedra): Guía de lectura para o verán
• CEIP A Ponte (Lugo): Guía de lectura 2020
• CEIP P. A.R. Cadarso (Noia-A Coruña):Recomendacións lectoras. Verán 2020
• CEIP A.D.R. Castelao (Rianxo-A Coruña): Ler no verán sempre é bo plan!
• CEIP A.D.R. Castelao (Vigo-Pontevedra): Un verán de aventura...
• CEIP Álvaro Cunqueiro Mora (Mondoñedo-Lugo): Recomendacións de lecturas para o verán
• CEIP P. Anxo da Garda (A Coruña): Verán de contos xenial
• CEIP Apóstolo Santiago (Santiago de Compostela-A Coruña): Que non falte un libro no teu verán!
• CEIP Arquitecto Casas Novoa (Santiago de Compostela-A Coruña): Recomendacións lectoras
• CEIP Baíñas (Vimianzo-A Coruña): Recomendacións lectoras verán 2020
• CEIP P. do Camiño Inglés (Sigüeiro-Oroso/A Coruña): Recomendacións verán 2020
• CEIP Canosa-Rus (Coristanco-A Coruña): Lecturas para o verán!
• CEIP P. de Carballedo (Cerdedo/Cotobade-Pontevedra): Despois deste confinamento... ler é un bo entretemento
• CEIP Castrillón (Cangas-Pontevedra): Recomendacións verán 2020
• CEIP de Celeiro (Viveiro-Lugo): Recomendacións lectoras para o verán 2020
• CEIP P. de Centieiras (Fene-A Coruña): Recomendacións lectoras
• CEIP de Cervo (Cervo-Lugo): Propostas literarias verán 2020
• CEIP de Cespón (Boiro-A Coruña): Recomendacións lectoras, verán 2020
• CEIP Coirón-Dena (Dena-Pontevedra): Tríptico fin de curso
• CEIP Couceiro Freijomil (Pontedeume-A Coruña): Para ler neste verán
• CEIP Eduardo Pondal (Vigo-Pontevedra): Soñanado xunto ao mar cun libro nas mans
• CEIP Flavia (Padrón-A Coruña): Recomendacións de verán
  
• CEIP P. de Frións (Ribeira-A Coruña): Recomendacións da biblioteca para o verán
• CEIP de Foz Nº1 (Foz-Lugo): Guía de Lectura Verán 2020
• CEIP Graxal (Cambre-A Coruña): Lecturas feiticeiras para as noites meigas
• CEIP do Hío (Cangas-Pontevedra): Recomendacións verán primeiros lectores, intermedios e expertos
• CEIP Igrexa-Candeán (Vigo-Pontevedra): Recomendacións lectoras
• CEIP Isaac Díaz Pardo (Culleredo-A Coruña): Recomendacións lectoras para o verán!!!
• CEIP Juan Fernández Latorre (A Coruña): Tempo de lecer, tempo de ler
• CEIP Juan Rey (Lourenzá-Lugo): Lecturas recomendadas para vacacións
  
• CEIP Lamas de Abade (Compostela-A Coruña):Recomendacións de lecturas para o verán
• CEIP de Leirado (Salvaterra de Miño-Pontevedra): Lecturas de verán
• CEIP López Ferreiro (Santiago de Compostela-A Coruña): Este verán, visita as nosas librarías
• CEIP P. de Louro (Muros-A Coruña): Lecturas para o verán
• CEIP P. Manuel Bermúdez Couso (Pobra de Trives-Ourense): Recomendacións lectoras verán
• CEIP Manuel Sueiro (Ourense): Lecturas recomendadas para o verán
  
