Skip to Content

Exposición de rock bravú (1994-2014)

Lun, 03/04/2024 - 18:07 — veromar

O EDLG achegounos durante o mes de xaneiro e febreiro unha fantástica exposición cedida polo SNL do Concello de Pontevedra. Mais que é e como xorde o Rock Bravú? Unha noite Santos de 1994, nunha taberna de Viana, Chantada, naceu o bravú. Unha etiqueta creada polos propios músicos que serviu para bautizar o rock cantado en galego, magma vizoso que entón estaba a agromar por todo o país. Vinte anos despois cómpre lembrar o comezo desta aventura. Unha referencia cultural e unha proposta de traballo colectivo que as persoas máis novas teñen dereito a coñecer. O bravú comezou sendo guitarra e distorsión, mais axiña estendeu o seu berro de vida por outros camiños. Esta exposición recolle ese proxecto de axitación xeral, alicerce dunha tradición, e tamén impulso creativo para os novos tempos.

Pica na foto para ver o álbum

Álbum: Actividades -> Rock bravú

Obradoiro de sexualidade

Lun, 03/04/2024 - 14:05 — veromar

O alumnado de 3º ESO estivo a recibir durante este 2º trimestre unha serie de sesións sobre sexualidade impartidas por persoal da Cruz Vermella.

A actividade foi xestionada pola profesora de Bioloxía, María Rey, e a orientadora, Marisa Gayoso, co fin de dar a coñecer cuestións relacionadas co tema que preocupa moito nestas idades e no que, a pesar do acceso ao mundo da información que posúe a xente nova, detectamos carencias e dúbidas que nos parece importante resolver. 

Pica na foto para ver o álbum

Álbum: Actividades -> Obradoiro de sexualidade

Xornada deportiva con Primaria

Mar, 02/27/2024 - 11:05 — veromar

O pasado mércores 21 de febreiro, o alumnado de 2º TSEASD, en colaboración coa Agrupación Deportiva de Colexios de Primaria de Pontevedra, realizou 5 actividades diferentes na zona da Alameda con 251 alumnos de 5º de Primaria de varios colexios do concello.

As 5 actividades deportivas foron: loita olímpica, baile deportivo, ciclismo, orientación e xogos tradicionales como a chave, o trompo, a rá, os bolos celtas ou o peletre.

Pica na foto para ver o álbum

Álbum: Actividades -> Xornada deportiva

Entroido 2024

Lun, 02/26/2024 - 14:15 — veromar

Un ano máis unímonos a esta festa do entroido, tan popular en Galicia: unha tradición que debemos conservar e apoiar desde o ámbito educativo.

O noso alumnado traballou moitísimo preparando as súas actuacións, axudado polos seus titores e profesores que, en moitas ocasións, cederon as horas de clase para que eles puideran desenvolver toda a creatividade e coordinación, loitando por aspirar a un premio delicioso, como é a merenda na cafetería de Carol.

O claustro deste centro entende que a formación do alumnado non só se atopa nos libros de texto, en edixgal ou nas disertacións puramente académicas, senón tamén na colaboración,na inclusión, na atención a todas as necesidades que supón a organización dun evento multitudinario no que participa o centro en pleno: 1050 alumnos e alumnas, así como 86 profesores, representantes da ANPA, exalumnos e persoal non docente. 

Todos formamos parte da festa porque entendemos a educación do alumnado dun xeito amplo, na que valores como o traballo en equipo son imprescindibles.

 

Pica no álbum para ver as fotos

 

Álbum: Actividades -> Entroido 2024

Actividades proxecto "Ponte a Zero" da Deputación de Pontevedra

Ven, 02/23/2024 - 13:14 — veromar

O alumnado do Club contra o Cambio Climático participa este ano no Proxecto “Ponte a Zero” da Deputación de Pontevedra. Este proxecto ten como obxectivo fomentar a compostaxe e a separación de residuos en toda a provincia.

Así, o alumnado recibiu unha charla no paraninfo o día 25 de xaneiro titulada “Que facemos cos residuos? Posteriomente, os días 7 e 8 de febreiro realizaron, en pequeno grupo, uns obradoiros sobre microplásticos.

Debemos felicitar ao alumnado, que mostrou tanto interese e curiosidade que o ponente manifestouse encantado coa visita ao centro.

