Os alumnos da materia Economía de Empresa de 2º bacharelato visitaron o martes 12 as instalacións que Inditex ten en Arteixo, na que puideron observar os diferentes departamentos desta exitosa empresa: Compras, Deseño, Patronaxe, Marketing e Publicidade, Corte, Produción e Loxística.Tamén visitaron a Facultade de Economía no campus de Elviña, onde foron recibidos polo Decano que lles ensinou as instalacións e lles falou da súa oferta formativa e os servizos que a facultade pon a disposición dos alumnos.
Por último, desprazáronse ao centro comercial Marineda City, onde a encargada de marketing da empresa que xestiona o centro lles deu datos e curiosidades relativas ao mesmo.
