Programa DAFIS

O pasado venres 11 de xaneiro, tivo lugar no estadio Sampaio de Refoxos de Cee unha carreira de campo a través no marco do programa DAFIS, que é unha ferramenta para mellorar a nosa condición física, promovida pola Consellería de Educación. Á carreira asistiron arredor de 800 persoas de distintos centros da volta. Entre eles, do IESP Pedra da Aguia de Camariñas asistiu o alumnado de 1º e 2º de ensinanza obrigatoria.

Moito alumnado correu para realizar unha actividade física, e outro para colaborar ademais cunha causa solidaria, como correr pola ONG Save the children. Todo o mundo levaba roupa axeitada para facer deporte e con aqueles dorsais... pareciamos verdadeiros profesionais!

A actividade desenvolveuse con normalidade grazas a un bo tempo inesperado que acompañou ao longo da xornada. Para ver a nosa reportaxe fotográfica, preme AQUÍ

Noticia de Pablo Rodríguez 1ºB

“O problema non é o aceite de palma, senón o produto que o leva”.

Así o afirmaba a doutora en Farmacia e experta en nutrición Gemma del Caño, na entrevista publicada na Voz de Galicia o pasado mércores 21 de novembro.

Para ler a entrevista completa preme aquí. 

Hoxe púxose en marcha unha novidosa experiencia gastronómica no noso IES. Baixo o lema “Repensa a túa despensa”, ofreceremos ao alumnado de 2º e 3º ESO (1º e 4º en próximos trimestres) distintas propostas de almorzos saudables, é dicir, equilibrados, completos e variados. Coñecerán a importancia de comezar o día cunha achega nutriticional adecuada ás actividades que desenvolven, desmitificarán crenzas obsoletas e poderán incorporar (esperemos!) o aprendido aos seus hábitos alimentarios.