  Pica na foto para ver o álbum

Álbum: Actividades -> Obradoiro de microplásticos

Curso 24/25

Ven, 02/23/2024 - 11:15 — crblanco

 ADMISIÓN CURSO 2024/25

A solicitude de admisión realizarase no modelo ED550B-anexo II 

 

As persoas solicitantes poderán:

- Cubrir o formulario na aplicación adimisionalumnado e presentalo por vía electrónica, a través da sede electrónica da Xunta de Galicia, sempre que se dispoña de certificado dixital ou de Chave365.

- Descargar o formulario da aplicación admisionalumnado, da sede electrónica da Xunta de Galicia ou da páxina web da consellería para cubrilo manualmente e presentalo de forma presencial.

- Descargar o formulario da nosa páxina web ou recollelo no centro, cubrilo manualmente e presentalo de xeito presencial.

 

Información adicional: (picar na ligazón para a súa descarga)

Roteiro arquitéctónico

Xov, 02/01/2024 - 11:10 — veromar

O xoves 1 de febreiro, o alumnado de 2º bacharelato D e E que cursa a materia optativa de Xeografía, Historia, Patrimonio e Arte de Galicia realizou un roteiro arquitectónico por Pontevedra, acompañado das explicacións do seu profesor Pablo Alonso.

Álbum: Actividades -> Roteiro arquitectónico

Semana Blanca en Astún

Sáb, 01/27/2024 - 20:19 — veromar

O noso alumnado de 3º ESO xa regresou da viaxe á estación de esquí de Astún, en Huesca.

Polas fotos que nos mandaron parece que non había moita neve, pero iso non impediu que a rapazada desfrutase daetas vacacións invernais. Desconectaron do académico para voltar con forzas renovadas e encarar o resto do trimestre.

Pica na foto para ver o álbum

Álbum: Viaxes didácticas -> Semana Blanca en Astún

"Aquí tamén se fala galego"

Mar, 01/23/2024 - 20:00 — veromar

O IES Sánchez Cantón participa na campaña de dinamización lingüística "Aquí tamén se fala galego" que iniciou o instituto Rafael Dieste de A Coruña e que apoia o conocido actor Viggo Mortensen. As nosas coordinadoras do EDLG, Salomé Díaz Muñiz e Concepción Díaz Candán, incorporáronse inmediatamente a este reto. Así, o noso centro integrouse no proxecto en canto tivo a oportunidade e xa pertence ao grupo de institutos pioneiros a nivel galego.

Estas iniciativas fan do Sánchez Cantón un centro á vangarda das innovacións.

https://www.diariodepontevedra.es/articulo/pontevedra/ies-da-cidade-sumanse-campana-do-galego-que-liou-viggo-mortensen/202401231015471288773.html

 

Aprendendo esgrima e patinaxe sobre xeo

Lun, 01/22/2024 - 12:33 — veromar

O alumnado de 1º TSEASD que recibe clases no CGTD, acudiu a unha sesión de esgrima co seu profesor Marcos Fandiño Reissmann. O director da Escola Hungaresa de Esgrima (Adrián Cubela) realizou unha aproximación e iniciación ao deporte orixinal, diferente e inclusivo de implemento. Varios alumnos manifestaron o seu interese por este deporte que non coñecían e, concretamente un deles, empezará a adestrar co devandito club coa intención de quedar de monitor a medio-longo prazo.

A época de Nadal permitiu tamén gozar e coñecer o deporte do patinaxe sobre xeo, xa que é o único momento no que se montan este tipo de pistas en Pontevedra. 

Tanto Esgrima como Patinaxe sobre Xeo son dúas actividades que están asociadas a dúas materias impartidas neste ciclo polo profesor Marcos Fandiño Reissmann.

E como colofón á práctica destas actividades, o alumnado foi convidado por Pablo Hinojar (adestrador da selección española de Ximnasia Deportiva), que se atopaba traballando durante uns días no CGTD, a asistir ao seu entrenamento. 

Estes futuros Técnicos Superiores en Animación Socio-Deportiva están recibindo e aplicando unha formación que os mantén activos e ilusionados. 

  Pica na foto para ver o álbum

Álbum: Actividades -> Aprendendo esgrima e patinaxe sobre xeo
Distribuir contido


by Dr. Radut