| |
 |  |
 | |
 |  | |
 |  |
Fondo solidario de libros de texto e axudas para adquirir libros de texto e material escolar
Vense de publicar a ORDE do 9 de maio de 2018 pola que se regula a participación no fondo solidario de libros de texto e se convocan axudas para adquirir libros de texto e material escolar.
- Para poder acceder a este fondo de libros é condición necesaria devolver os libros de texto e o material reutilizable adquirido coas axudas para libros de texto ou recibido do fondo solidario no curso 2017/18.
- O prazo máximo para devolvelos será o 22 de xuño de 2018, agás para o alumnado de ESO que teña algunha materia pendente, que poderá quedarse co libro correspondente ata que se examine e, como máximo, ata o 7 de setembro de 2018.
- Poderán presentar solicitudes os pais, nais, titores ou representantes legais do alumnado no centro no que estea admitido o alumno
- As solicitudes poderanse presentar no centro educativo utilizando os formularios normalizados dispoñibles na aplicación informática Fondolibros, ou por vía electrónica a través da sede electrónica da Xunta de Galicia.
- O prazo para presentar solicitudes xa está aberto e rematará o día 22 de xuño de 2018 (este incluído).
A Dirección.
