O mes de febreiro chega repleto de actividades e concursos no Proval. Comezamos coas tradicionais coplas de amor co gallo do Día da Candelaria...

Velaquí as finalistas, todas elas de 1º ESO B. 

 Parabéns ás gañadoras e a tod@s os participantes que encheron de cor e creatividade os nosos corredores!

Hoxe vivimos unha xornada inzada de lembranzas, xa que cada 30 de xaneiro, alén do Día da Paz, celébrase o Día da Ilustración, coincidindo co Día de Castelao, por ser esta a data do seu nacemento. Con todo, no Proval homenaxeamos a súa figura, trascendental na historia e cultura galegas, durante todo este mes de xaneiro con charlas, exposicións, murais e audiovisuais, porque como el afirmaba...

“ningún idioma alleo, por ilustre que sexa, poderá expresar en nome do noso os íntimos sentimentos, 

as fondas dores e as perdurables esperanzas do pobo galego;

se aínda somos diferentes e capaces de existir, non é máis que por obra e graza do idioma” 

 DÍA DE CASTELAO

Esta semana o técnico da Axencia Tributaria, Guillermo Surís, explicoulle ao noso alumnado de bacharelato o labor deste organismo e a súa relación coa economía do benestar, así como o sentido de termos tan comúns e necesarios como “orzamentos públicos”, “fraude fiscal" e mesmo o destino dos impostos que pagamos... como a educación pública.