IES de PONTE CALDELAS

Menú base e dietas especiais do comedor durante o mes de novembro de 2023. (Para velo abrir o adxunto)

Informamos que os centros educativos de Ponte Caldelas terán este curso como días non lectivos o 13 de outubro e o 20 de maio.

O vindeiro luns 25 de setembro levaremos a cabo a reunión coas familias segundo o seguinte horario:

• 1º e 2º ESO: 18:15 horas
• 3º e 4º ESO: 19:00 horas
• 1º e 2º Bach: 19:45 horas

En primeiro lugar reuniremos ás familias no salón de actos. O equipo directivo e a orientadora darán unha serie de indicacións de carácter xeral. Despois as familias subirán co titor ou titora correspondente á aula do grupo.

No día de hoxe publicáronse as listaxes provisionais de admitidos e excluídos para as axudas de libros.

Poden consultarse telematicamente na aplicación Fondolibros, identificándose con certificado dixital ou Chave 365, ou presencialmente, no taboleiro interior do instituto en horario de 9:00 a 14:00.

Deben comprobar que a cantidade de libros que lle asignan corresponde co nivel da renda familiar. É importante que se algún membro da familia non marcou na solicitude que ten discapacidade do 33% ou por enriba nolo comunique.

En caso de detectar algún erro, dispoñen de dous días, 13 e  14 de xullo, para avisar no centro e corrixilo. O 26 de xullo publicaranse as listaxes definitivas e daquela saberán os libros concretos que lles corresponden.

No documento adxunto poden consultar os libros que se empregarán no curso 2023/2024.

Antes de realizar ningunha compra lean detidamente o apartado de "Observacións" xa que nalgunhas materias se indica expresamente que se espere ás indicacións que dea o profesorado e iso será en setembro.

No caso da ESO, lembren que as listaxes provisionais de beneficiarios e beneficiarias de Fondolibros se publicarán o 12 de xullo e as definitivas o 26 de xullo.

Estas listaxes estarán expostas no taboleiro do centro ou poderán consultarse na aplicación Fondolibros identificándose con certificado dixital ou Chave 365.