COVID

Queridas familias,

Conscientes da preocupación polo inicio do curso, dende o IES Pedro Floriani queremos informar que estamos traballando na reestruturación do instituto para adaptalo da mellor forma posible ás novas instrucións que vai enviando a Consellería día a día.

A seguridade do noso alumnado e a boa organización do curso é o primeiro para nós.

Dadas as circunstancias, non podemos polo momento comunicar unha data exacta para iniciar o proceso de presentacións e acollida no centro.

Todos os centros de ensino secundario de Redondela estamos na mesma situación, e polo tanto sentimos non poder ofrecer a día de hoxe a información que normalmente xa é coñecida nestas datas.

Manterémosvos cumpridamente informados/as a medida que se produzan novas.

Graciñas pola colaboración.

Unha forte aperta de parte de todo o Equipo Directivo e todo o profesorado.

A Dirección do IES Pedro Floriani

• Non se poderá acudir ao Centro con sintomatoloxía compatible co Covid ou se está en corentena por convivir ou ter contacto estreito con persoas diagnosticadas.
• Chegará ao centro alomenos cinco minutos antes da hora de comezo dos exames, coa súa propia máscara posta. Aquelas persoas que estean dispensadas da obrigatoriedade de levar máscara, deberán acreditalo documentalmente.
• Fará a entrada polo portal exterior e avanzará en fila de un, respectando a distancia de seguridade de 1.50m, polo carril dereito marcado no chan, ata a porta do edificio.
• Debe hixienizar as mans a entrada do edificio co dispensador situado na parede.
• Rexistrarase co nome e teléfono de contacto e seguirá as instrucións da persoa presente na entrada para dirixirse á aula que lle indiquen.

Para a realización das probas, deberá vir provisto do material necesario, dado que non é posible compartilo

Na Aula:

• Debe permanecer coa máscara posta en todo momento.
• Debe hixienizar o pupitre e a cadeira que lle indiquen, usando un pano de papel e desinfectante situados a entrada da aula.
• Debe seguir as normas indicadas polo profesor para recoller, realizar e entregar o exame.
• Non debe moverse do seu posto ata que llo permitan.
• Antes de abandonar a aula, debe usar o papel e o desinfectante para limpar pupitre e cadeira.
• Cando saia da aula, deberá seguir as rutas indicadas no chan e respectar as indicacións e a distáncia de seguridade ata abandoar o recinto escolar.

ENLACE para as FAMILIAS e alumnado maior de idade

coas instrucións para o reinicio da actividade lectiva presencial voluntaria.

ENLACE para o ALUMNADO

con instrucións para o reinicio da actividade lectiva presencial voluntaria.

Restablécese o prazo para a presentación das SOLICITUDES DE ADMISIÓN de NOVO ALUMNADO que se incorpora por primeira vez ao Centro.

PRAZO 11 - 18 de maio de 2020.

Para1º ESO: alumnado que NON cursou primaria en centro adscrito.

Para 1º Bacharelato: alumnado que NON cursou ESO no centro.

De acordo á lexislación vixente: 

RECOMÉNDASE A

PRESENTACIÓN TELEMÁTICA

de SOLICITUDES 

(NESTE ENLACE PODE ATOPAR INFORMACIÓN ADICIONAL SOBRE O PROCESO TELEMÁTICO)

PARA ATENCIÓN PRESENCIAL

de 9:00 - 14:30 h

 no teléfono

886 12 04 13

• NORMAS:

Só acudirá un único proxenitor/a.

Débese seguir o protocolo e as instrucións de seguridade.

• IMPRESO DE SOLICITUDE:

A solicitude atópase no seguinte enlace: https://www.edu.xunta.es/admisiónalumnado

Prégase cubrir todos os campos da solicitude (incluídos os relativos ao baremo) e achegar o DNI do alumno e a documentación xustificativa do baremo.