O venres 29 de maio celebrouse no IES Fernando Blanco a Gran Final da IV Olimpíada Cultural O Saber Ten Premio. Na que participaron os tres equipos finalistas: Ángeles de Acero, ASDFG e Os Picapedra

Esta final constou de dúas partes:

A primeira parte, na que os tres equipos tiveron que contestar a 20 preguntas extraídas ao chou entre 616 preguntas elaboradas por todo o profesorado do centro e de todas as materias e de todas as ensinanzas que se imparten no IES Fernando Blanco, mediante un programa informático elaborado por Martín Pardiñas Fondo. Nesta primeira parte resultaron clasificados os equipos Ángeles de Acero con 18 puntos e ASDFG con 15.

A segunda parte consistiu nun debate sobre o tema “É mellor a vida no mundo rural ou no mundo urbano?”, na que os dous equipos defenderon posturas opostas. Esta parte foi xulgada por un xurado composto por tres profesores e profesoras do centro.

Despois destas dúas partes resultou gañador do 1º premio, dotado con 600 €, desta IV Olimpíada Cultural o equipo Ángeles de Acero, composto por: Daniel Castro Lado, Mónica Allo González, Fátima Martínez Carril, Kelly Trillo Agulleiro e Tania Martínez Carril.

En 2º lugar, cun premio de 400 €, quedou o equipo ASDFG, composto por: Aida Pérez Lago, Sergio Grandío Rodríguez, Daniel Lado Campaña, Alejandro Fernández Castelo e Adrián Garea Fernández.

O 3º clasificado, galardoado cun premio de 300 €, foi o equipo Os Picapedra, composto por:  Belén Picallo Fernández, Sandra Soneira Vieites, Ismael Lago Mesías, Diego López González e Gemma Felipe Solano.

A gala estivo conducida por Darío Areas, secretario da Fundación Fernando Blanco de Lema e responsable do seu Museo, contou cunha nutrida presenza de familiares do alumnado participante que, ademais, puideron asistir a varias actuacións musicais a cargo de Javier Turnes, Rafael Poncela, Andrés Parada e Paula Castiñeira.

Os premios desta Olimpíada Cultural contaron co patrocinio de FERROATLÁNTICA e o director da zona noroeste de FERROATLÁNTICA, don Carlos Oliete Fernández, estivo presente e fixo entrega dos premios aos equipos.

Tamén estivo presente a inspectora de educación dona Magdalena Duarte Blanco.

Nesta cuarta edición participaron un total de 10 equipos que pasaron por varias eliminatorias ao longo do curso ata chegar tres equipos a esta Gran Final.

O pasado venres 13 de febreiro de 2015, celebrouse un Festival de Entroido no IES Fernando Blanco de Cee, no que participou toda a comunidade educativa.

Houbo premios para os disfraces máis orixinais, actuacións musicais, concursos e moitas risas.

Un grupo de profesores e persoal non docente montaron o poboado de Astérix, preparando a poción máxica para vencer a César e os romanos que, como diría Obélix, están tolos.

Houbo minions, comandos das forzas armadas, catwomen e moitos máis disfraces.

 Foi unha xornada diferente, na que todas as persoas participantes e espectadores o pasaron moi ben.

Este curso celebramos novamente a festa do Samaín.

O xoves 30 de outubro representáronse na biblioteca as seguintes lecturas adaptadas acompañadas de son e imaxe:

• A cita. Historia inventada pola profesora de Pedagoxía Terapéutica.
• Unha broma?. Historia inventada por unhas alumnas de 1º de Bacharelato.
• A morte en persoa de José Doval González.
• Parézoche fermosa?. Historia inventada por unha alumna de 1º de Bacharelato.
• A escola assombrada. Historia en lingua portuguesa inventada polo profesor de galego e do obradoiro de portugués.
• Medo e máis medo, de Ánxel Fole.

Este ano para rematar contamos con dúas actuacións musicais amenizadas polo profesor de filosofía e unha alumna e un alumno de 2º de Bacharelato:

• Ghostbusters (Cazapantasmas).
• Thriller de Michael Jackson.

Colaboradores/participantes:

Equipo e Grupo de traballo da biblioteca, Dirección do centro, D.O. e ENDL: con axudas económicas para as compras, aportando ideas, decorando a biblioteca, preparando vestimentas e maquillaxes, seleccionando, inventando, traducindo e adaptando as lecturas aos espectador@s, como técnicos de música e son, axudando aos lectores na preparación da posta en escena,…

Alumnado: creando e aportando vestimentas e adornos, colaborando no atrezzo, participando directamente como contacontos e dramaturg@s nas súas representacións. De novo salientar este ano o número e a heteroxeneidade do alumnado participante: 14 estudantes dos distintos cursos da ESO e Bacharelato.

