A actividade de sendeirismo a Cabo Udra foi todo un éxito. Tivemos un bo día e poidemos disfrutar do paseo, das praias e da visita guiada polo entorno da aula da natureza. Estes alumnos de 1º son uns fenómenos. Na praia de Mourisca fixemos torres humanas e carreiras de cabalos. Mirade que fotos máis guapas.

O vindeiro xoves 10 de decembro, alumnado de 4º E.S.O. A e P.D.C. visitarán a planta do grupo PSA en Vigo.

PROGRAMA:

09.45h -Recepción dos alumnos/as na Portería Principal do Centro

10.00h-11.00h - Presentación do Centro de Vigo e do Sistema de fabricación– 30’

                   - Presentación sobre a historia da fábrica, a súa situación actual así como un vídeo sobre a fabricación dun automóbil. A presenza das mulleres na nosa empresa: un valor en alza– 10’

                   - Exposición dos resultados froito das políticas sociais de integración de mulleres no equipo da Empresa. Unha posibilidade laboral: a diversidade de profesións nunha fábrica de automóbiles. – 10’

En colaboración cunha das nosas traballadoras comentarse a diversidade de oficios e profesións que hai nunha empresa de automoción. Dispoñerase de 10’ para organizar os grupos e poñer os medios de protección individual.

Visita á fábrica:

Formaranse dous grupos que irán acompañados, cada un ,por unha persoa de PSA encargada de realizar a visita e un profesor.

Recoméndase que as mulleres non leven zapatos de tacón, para maior comodidade á hora de levar as proteccións dos pes.

Grupo 1: 

11.00h -12.00h Visita a Escola de Formación do Centro de Vigo: A fabricación dun automóbil. Como é o esqueleto dun vehículo?.

12.00h – 13.00h Visita aos talleres de Produción ,Embutición, Ferraxe e Montaxe.

Grupo 2:

11.00h – 12.00h Visita aos talleres de Produción ,Embutición, Ferraxe e Montaxe

12.00h – 13.00h Visita a Escola de Formación do Centro de Vigo: A fabricación dun automóbil. Como é o esqueleto dun vehículo?  

O xoves 26 de novembro o alumnado de 2º da ESO asistirá a un concerto didáctico en Santiago de Compostela acompañados polo profesor Xavier e pola profesora Teté.

O xoves 26 de novembro  o alumnado de 4º ESO de PDC asistirá acompañado polo profesor Xoán e a profesora Sonia, a unha visita ao Museo do Mar de Vigo.

O xoves 26 de novembro o alumnado de 3º da ESO visitará os museos científicos da Coruña.

No Domus  a sala de exposicións e unha sesión de Magnavisión e na Casa das Ciencias a sala de exposicións e unha sesión no Planetario.

Os pasados días 5 e 6 de novembro tivemos a visita de algúns membros do club de remo da nosa vila. Ademais dunha charla acompañada dun interesante audiovisual poidemos probar a nosa habilidade como remeiros nuns aparellos chamados "remoergómetros" nos que se practica o remo "en seco". Aquí van un par de fotos:

Por certo que o rapaz de vermello que vedes no centro é Óscar, antigo alumno do noso centro e remeiro de alto nivel na actualidade. A ver se despois desta visita se animan algúns alumnos e alumnas a practicar o fermoso deporte do remo.

XORNADA DE PORTAS ABERTAS

O luns 1 de xuño temos a xornada de portas abertas co alumnado de 6º de Educación Primaria que cursará, o vindeiro curso 2015/2016, 1º de ESO no noso centro. Recibimos, acompañados das súas titoras, ou nalgúns casos das familias,  alumnos/as dos CEIPs adscritos; de Cela e Beluso, así coma alumnos/as do CEIP A Pedra e o CEIP de Ardán. Actuaron como guías catro alumnos/as do noso centro de 1º de ESO que foron os encargados de amosarllo.

Pola tarde, ás 17:45h, serán recibidas ás familias.

Vémonos en Setembro¡¡¡¡

O pasado venres 8 de maio, o programa de Radio Ons centrouse no mundo da cociña. Os invitados nesta xornada, a chef Cristina Millán Quintela e Joel Ríos Malvido (3º C),  elaboraron tres deliciosos petiscos que puidemos degustar ao remate da emisión. Verónica Chapela, Mercedes Pretel, Ana Vilas, Alba Juncal e Héctor Rodríguez levaron nesta ocasión as rendas. Música gastronómica, proxeccións de deliciosos pratos, curiosidades culinarias, propiedades dos alimentos empregados, adiviñas e chistes (contados por Marcos Ríos) amenizaron o transcurso do programa.

Acaba de rematar o tradicional torneo de bádminton. Un ano máis o nivel técnico acadado foi moi alto e os expectadores poidemos disfrutar de momentos de gran intensidade e emoción. Os gañadores foron:

No 1º ciclo: 1ºXavier Pérez, 2ºPablo Sampedro, 3ºAarón Fandiño e 4ºFran Graña

No 2º Ciclo: 1ºDavid Riobó, 2º Chema López, 3ºAngel Paz e 4ºDamián Barreiro.

VISITA IES DA ZONA

O pasado martes 21 de Abril visitamos co alumnado de 4º de ESO e 3º de PDC o  IES de Rodeira(Cangas) e o IES A Paralaia (Moaña). Alí vimos os talleres onde se levan a cabo os seus Ciclos Formativos e tanto o profesorado como o alumnado que os cursa nos explicaron detidamente en que consiste o seu traballo. Nos queda pendente a visita ao IES Johan Carballeira.

CICLO MEDIO DE INSTALACIÓNS DE TELECOMUNICACIÓNS (IES RODEIRA)

CICLO SUPERIOR DE ADMINISTRACIÓN DE SISTEMAS INFORMÁTICOS EN REDE (RODEIRA)

CICLO MEDIO DE MECANIZADO (IES A PARALAIA)

CICLO MEDIO DE INSTALACIÓNS ELÉCTRICAS E AUTOMÁTICAS (A PARALAIA)