Desde hoxe día 24 de xuño está aberto o prazo de presentación de solicitudes de admisión a ciclos de formación profesional na Comunidade Autónoma de Galicia.

O prazo de presentación de solicitudes será do 24 de xuño ás 09.00 horas ao 4 de xullo ás 13.00 horas.

Podedes atopar máis información e os calendarios correspondentes na seguinte ligazón:

https://www.edu.xunta.gal/fp/admision-fp-24-25

Onte, martes, o alumnado de 2º ESO participou nunha charla informativa para dar a coñecer o Servizo de Protección da Natureza (SEPRONA) dependente da Garda Civil así como transmitir información básica e pautas de actuacións ante diversas emerxencias que se poidan dar. 

Tedes á vosa disposición a guía publicada pola Consellería de educación con indicacións básicas para a inscrición no procedemento de acceso e admisión nas ensinanzas artísticas superiores da Comunidade Autónoma de Galicia. 

Publicada a Resolución do 10 de abril de 2024 pola que se ditan as instrucións para o acceso e a admisión do alumnado nas ensinanzas artístifcas profesionais de Artes Plásticas e Deseño en Galicia para o curso 2024/2025. (Ciclos formativos)
O prazo de inscrición vai ata o 10 de xuño para o alumnado que realice a proba substitutiva dos requisitos académicos e ata o 21 de xuño para o alumnado que só teña que realizar a proba específica e para as cales solicitan a exención das probas.
As solicitudes faranse de forma telemática cubrindo o formulario dispoñlible na ligazón habilitada na aplicación CodexPro na páxina web de cada centro.
As persoas aspirantes con discapacidade poderán solicitar a adaptación das probas. Resérvase un 5%das prazas ofertadas para quen acredite discapacidade dun 33% ou maior.
Resérvanse razas para deportistas de alto rendemento e/ou nivel.

No seguinte enlace podedes atopar toda a información relacionada coas becas NEAE.

Parte do noso alumnado de 2º Bacharelato visitou este luns a Universidade de Vigo, na procura de seguir orientando o seu futuro máis inmediato!

O vindeiro curso, moitas das nosas alumnas e alumnos volverán percorrer os corredores da UVigo ou de calquera outra universidade, continuando camiño cara a un futuro que lles auguramos realmente prometedor!

Esta semana, o alumnado de 2º Bacharelato de Artes achegouse á Escola de Arte e Superior de Deseño Antonio Faílde para coñecer mellor a oferta formativa que ofrece, pois é unha das escolas galegas de arte que pode resultar de interese para a súa formación futura. Estamos desexando saber que será destas artistas nun futuro!

Este xoves, o alumnado de 4º ESO tivo a oportunidade de visitar a Feira das Ensinanzas que organiza o Concello de Ponteareas e coñecer máis de certa a oferta formativa dos arredores.