• Fernando Goiriz (XD)
• María González 
• Laura Cal

Ao longo deste curso o noso alumnado de 3º ESO participou no “Plan proxecta: Quérote+”, un proxecto multidisciplinar no que participaron o departamento de Ciencias Naturais, Lingua Castelá e Inglés.

Dito proxecto aborda a educación sexual en sentido amplo de tal xeito que se trataron contidos como a identidade de xénero, amor romántico, orientación sexual, métodos anticonceptivos....

Algunhas das moitas actividades realizadas quedan recollidas neste pequeno vídeo no que se resume o traballo realizado ao longo deste curso nas diferentes materias.

Como xa é tradición, un ano máis volvemos á Feira dos minerais de Guláns! Nesta ocasión foi o alumnado de 1º ESO o que asistiu. Ademais de visitar a feira, tiveron ocasión de participar en diferentes obradoiros de identificación de minerais e Mineraloxía.

O noso alumnado da ESO participou ao longo desta última semana de outubro nunha actividade de concienciación ambiental levada a cabo por parte do persoal de voluntariado do Concello. Nesta explicouse a importancia do coidado dos nosos ríos, apoiándose nunha escultura con forma de váter feita con toalliñas recollidas este verán no río Tea.

• María González (XD)
• Fernando Goiriz
• Laura Cal

O pasado venres 5 de maio o alumnado de 1º ESO visitou a Feira dos Minerais que se organiza cada ano en Guláns. Alí puideron participar nun obradoiro de identificación de minerais, impartido pola Escola de Minas e Enerxía de Vigo; e noutro de Mineraloxía, levado a cabo polo Grupo Mineralóxico e Xeolóxico Galego. Sen dúbida, foi unha visita moi didáctica.

Segundo a Orde do 27 de decembro de 2022 pola que se modifica a Orde do 20 de maio de 2022 que se aproba o calendario escolar para o curso 2022-2023 nos centros docentes sostidos con fondos públicos na Comunidade Autónoma de Galicia, a sesión da terceira avaliación parcial da educación secundaria obrigatoria deberá coincidir coa sesión de avaliación final. Adxúntanse, polo tanto, as Programación Didácticas da ESO, tanto dos cursos LOMCE (cursos pares) coma LOMLOE (cursos impares) coas modificacións pertinentes.

O venres 17 de febreiro, a nosa alumna Amalia C. I., de 2º de Bacharelato, participou na fase galega da XVIII Olimpíada de Bioloxía, xunto con outros alumnos e alumnas seleccionados de diversos centros galegos.

Parabéns, Amalia polo teu traballo e esforzo!

Eva Covelo, tecnóloga dos alimentos (e antiga alumna do noso centro) visitou o alumnado de 3º da ESO para desvelar certas verdades, mentiras e mitos da alimentación.
Graciñas por eses datos tan interesarios e necesarios nos nosos días!

Achégase a programación didáctica do departamento de Ciencias Naturais para os cursos LOMLOE (1ºESO, 3ºESO e 1ºBAC)