• CEIP Manuel Vidal Portela (Pontevedra): Recomendacións Lectoras no Verán 2020
• CEIP Melide Nº1 (Melide-A Coruña): Recomendacións para o verán
• CEIP P. Mestre Ramiro Sabell Mosquera (Ponteareas-Pontevedra): Lecturas verán 2020
• CEIP Milladoiro (Malpica-A Coruña): Boa travesía!
• CEIP P. de Montemogos (Bueu-Pontevedra): Recomendacións lectoras verán 2020
• CEIP Nicolás del Río (Cedeira-A Coruña): Libros, libros e máis libros
• CEIP Nosa Señora de Xuvencos (Boborás-Ourense): Recomendacións lectoras para o verán
• CEIP Nº1 de Tui (Tui-Pontvedra): Propostas para o verán-Lectura e Xogo
• CEIP O Coto (Negreira-A Coruña): Recomendacións verán 2020
• CEIP P. O Mosteirón (Sada-A Coruña): Menú Infantil, Menú Primaria
• CEIP O Piñeiriño (Vilagarcía de Arousa-Pontevedra): Recomendacións lectoras verán 2020
• CEIP O Pombal (Vigo-Pontevedra): Recomendacións verán 2020
• CEIP P. O Ruxidoiro (Barbadás-Ourense): Lecturas para o verán
• CEIP O Sello (Vigo-Pontevedra): Recomendacións para verán 2020
• CEIP P. de Palmeira (Ribeira-A Coruña): Lecturas ao sol
• CEIP Pedro Caselles Rollán (Xove-Lugo): Recomendacións para o verán 
• CEIP Pedro Antonio Cerviño (Campo Lameiro-Pontevedra): Lecturas para o verán!
• CEIP Praza de Barcelos (Pontevedra): Guías de lectura verán 2020
• CEIP de Présaras (Vilasantar-A Coruña): Recomedacións do Salón Verán 2020
• CEIP P. Profesor Albino Núñez (Ourense): Recomendacións lectoras para o verán
• CEIP Ramón de Artaza (Muros-A Coruña): Recomendacións  verán 2020
• CEIP Ramón Falcón (Castro de Rei-Lugo): Recomendacións lectoras para este verán
• CEIP Ramón de Valenzuela (Silleda-Pontevedra): Lecturas verán
  
• CEIP Reibón (Moaña-Pontevedra): Lecturas para o verán
• CEIP P. Ría do Burgo (Culleredo-A Coruña): Recomendacións lectoras para o verán
• CEIP Rosalía de Castro (Padrón-A Coruña): Lecturas para o verán
• CEIP P. de Rubiáns (Vilagarcía de Arousa-Pontevedra): Recomendacións de lectura verán 2020
• CEIP Saco e Arce (Toén-Ourense): Un libro na maleta
• CEIP Sagrado Corazón (Lugo): Un libro para o verán
• CEIP Salgado Torres (A Coruña): Lecturas de verán_2020
• CEIP P. San Marcos (Abegondo-A Coruña): Guía de lectura para verán
• CEIP San Marcos (Cartelle-Ourense): Recomendacións lectoras para o verán
• CEIP San Ramón (Moeche-A Coruña): Guía de verán 2020
• CEIP Santa María do Valadouro (O Valadouro-Lugo): Recomendacións lectoras para o verán
• CEIP P. Santa Rita (Viveiro-Lugo): Recomendacións lectoras para o verán
• CEIP Santiago Apóstolo (Mugardos-A Coruña): Recomendacións de lectura para o verán
• CEIP Sárdoma-Moledo (Vigo-Pontevedra): Recomendacións lectoras 
• CEIP Seara (Moaña-Pontevedra): Recomendacións lectoras para este verán
• CEIP Serra-Vincios (Gondomar-Pontevedra): Recomendacións lectoras verán 2020
• CEIP Sobreira-Valadares (Vigo-Pontevedra): Recomendacións verán 2020
• CEIP Sofía Casanova (Culleredo-A Coruña): O pregón do Bufolector
• CEIP P. da Torre-Cela (Bueu-Pontevedra): Recomendacións lectoras para as vacacións
• CEIP Veleiro do Campo (Castro Ribeiras de Lea-Lugo): Contos confinados
• CEIP Vicente Otero Valcárcel (Carral-A Coruña): Pingüi recomenda
• CEIP P. Víctor López Seoane (A Coruña): Hai moitísimas razóns para ler
• CEIP Virxe do Rocío (Vigo-Pontevedra): Recomendacións lectoras Eco-lóxicas
• CEIP Vista Alegre (Burela-Lugo): Recomendacións de verán
• CEIP Vistahermosa (Ourense): Viaxa moi lonxe, na nave do libro!
• CEIP Xesús San Luís Romero (Carballo-A Coruña): Se un libro no verán queres ler...
• CEP Lois Tobío (Viveiro-Lugo): Recomendacións lectoras verán 2020
  
