No IES Val do Tea celebramos as Letras Galegas os 365 días do ano!

Hoxe compartimos convosco un novo traballo de Ondas no Tea, nesta ocasión xira en torno á figura de Luisa Villalta, autora á que lle dedicamos o Día das Letras Galegas este ano. Presentación de Alejandro, semblanza a cargo do alumnado de 3º PDC e recitados dos alumnado de Artes Escénicas.

Agardamos que vos preste e que celebredes este día a carón dun bo libro!

"Escoito a voz que me silencia:

comezo a expresar o necesario."

                                  Luisa Villalta

Engadimos ao noso programa de radio "ENTREVISTEA. Grandes deportistas do Val do Tea" un novo capítulo. Desta volta entrevistamos a Rebecca, alumna de 2º Bacharelato e xogadora de fútbol desde hai xa moito tempo. 

Se queredes saber máis sobre a súa experiencia, escoitade esta nova entrevista!

Desde o Equipo de Igualdade, en colaboración co Departamento de Lingua Castelá e Radio, compartimos convosco este programa especial de radio, composto por tres episodios que cobran especial relevancia coa conmemoración este venres do 8M, Día Internacional da Muller.

Esta mañá, para conmemorar o Día Mundial da Radio, un grupo de alumnas e alumnos participou no programa de radio que organiza o IES Pedras Rubias (Salceda de Caselas).

Podedes ver o programa neste enlace (e a nosa participación a partir do 02:12:00):

Compartimos convosco o noso novo programa, nesta ocasión dedicado aos grandes deportistas que percorren os corredores do Val do Tea!

Para comezar, deixámosvos 2 entrevistas: Nerea e Yeray, xogadores de voleibol; e Adrián, xogador de fútbol.

Escoitádeas!

Arrincamos unha colección de lecturas de relatos de terror dos grandes autores e autoras da literatura universal.

Agardamos que vos axuden a pasar unha terrorífica velada nestes días de Defuntos!

Compartimos convosco o primeiro episodio de Que pasa no Tea, un podcast creado polas alumnas e alumnos de 3º PDC. Un programa magazine onde poderedes atopar humor, espectáculo, entretemento, deporte, literatura,... e moito máis!

Parabéns, rapazas e rapaces polo voso traballo!

Queredes saber máis do homenaxeado deste ano no Día das Letras Galegas?

Podedes facelo da man do noso alumnado de 1º Bacharelato e dos seus podcast, cos que participaron no "V Concurso de Podcasts - Radio na biblio".

Bo traballo, rapazas e rapaces!

Despois dun tempo soando a través dos altofalantes do centro, chega á rede a nosa radio: ONDAS DO TEA! Estreamos canle de IVOOX para chegar onda todas e todos vós.

Neste primeiro programa, o alumnado de Bacharelato aproveitou a visita de Irene Moreira -directora de escena e profesora de Arte Dramática na ESAD de Vigo- para facerlle unha pequena entrevista.

Agardamos que vos preste!