Con esta proposta de escaparate para Halloween/Samaín, inician o curso os alumnos e alumnas de 2.º de Xestión de Vendas e Espazos Comerciais. Mediante esta composición, pretenden facer unha reinterpretación minimalista, en branco e negro, do día dos mortos mexicano, cun toque de humor e orixinalidade, quen de espertar toda a nosa admiración, de vivos.

Espectacular photocall deseñado polo alumnado de Actividades Comerciais, capitaneado pola profesora Noelia Sánchez! Deste xeito dinamizaron o centro para o día de hoxe, empregando materiais reciclados, e creando unha xincana por todo o instituto para que participe o alumnado da ESO.

Queremos felicitar a Antía Fernández Loureiro, alumna de Xestión de Vendas e Espazos Comerciais, e á súa titora e profesora de Escaparatismo, Sol Seoane, pola medalla de ouro na edición 2023 de GaliciaSkills-Escaparatismo e comercialización visual. É para nós un orgullo e unha satisfacción este recoñecemento ao seu traballo e dedicación para preparar estas probas. Moitos parabéns! Toca seguir traballando...Madrid 2024 agárdavos!

Visitou a edición de Galicia Skills 2023 alumnado de Xestión de Vendas e Espazos Comerciais (modalidade dual e ordinario).