Para tod@s aquel@s que non tedes maneira de practicar con instrumentos nin de descargar a aplicación de emulación de teclado ou xilófono, propóñovos esta canción. Practicade a entonación e a letra das dúas primeiras estrofas e do refrán e poñédelle acompañamento de percusión, utilizando materiais e obxectos que teñades por casa (cotidiáfonos): unha botella de cristal percutida, unha caixa de cartón, culleres de madeira... Botádelle imaxinación.
O baile de Noró. Xabier Díaz e Adufeiras de Salitre
Letra:
O baile de Noró
Axudádeme a cantare (bis)
axúdeme quen quixere
axudádeme a cantare
se non vou enrouquecere (bis)
Ai a la la, ai la la la.
Esa bailadora que bonita é
debuxando voltas na punta do pé
Na punta do pé, na punta do pé
esa bailadora que bonita é.
Bailade nenas, bailade
que o voso bailar me alegra
se o voso bailar non fora
non estaba nesta terra.
Logo cantas, logo bailas (bis)
logo tes o pé lixeiro
logo me fas arrimare
as miñas mans ao pandeiro (bis)
Ai a la la, ai la la la.
Esa bailadora que bonita é
debuxando voltas na punta do pé
Na punta do pé, na punta do pé
esa bailadora que bonita é.
Bailade nenas, bailade
que o voso bailar me alegra
se o voso bailar non fora
non estaba nesta terra.
Cantares e máis cantares (bis)
cantares hei de cantare
teño a hucha nova chea
e un costal por desatare (bis)
Ai a la la, ai la la la.
Esa bailadora que bonita é
debuxando voltas na punta do pé
Na punta do pé, na punta do pé
esa bailadora que bonita é.
Bailade nenas, bailade
que o voso bailar me alegra
se o voso bailar non fora
non estaba nesta terra.
Esta vai por despedida (bis)
hoxe aquí non canto outra
as señoras que ma oian
de hoxe un ano me oian noutra (bis)
Ai a la la, ai la la la.
Esa bailadora que bonita é
debuxando voltas na punta do pé
Na punta do pé, na punta do pé
esa bailadora que bonita é.
Bailade nenas, bailade
que o voso bailar me alegra
se o voso bailar non fora
non estaba nesta terra.
