Restablecemento do procedemento de admisión de alumnado

Mér, 06/05/2020 - 11:35

Restablécese o procedemento de admisión de alumnado cos seguintes prazos:

Presentación das solicitudes de admisión de alumnado iniciarase o día 11 de maio de 2020 e rematará o día 18 do mesmo mes.
Presentación da documentación acreditativa dos criterios de baremo: ata o día 26 de maio de 2020.
Publicación das listaxes provisionais do alumnado admitido e non admitido: antes do 9 de xuño de 2020.
Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
Publicación das listaxes definitivas do alumnado admitido e non admitido: ata o 26 de xuño de 2020.
Formalización da matrícula ordinaria en educación: do 1 ao 10 xullo. Prazo extraordinario: do 1 ao 10 de setembro de 2020.

Recoméndase a presentación de solicitudes de admisión por vía telemática no seguinte enderezo https://www.edu.xunta.es/admisionalumnado/ (precísase a Chave 365 ou certificado dixital).

No caso da presentación presencial no centro, deberá traer cuberta esta solicitude e pedir cita por teléfono (981 31 15 00). Non se atenderá sen cita previa.

O horario de atención ao público é:

09:00 h a 14:00 h (Excepcionalmente, atenderase pola tarde baixo causa xustificada e con cita previa)