Como funcionan un electroimán e un altofalante?, que relación hai entre a frecuencia e o período dunha onda sonora?, podo conseguir distintas notas "tecleando" sobre un compañeiro en lugar de facelo no piano?. Con pouco máis que unha pila, unhas moedas, un lapis, un clip e un altofalante de refugallo, Mateo Mena achegounos o martes a estes e outros conceptos a través da experimentación con sinxelas montaxes electrónicas sonoras.
Nunca antes nos pareceran tan divertidas a música e a electrónica!