O profesor de Plástica: participando na decoración, maquillaxe de actores e actrices e na documentación fotográfica.

Asociación “Comic” de Fisterra: prestounos 4 disfraces da Santa Compaña.

Destacar que esta actividade implica o compromiso de moita xente (profesorado, alumnado, bedeis, familias) e un traballo de día a día; que comeza un mes antes preparando o decorado, os textos e ensaiando as súas representacións.

No Salón de Actos representouse a obra de teatro titulada “Licor café por compaixón ou ¡Santiago y cierra España!” a cargo do grupo de teatro “Tuéjele”, integrado por alumnado do IES Fernando Blanco, que levan durante todo o curso ensaiando e facendo os preparativos para a estrea de hoxe. Á representación asistiron, ademais do alumnado e profesorado do IES Fernando Blanco, familiares dos alumnos e alumnas protagonistas, que o pasaron moi ben coa divertida comedia, inspirada na obra de Joseph Kesselring “Arsenic and old lace”, levada ao cine por Frank Capra.

Esta actividade realízase no marco dun Obradoiro de artes escénicas e musicais, que se desenvolve no IES Fernando Blanco (en horario extraescolar) e dentro das actuacións do “Contrato-Programa para o logro da excelencia académica” que asinou o IES Fernando Blanco coa Consellería de cultura, educación e O.U.

Tamén houbo unha exhibición de acrosport realizada por alumnado do centro de varios niveis educativos.

No pavillón de deportes do Eugenio López xogouse un partido de fútbol disputado por dous equipos formados por profesores, alumnos e persoal non docente do IES Fernando Blanco.

O pasado venres 6 de xuño celebrouse no IES Fernando Blanco a Gran Final da III Olimpíada Cultural O Saber Ten Premio. Na que participaron os tres equipos finalistas: The Boss, Sardiñas Vivas  e Satanases del Infierno.

Esta final constou de dúas partes:

A primeira parte, na que os tres equipos tiveron que contestar a 20 preguntas extraídas ao chou entre 616 preguntas elaboradas por todo o profesorado do centro e de todas as materias e de todas as ensinanzas que se imparten no IES Fernando Blanco, mediante un programa informático elaborado por Martín Pardiñas Fondo. Nesta primeira parte resultaron clasificados os equipos Sardiñas Vivas con 16 puntos e Satanases del Infierno con 13.

A segunda parte consistiu nun debate sobre o tema “Na nosa sociedade, as persoas tenden cada vez máis cara unha forma de vida centrada no individuo ou na comunidade”, na que os dous equipos defenderon posturas opostas. Esta parte foi xulgada por un xurado composto por tres profesores e profesoras do centro.

Despois destas dúas partes resultou gañador do 1º premio, dotado con 600 €, desta III Olimpíada Cultural o equipo Sardiñas Vivas, composto por: Óscar Sestayo Yermo, Carlos Leis Fernández, Iván Costa García, Judit Castro Pose e Xaquín Sestayo Yermo.

En 2º lugar, cun premio de 400 €, quedou o equipo Satanases del Infierno, composto por: Paula Castiñeira Iglesias, Lorena Rey Castiñeira, Román Lema Castiñeira, Patricia Trillo Villar e Andrea Rodríquez Trillo.

O 3º clasificado, galardoado cun premio de 300 €, foi o equipo The Boss, composto por: Cecilia Andrade Ameijenda, Denise Sambad, Brais Soto Pose e Tania Pérez Toba.

A gala estivo conducida por Darío Areas, secretario da Fundación Fernando Blanco de Lema e responsable do seu Museo, contou cunha nutrida presenza de familiares do alumnado participante que, ademais, puideron asistir a varias actuacións musicais do alumnado de 3º e 4º de ESO que interpretaron versións de bandas sonoras de coñecidas películas (Titanic, Star Wars, La vida es bella, Réquiem por un sueño,...). Tamén actuaron varias alumnas de bacharelato (Paula Castiñeira, Paula Vázquez , Mª del Carmen e Selene) que interpretaron cancións de Coldplay acompañadas ao piano pola súa profesora de música, Verónica Ramil.

Os premios desta Olimpíada Cultural contaron co patrocinio de FERROATLÁNTICA e o director das fábricas de Cee e Dumbría, don Javier Vázquez Carro, estivo presente e fixo entrega dos premios aos equipos gañadores e dirixiu unhas palabras ao alumnado participante e asistente recordándolles a importancia dos estudos para o seu futuro e reiterando a aposta de FERROATLÁNTICA polo ensino na comarca como o demostra a súa colaboración nesta e outras actividades culturais e formativas.

Nesta terceira edición participaron os 12 equipos seguintes: