Que se aprende a facer?
Realizar o mantemento programado e correctivo dos motores, da célula e dos sistemas mecánicos, hidráulicos, pneumáticos e eléctricos do avión con motor de turbina, tanto na liña como no hangar, así como o mantemento na liña dos sistemas electrónicos e de aviónica. Participar nos procesos de fabricación e ensamblaxe de compoñentes, e na xestión do mantemento.

En que ámbitos se traballa?
Departamentos de mantemento de aeronaves das compañías aéreas ou empresas dedicadas ao transporte tanto de pasaxeiros como de mercadorías ou a outras actividades, facendo inspeccións na liña e operacións de mantemento na liña e no hangar ou no taller. Actividades relacionadas coa fabricación e a montaxe tanto de aeronaves como dos seus compoñentes, así como coa simulación e o control de diferentes situacións de voo. Empresas dedicadas á fabricación de compoñentes e á montaxe de aeronaves; de inspección e control de calidade e do ámbito dos simuladores de voo. Compañías regulares, chárter, de carga aérea, de fumigación aérea, de loita contra incendios, aeroclubs, institucións oficiais (Policía, Protección Civil, etc.), escolas de pilotos e outros centros de formación, e empresas de mantemento.

Que ocupacións se desempeñan?
Técnico/a de mantemento aeromecánico de motores de turbina; de mantemento de sistemas en hangar ou taller; axustador de motores de turbina; e axustador/a de equipamentos eléctricos e electrónicos; de mantemento de estruturas en hangar ou taller; de ensaios non destrutivos; mecánico/a de liña; técnico/a en mantemento de sistemas mecánicos e eléctricos de simuladores de voo e na fabricación e na montaxe de elementos e compoñentes.

Cales son os módulos?