SIFC01

SIFC01 - Administración de sistemas informáticos en rede

Ciclo formativo

Familia: Informática e comunicacións

Sistema educativo: LOE

Grao: superior

Horas: 2000

Código: SIFC01

Documentación:

Volver á relación de ciclos formativos

Que se aprende a facer?
Configurar, administrar e manter sistemas informáticos, garantindo a funcionalidade e a integridade dos recursos e dos servizos do sistema, coa calidade esixida e conforme a regulamentación.

En que ámbitos se traballa?
Na área de informática de entidades e empresas que dispoñan de sistemas para a xestión de datos e infraestrutura de redes (intranet, internet e/ou extranet).

Que ocupacións se desempeñan?
Técnico/a en administración de sistemas, responsable de informática, técnico/a en servizos de internet, técnico/a en servizos de mensaxaría electrónica, persoal de apoio e soporte técnico, técnico/a en teleasistencia, técnico/a en administración de base de datos, técnico/a de redes, supervisor/ora de sistemas, técnico/a en servizos de comunicacións, e técnico/a en contornos web.

Cales son os módulos?

Curso	Código	Módulo profesional	Horas	Períodos semanais
1º	MP0380	Formación e orientación laboral	107	4
1º	MP0371	Fundamentos de hardware	107	4
1º	MP0369	Implantación de sistemas operativos	213	8
1º	MP0373	Linguaxes de marcas e sistemas de xestión de información	133	5
1º	MP0370	Planificación e administración de redes	213	8
1º	MP0372	Xestión de bases de datos	187	7
2º	MP0374	Administración de sistemas operativos	140	8
2º	MP0377	Administración de sistemas xestores de bases de datos	70	4
2º	MP0381	Empresa e iniciativa emprendedora	53	3
2º	MP0382	Formación en centros de traballo	384
2º	MP0376	Implantación de aplicacións web	122	7
2º	MP0379	Proxecto de administración de sistemas informáticos en rede	26
2º	MP0378	Seguridade e alta dispoñibilidade	105	6
2º	MP0375	Servizos de rede e internet	140	8

Nota. Os módulos en negra están asociados a algunha unidade de competencia.

Que título ou acreditación se obtén?
Título de Técnico superior en Administración de sistemas informáticos en rede.

A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura. Así mesmo, é posible acceder a calquera ensinanza universitaria de grao, de modo directo, sen necesidade de proba. Se o título universitario tivese limitación de prazas o acceso farase tendo en conta a nota media do ciclo formativo.

Oferta

Pode consultar os ficheiros pdf coa oferta para o curso 2023/2024 de ciclos formativos polo réxime ordinario —grao profesional básico, grao medio e grao superior—, a oferta modular polo réxime de persoas adultas nas modalidades presencial e a distancia, a oferta de prazas da formación profesional dual, a oferta de cursos de especialización e a oferta de programas formativos de formación profesional básica, na seguinte ligazón.

Curso 2023-2024. Oferta de SIFC01 - Administración de sistemas informáticos en rede en centros sostidos con fondos públicos, no réxime ordinario, no réxime de persoas adultas, tanto en modalidade presencial como a distacia, e en FP Dual.

Importante: se algún réxime e/ou modalidade non aparece a continuación deste parágrafo, significa que non hai oferta nese réxime e/ou modalidade de SIFC01 - Administración de sistemas informáticos en rede, en centros sostidos con fondos públicos, para o curso académico 2023-2024.

Réxime de persoas adultas na modalidade semipresencial e a distancia

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade semipresencial e a distancia. Curso 2023-2024.

Modalidade de formación profesional dual

Oferta educativa de formación profesional inicial en centros sostidos con fondos públicos na modalidade de formación profesional dual. Curso 2023-2024.

A Coruña
Concello	Código	Centro educativo	Teléfono
Curtis	15022620	IES de Curtis	881880620

Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).

Xunta de Galicia