Entrega de notas: venres 6 de setembro ás 10:00
Reclamacións: dende as 10:00 do día 6 de setembro ata as 10:00 do día 10 de setembro.
MATRÍCULA SETEMBRO CURSO 2019/20: Dende o día 6 ata o 10 de setembro ás 14:00
Ao longo da semana publicaremos a data e hora de inicio das clase.
Estimadas familias:
No taboleiro da porta do Instituto poderán atopar as listas provisionais cos alumnos e as paradas adxudicadas para o vindeiro curso.
Despois do 12 de setembro poderán ver as listas definitivas.
Os números das rutas adxudícanse a principio de curso, mentras non teñan o número de ruta adxudicado os alumnos deberán coller o autobús na parada solicitada e adxudicada na lista definitiva de setembro.
Se teñen calqueira dúbida poden contactar telefónicamente co centro.
A continuación figuran os enlaces aos exames de setembro do presente curso 2018/2019:
1º FP Básica Electricidade e Electrónica
1º FP Básica Servizos Comerciais
IMPORTANTE:
Cando a un/ha alumno/a lle coincida no calendario un exame do curso actual coa pendente da mesma ou doutra materia, deberá examinarse primeiro da/s pendente/s e, a continuación, da outra materia. De non ter tempo suficiente, deberá falar co/a profesor/a para concertar hora e día no que fará o exame da materia do seu curso. No caso de non facelo así constaralle como NON PRESENTADO.
No Boletín Oficial da Provincia da Coruña do día 14 de xuño publicáronse as BASES e CONVOCATORIA PÚBLICA de axudas para MATERIAL ESCOLAR Curso Académico 2019-2020 do Concello de Narón (A Coruña).
O prazo para solicitar estas axudas está aberto dende o luns día 17 de xuño ata o xoves día 11 de xullo (ambos os dous inclusive). O prazo ampliouse ata o día 11 no BOP do luns día 1 de xullo de 2019.
As solicitudes están a disposición dos/das solicitantes na Sede Electrónica e no Rexistro Xeral do Concello de Narón, dende o propio día 17 de xuño.
IMPORTANTE:
Deberá solicitar a axuda o alumnado interesado, aínda que non sepa en que curso ou centro escolar de Narón quedará definitivamente matriculado (setembro), porque o prazo de solicitude é único e improrrogable.
Estos son os libros de texto do IES Terra de Trasancos para o curso 2019/2020:
Informámoslles que os prazos de matrícula ordinaria para o curso 2019/20 serán os seguintes:
24 de xuño ata o 2 de xullo ás 13,00
CM Xestión Administrativa e CS Administración e Finanzas.
27 e 28 de xuño- 1º Bacharelato
1 de xullo- 2º Bacharelato
2 e 3 de xullo- 4º ESO
4 e 5 de xullo- 1º ESO
5 e 8 de xullo- 3º ESO
9 e 10 de xullo- 2º ESO
HORARIO DE OFICINA: 9:00-14:00
A alumna Antía Calvo Díaz (3º ESO) resultou premiada no VI Concurso de Esopías que cada ano organiza a Asociación Galega de Profesorado de Matemáticas.
Obtivo o premio na categoría de 2º ciclo da ESO e Bacharelato co relato Un máxico lugar.
Ademais, o IES Terra de Trasancos estivo representado polos seguintes relatos:
Ada no paraíso de Sofía García Rodríguez (4 ªESO)
Terra enmeigada de Brais Otero Balsa (2º ESO)
O bisavó de Alejandro Fernández García (1º ESO)
Un día infinito de Lara Ríos Calvo (1º ESO)
PARABÉNS A TODIS POLO BO TRABALLO!
No DOG do 21 de febreiro publícanse as instrucción da ABAU
A proba da avaliación de bacharelato para o acceso á universidade (ABAU) estruturarase en dúas partes denominadas: parte obrigatoria e parte voluntaria.
