Os pasados días 5 e 6 de novembro tivemos a visita de algúns membros do club de remo da nosa vila. Ademais dunha charla acompañada dun interesante audiovisual poidemos probar a nosa habilidade como remeiros nuns aparellos chamados "remoergómetros" nos que se practica o remo "en seco". Aquí van un par de fotos:

Por certo que o rapaz de vermello que vedes no centro é Óscar, antigo alumno do noso centro e remeiro de alto nivel na actualidade. A ver se despois desta visita se animan algúns alumnos e alumnas a practicar o fermoso deporte do remo.

A actividade de sendeirismo a Cabo Udra foi todo un éxito. Tivemos un bo día e poidemos disfrutar do paseo, das praias e da visita guiada polo entorno da aula da natureza. Estes alumnos de 1º son uns fenómenos. Na praia de Mourisca fixemos torres humanas e carreiras de cabalos. Mirade que fotos máis guapas.

O vindeiro venres 13 terá lugar unha nova actividade co alumnado de 1º curso. Volveremos a exercitar as nosas pernas percorrendo a rota de sendeirismo que nos levará do instituto ó Cabo Udra. Alí os monitores da Aula da Natureza guiarannos polo cabo explicándonos particularidades botánicas, xeolóxicas e faunísticas deste valioso enclave. Despois de xantar voltaremos camiñando de novo ó instituto, onde remataremos a actividade. Colgaremos algunha foto en canto sexa posible.

CHARLA-COLOQUIO

 DÍA:      LUNS 23 DE NOVEMBRO

 HORA:     16.00

 As charlas-coloquio son sesións divulgativas organizadas pola Presidencia do Parlamento en colaboración coa Asociación de Ex Parlamentarios/as,  que teñen como obxectivo que os estudantes de Bacharelato e da ESO coñezan de preto o traballo que se desenvolve no Parlamento de Galicia.

EX DEPUTADOS QUE ASISTIRÁN: 

 -          Pedro Manuel Mariño Campos (Partido Socialista de Galicia-PartidoSocialista Obrero Español: PSdeG-PSOE)

 -          Francisco Trigo Durán  (Bloque Nacionalista Galego: BNG)

 -          Xosé Manuel Pazos Varela (Esquerda de Galicia: EG)

O xoves 26 de novembro o alumnado de 3º da ESO visitará os museos científicos da Coruña.

No Domus  a sala de exposicións e unha sesión de Magnavisión e na Casa das Ciencias a sala de exposicións e unha sesión no Planetario.

O xoves 26 de novembro o alumnado de 2º da ESO asistirá a un concerto didáctico en Santiago de Compostela acompañados polo profesor Xavier e pola profesora Teté.

Nestes días de novembro temos no instituto un bo feixe de xogos tradicionais. Trátase dun préstamo que nos fai a asociación de xogos tradicionais de Bueu. Mirade que ben o pasan os nosos alumnos do Illa de Ons:

O xoves 26 de novembro  o alumnado de 4º ESO de PDC asistirá acompañado polo profesor Xoán e a profesora Sonia, a unha visita ao Museo do Mar de Vigo.