GRUPO DE TEATRO DO IES SOFÍA CASANOVA: ADAPTACIÓN DE OS VELLOS NON DEBEN DE NAMORARSE
Despois de todo un curso de ensaios e desvelos, e poñendo o broche final ás actividades programadas para conmemorar o Día das Letras Galegas, a compañía de teatro do IES Sofía Casanova porá en escena unha adaptación dos dous primeiros lances de Os vellos non deben de namorarse de Castelao. Esta adaptación así como a dirección da obra correron a cargo do profesor Xosé Luís Paz. O acto, xa en por si dunha grande calidade, verase enriquecido cun fondo musical de melodías tradicionais para gaita galega interpretada por Xoán Rodríguez Silvar, director do instituto e membro do grupo Raparigos. A función terá lugar no salón de actos do instituto e desenvolverase de acordo coa seguinte programación:
Familiares do alumnado: mércores 22 de maio, de 17.00 a 18.00 horas.
Alumnado: Na mañá do xoves 23 de maio
09:00 – 10:10 (1º, 2º e 3º de ESO)
11:00 – 12:10 (4º de ESO, PCPI e 1º de bacharelato)
Ver fotos