• CEP Marcos da Portela (Pontevedra): Guía de lecturas verán 2020
• CEP Xosé Mª Brea Segade (Rianxo-A Coruña): Ler no verán, recomendacións lectoras 2020
• CPI A Picota (Mazaricos-A Coruña): Boletín lecturas - xuño2020
• CPI  As Revoltas (Cabana de Bergantiños-A Coruña): Este verán, partir á aventura cun libro, é un bo plan
• CPI P. Antonio Orza Couto (Boqueixón-A Coruña): Recomendacións para este verán 2020
• CPI P. de Castroverde (Castroverde-Lugo): Recomendacións lectoras
• CPI Poeta Uxío Novoneira (Pedrafita-Lugo): Libros para o verán
• CPI Pontecesures (Pontecesures-Pontevedra): Recomendacións lectoras Infantil e Primaria, ESO
• CPI Progreso (Catoira-A Coruña): Recomendacións lectoras de verán
• CPI San Sadurniño (San Sadurniño-A Coruña): Lendo en Sansa
• CPI Virxe da Saleta (Cea-Ourense): Recomendacións lectoras para o verán
• CPR Compañía de María (A Coruña): Lecturas de calidade recomendadas para o verán
• CRA de Boqueixón (Vedra-A Coruña): Tríptico
• CRA de Culleredo (Culleredo-A Coruña): Ler ao sol, senta mellor
• EEI Fina Casalderrey (Pontevedra): Recomendacións lectoras para o verán
• EEI San Roque (Viveiro-Lugo): Para un tempo distinto, recomendacións lectoras diferentes
  
• EEI Vilarrodís (Arteixo-A Coruña): Pequena escolma de Bibliorrodís
• IES A Basella (Vilanova de Arousa-Pontevedra): Libros para viaxar
• IES As Telleiras (Narón-A Coruña): Recomendacións lectoras para o verán
• IES Agra do Orzán (A Coruña): Suxestións para ler, para ver, para gozar no verán!
• IES de Brión (Brión-A Coruña): Lecturas de verán
• IES Concepción Arenal (Ferrol-A Coruña): Recomendacións de Verán
• IES David Buján (Cambre-A Coruña): Lecturas recomendadas para o verán
• IES Fernando Esquío (Neda-A Coruña): Con restricións pero tamén lemos no verán
• IES Fernando Wirtz (A Coruña): Lecturas para o verán
• IES Lucus Augusti (Lugo): Tríptico verán 2020
  
• IES de Meaño (Dena-Pontevedra): Recomendacións lectoras para o verán
• IES Monelos (A Coruña): Mirando con outros ollos: lecturas de verán
• IES Monte das Moas (A Coruña): A nosa guía de verán
• IES Monte Neme (Carballo-A Coruña): Guía de Lectura Verán 2020
• IES Monterroso (Monterroso-Lugo): Mergúllate nun mar de libros
• IES Pazo da Mercé (As Neves-Pontevedra): Recomendacións lectoras para o verán
  
• IES de Quiroga (Quiroga-Lugo): Recomendacións lectoras para este verán
• IES Ramón Cabanillas (Cambados-Pontevedra): Propostas de verán `20, II
• IES San Paio (Tui-Pontevedra): Non poñas en corentena a lectura!
• IES Sanxillao (Lugo): Recomendacións lectoras para o verán
• IES Salvaterra de Miño (Salvaterra de Miño-Pontevedra): Recomendacións lectoras para o verán 2020
• IES Universidade Laboral (Culleredo-A Coruña): Axenda 2030: moito por facer, moito por ler
• IES Valadares (Vigo-Pontevedra): Lecturas de verán
• IES Xograr Afonso Gómez (Sarria-Lugo): Suxestións lectoras verán 2020
• Centros PLAMBE de A Estrada (Pontevedra): Fartura de contos para o verán!!
• Microrrede A Mariña (Lugo): Recomendacións lectoras para o verán 2020

