Que se aprende a facer?
Organizar e executar os acabamentos de construción en obra nova, reforma e rehabilitación, realizando chans, particións e teitos, mediante a instalación de paneis ou pezas prefabricadas, a colocación de placas ou láminas, a aplicación de revestimentos continuos e a pintura de superficies, cumprindo as condicións e os prazos establecidos,así como as prescricións de calidade, de seguridade e ambientais.

En que ámbitos se traballa?
Sector da construción, en pequenas, medianas e grandes empresas construtoras, e en Administracións públicas, por conta allea ou propia, desenvolvendo traballos de obras de interior e decoración para a construción, a rehabilitación, o mantemento e a reforma en edificación e obra civil.

Que ocupacións se desempeñan?
Xefe/a de equipo de revestimentos con pastas e morteiros; xefe/a de equipamento e/ouencargado/a de azulexadores/as e solladores/as; xefe/a de equipo de instaladores/as de sistemas prefabricados de xeso laminado ou falsos teitos; xefe/a de equipo e/ouencargado/a de pintores/as e empapeladores/as; aplicador/ora de revestimentos continuos de fachadas; revocador/ora de construción; alicatador/ora sollador/ora; instalador/ora de placa de xeso laminado; instalador/ora de falsos teitos; xunteiro/a de placa de xeso laminado; colocador/ora de prefabricados lixeiros en construción; colocador/ora de pavimentos lixeiros, en xeral; colocador/ora de moqueta; instalador/ora de pavimentos elevados rexistrables; instalador/ora de sistemas de anteparos e paneis técnicos; pintor/ora e/ou empapelador/ora; pintor/ora de interiores; pintor/ora decorador/ora de interiores; pintor/ora de obra; pintor/ora de fachadas de edificación.

Cales son os módulos?