A parte obrigatoria da proba versará sobre as materias xerais do bloque das materias troncais da modalidade elixida e sobre a materia de Lingua Galega e Literatura, todas elas correspondentes ao segundo curso de bacharelato:
O alumnado que queira mellorar a súa cualificación de admisión poderá examinarse de forma voluntaria dun máximo de catro materias, que elixirá entre as materias de opción do bloque de troncais de segundo curso de calquera modalidade e as materias xerais troncais específicas de modalidade distintas daquela da que se examinen na parte obrigatoria da proba. Así mesmo, os estudantes poderán examinarse dunha das opcións lingüísticas (Alemán, Francés, Inglés, Italiano ou Portugués) da Segunda Lingua Estranxeira II distinta da que cursasen como materia xeral do bloque de materias troncais.
As probas correspondentes a estas materias teñen carácter voluntario e teñen por obxecto a avaliación dos coñecementos e a capacidade de razoamento nuns ámbitos disciplinares concretos relacionados cos estudos que se pretenden cursar e permiten mellorar a nota de admisión.
As probas:
- O alumnado realizará os exercicios da proba de avaliación de bacharelato para o acceso á universidade nos lugares que determine a Comisión Interuniversitaria de Galicia (CiUG).
- Farase unha proba por cada unha das materias obxecto de avaliación. Cada proba constará dun mínimo de 2 e un máximo de 15 preguntas.
- Os exercicios adecuaranse ao currículo do bacharelato, e versarán sobre as materias do segundo curso.
- Os exercicios presentarán dúas opcións diferentes, entre as cales os e as estudantes deberán elixir unha.
- Para a realización dos exercicios, o alumnado poderá empregar, á súa elección, calquera das linguas oficiais da Comunidade Autónoma de Galicia. Non obstante, os exercicios correspondentes a Lingua Castelá e Literatura II, Lingua Galega e Literatura II e Primeira e Segunda Lingua Estranxeira II deberán realizarse nos seus respectivos idiomas.
- Cada unha das probas da avaliación de bacharelato para o acceso á universidade terá unha duración de 90 minutos. Establecerase un descanso entre probas consecutivas de, como mínimo, 30 minutos.
- A avaliación de bacharelato para o acceso á universidade terá unha duración de tres días.
- Preferentemente, as probas contextualizaranse en contornos próximos á vida do alumnado: situacións persoais, familiares, escolares e sociais, ademais de contornos científicos e humanísticos.
- Cada unha das probas conterá preguntas abertas e semiabertas que requirirán do alumnado capacidade de pensamento crítico, reflexión e madurez. Ademais destes tipos de preguntas, poderanse utilizar tamén preguntas de opción múltiple, sempre que en cada unha das probas a puntuación asignada ao total de preguntas abertas e semiabertas alcance, como mínimo, o 50 %:
1. De opción múltiple: preguntas cunha soa resposta correcta inequívoca e que non exixen construción por parte do alumno ou da alumna, xa que este/a se limitará a elixir unha de entre as opcións propostas.
2. Semiabertas: preguntas con resposta correcta inequívoca e que exixen construción por parte do alumno ou da alumna. Esta construción será breve, por exemplo un número que dea resposta a un problema matemático, ou unha palabra que complete unha frase ou dea resposta a unha cuestión sempre que non se facilite unha lista de posibles respostas.
3. Abertas: preguntas que exixen construción por parte do alumno ou da alumna e que non teñen unha soa resposta correcta inequívoca. Englóbanse neste tipo as producións escritas e as composicións plásticas.
Datas:
No curso 2018/2019 realizaranse dúas convocatorias da proba de Avaliación do Bacharelato para o Acceso á Universidade (ABAU):
- Xuño: mércores 12, xoves 13 e venres 14
- Xullo: mércores 10, xoves 11 e venres 12
Ponderación de materias: http://ciug.gal/PDF/pond19.pdf
Exames (cursos pasados): http://ciug.gal/exames.php
Máis información: http://ciug.gal/index.html
Podedes consultar toda a información de acceso a Ciclos Formativos Medios e superiores no seguinte enlace.
Non vos despistedes os que queirades facer un Ciclo!
Xunta de Galicia - Consellería de Educación, 2013 | ||
Theme by Danetsoft and Danang Probo Sayekti inspired by Maksimer