O DOG publica hoxe a Orde do 25 de maio de 2020 pola que se convoca o Plan de mellora de bibliotecas escolares en centros públicos non universitarios da Consellería de Educación, Universidade e Formación Profesional, para o curso 2020/21.

Ao igual que en anos anteriores, seleccionaranse un mínimo de 25 centros novos para a súa incorporación ao PLAMBE, podendo ampliarse este número no caso de baixas ou renuncias de centros xa integrados neste programa en convocatorias anteriores. Os centros que se incorporaron nas convocatorias 2014, 2015 e 2016 poderán recibir, ademáis da asignación para fondos, unha asignación complementaria para a renovación de mobiliario e outros equipamentos imprescindibles para o funcionamento da  biblioteca escolar. A continuidade no PLAMBE esixe a solicitude correspondente a través desta convocatoria, coa entrega da documentación que se solicita en cada caso, así como acadar unha valoración positiva na memoria de actividades deste curso 2019/2020.

O prazo de presentación de solicitudes remata o 3 de xullo.

• Publicación da Orde de 25 de maio de 2020 - Convocatoria PLAMBE para o curso 2020/2021 (centros públicos)
• Texto da convocatoria no DOG
• Anexos

Recollemos nesta guía 15 anos de LIX galega unha selección dos libros que tiveron unha maior presenza nas bibliotecas escolares galegas nestes primeiros quince anos do PLAMBE, que acompañaron ao alumnado galego no seu paso pola escola e polo instituto neste período e que, finalmente, teñen o recoñecemento das lectoras e dos lectores galegos. É froito da nosa observación e da colaboración con profesorado responsable de bibliotecas escolares que quixeron contribuír coa súa escolla. Non están todos pero todos os que están son referentes de lectura e forman parte do imaxinario do lector e da lectora que foi medrando xunto coa rede de bibliotecas escolares galegas.  A dificultade de seleccionar 15 títulos, a nosa primeira intención,  levounos a un documento más amplo no que se recollen, tamén, os títulos que tiveron recoñecemento a nivel galego, a nivel estatal e a nivel internacional. 

• GUÍA 15 ANOS DE LIX GALEGA
• DÍPTICO
• APORTACIÓNS DAS BIBLIOTECAS ESCOLARES

Nestes días nos que quedamos na casa, as bibliotecas escolares galegas permanecen abertas virtualmente e continúan ofertando ao alumnado recursos e  actividades  arredor da lectura, os proxectos de traballo, AMI, ALFIN, música, Arte, creación, retos ...

OBRADOIROS E TITORIAIS ESPECIAIS:

• Banda Deseñada con Xosé Tomás - A Viñeta
• Banda Deseñada  con Xosé Tomás - O Bocadillo
• Debuxando con Leandro Lamas: Passo a Passo (álbumes no facebook)
• Trucos básicos para gravar na casa. Borrón y cuento nuevo-AEDA
• Trucos básicos para gravar ou emitir un bo audio. Borrón y cuento nuevo-AEDA
• Laboratorio STEAM en casa
• Audios de contos de tradición oral - Pep Bruno
• Booktubers en tempo de confinamento - Pilar Pérez Estévez
• Charo Pita. Abrazar con Palabras. Obradoiro de Lectura en Voz Alta - Salón do Libro
• Como usar o teu Kamishibai - Vía PLC Andalucía
• Diferenza entre ler, explicar e contar un conto - Recovecos de cuento
• As mellores aplicacións para debuxar gratis - wwwhatsnew.com
  

RECURSOS SOBRE O COVID 19:

