O pasado mércores a Santa Compaña percorreu os corredores e aulas do Val do Tea en busca de novos membros. Moitos foron os alumnos que, entre risos e berros, se sorprenderon coa súa visita e a acompañaron no seu percorrido.

Esta actividade, promovida polo departamento de Artes Plásticas, formou parte da nosa celebración do Samaín. Todo un éxito e un bo traballo do alumnado de Artes!

Álbum: Curso 2024-25 -> A Santa Compaña percorre o Val do Tea (Samaín)

• Marta Outeiriño (XD)
• Xoán Carlos Fernández
• Ana Fervenza

O pasado luns o alumnado de 3º ESO participou na actividade Esculturas de area, organizada un ano máis polo IES Monte da Vila de O Grove, unha experiencia diferente e que gustou moito ao alumnado. E para mostra, compartímosvos algunhas imaxes da xornada!

Traballos de gravado e estampación do alumnado de 2° de Bacharelato de Artes. Exercicios de debuxo tendo en conta o "efecto espello".

Compartimos convosco imaxes dalgunhas das exposicións que foron pasando polas vitrinas do Val do Tea nos últimos meses.

1. Exercicio da materia de Deseño, no Bacharelato Artístico: "Ilumina un deseño". Bocetos para deseñar unha lámpara e maqueta ou prototipo da mesma:

2. Debuxos de volumes xeométricos resoltos con valores e gradacións cromáticas. Realizados na materia de Debuxo Artístico:

3. Caixas e packaging. Envolver, almacenar e transportar productos. Traballo de deseño de 2° Bacharelato:

O feito de que no Bacharelato de Artes temos verdadeiras artistas sabémolo ben no Val do Tea, e para mostra só tedes que achegarvos a ver os seus autorretratos!

Traballos do alumnado de Artes polo Día Internacional contra a violencia machista.

• Daniel Iglesias (XD)
• Marta Outeiriño Gallego 
• Liliana Lista

Segundo a Orde do 27 de decembro de 2022 pola que se modifica a Orde do 20 de maio de 2022 que se aproba o calendario escolar para o curso 2022-2023 nos centros docentes sostidos con fondos públicos na Comunidade Autónoma de Galicia, a sesión da terceira avaliación parcial da educación secundaria obrigatoria deberá coincidir coa sesión de avaliación final. Adxúntanse, polo tanto, as Programación Didácticas da ESO, tanto dos cursos LOMCE (cursos pares) coma LOMLOE (cursos impares) coas modificacións pertinentes.

Compartimos algunhas imaxes da pequena exposición de traballos do alumnado de Volume, do Bacharelato artístico, que se pode atopar actualmente nas vitrinas da entrada do centro.

Empregaron diferentes materiais: habituais, como cartón, papel, barro, e non tan habituais como, arame e material de refugallo. Tomaron como referente o traballo escultórico de Alenxander Calder (pequenas esculturas móbiles negras), Alberto Giacometti e Louise Bourgeois (traballos en arame) ou o traballo de artistas minimalistas como Sol Lewitt ou Donald Judd (traballos xeométricos).