• CEE Miño (Ourense): Sabela, as zocas máxicas e o coronavirus, Canción signada
• CEE Saladino Cortizo (Vigo-Pontevedra): Selección de material sobre o Coronavirus
• CEIP P. A Cristina (Carballo-A Coruña): Recursos fronte ao Covid 19 , Conto feito con papiroflexia
• CEIP P. A Pedra (Bueu-Pontevedra): Coronavirus
• CEIP Anxo da Garda (A Coruña): O Coronavirus
• CEIP Condesa de Fenosa (O Barco de Valdeorras-Ourense): Aprendendo sobre Coronavirus Covid-19
• CEIP Juan Fernández Latorre (A Coruña): Coronavirus non é un príncipe nin unha princesa
• CEIP P. de Louro (Louro-A Coruña): Misión "mascarilla"
• CEIP Rosalía de Castro (Padrón-A Coruña): #euquedonacasa Contos e Xogos
• CEIP P. Sobreira-Valadares (Vigo-Pontevedra): O coronavirus en Pictos
• IES Lucus Augusti (Lugo): Frear o coronavirus co aillamento social
• IES de Meaño (Dena-Pontevedra): Coroavida

VÍDEO-RECOMENDACIÓNS:

• CEIP Couceiro Freijomil (Pontedeume-A Coruña): Booktrailers, Recomendacións Abril
• CEIP Lamas de Abade (Santiago de Compostela-A Coruña): Corentena Literaria. Vídeos Recomendacións 
• CEIP Porto-Cabeiro (Redondela-Pontevedra): Recomendacións en familia
• IES Miguel A. González Estévez (Vilagarcía de Arousa-Pontevedra): Vídeo-lector@s para o confinamento

VÍDEOCONTOS:

• CEIP P. A Cristina (Carballo- A Coruña): Eu quedo na casa/Eu leo na casa 
• CEIP Anxo da Garda (A Coruña): Eu quedo na casa e conto
• CEIP Saco e Arce (Toén-Ourense): Contos en pixama, Contos na tele
• EEI Barrionovo (Arteixo-A Coruña): #Quedanacasa contos e poesías (biblioteca e familias)

Como en anos anteriores (aínda que este sexa diferente) o IBBY (International board on books for young people) chama á conmemoración do Día do Libro Infantil o 2 de abril, data de nacemento de Hans Christian Andersen. O obxectivo é promocionar os bos libros infantís e xuvenís e a lectura entre os máis novos. 

A sección patricinadora deste ano é Eslovenia que difunde a mensaxe de Peter Svetinai lustrada por Damijan Stepancic: Fame de palabras. 

GÁLIX, Asociación do Libro Infantil e Xuvenil, facilítanos a tradución ao galego de  Héctor Cajaraville. 

• Mensaxe e cartel en galego 
• Día do LibroInfantil - OEPLI
• Concurso GÁLIX "Un poema na túa voz" (Remata o prazo o 10 de abril)
• Proposta da Asesoría de bibliotecas escolares: Temos Fame de Palabras

O día 1 de abril, celébrase o Día das Artes Galegas que, neste 2020, homenaxea ao arquitecto Domingo de Andrade. Aínda que a maior parte da súa obra podemos vela en Compostela, fora dalí tamén deixou a súa pegada en Lugo e Ourense.

É unha ocasión para afondar nos espazos creativos das nosas bibliotecas na temática arquitectónica, tanto nos fondos bibliográficos como nos materiais manipulativos. 

Tamén para traballar o cartel conmemorativo, realizado polo académico Xosé Díaz Arias de Castro a partir do retrato de Domingo de Andrade obra de Felipe Criado e conservado na Facultade de Xeografía e Historia compostelá. 

• Real Academia Galega de Belas Artes 
• Colexio Oficial de Arquitectos de Galicia
• Cidade da Cultura: Por que se lle dedica a Domingo de Andrade o #DíadasArtes?
• Proposta da Asesoría de bibliotecas escolares: Homenaxea a Domingo de Andrade!